យោងតាមក្រសួងសុខាភិបាលចេញសេចក្តីប្រកាសនៅថ្ងៃទី១៦ ខែឧសភា ឆ្នាំ២០២០នេះថា អ្នកជំងឺកូវីដ១៩ម្នាក់ចុងក្រោយគេ ពោលគឺអ្នកជំងឺ ទី១២២ បានជាសះស្បើយ ដែលបានធ្វើឲ្យប្រទេសកម្ពុជាក្លាយជាប្រទេសគ្មានអ្នកជំងឺកូវីដ១៩ (ជាសះស្បើយ១០០ភាគរយ)។
អ្នកជំងឺកូវិដ - ១៩ ចុងក្រោយម្នាក់នៅកម្ពុជាបានជាសះស្បើយហើយ! (ប្រភព៖ sabay)
នៅទីបំផុតទៅ អ្នកជំងឺកូវីដ១៩ ម្នាក់ចុងក្រោយ បានជាព្យាបាលជាសះស្បើយហើយ នាំឲ្យអ្នកជាសះស្បើយពីជំងឺកូវីដ១៩កើនដល់១២២នាក់ និងមិនមានករណីវិជ្ជមានកូវីដ១៩ថ្មីនោះទេ នៅថ្ងៃទី១៥ ឧសភា ឆ្នាំ២០២០ ម្សិលមិញនេះ។ នេះបើតាមយោងតាមសេចក្តីជូនព័ត៌មានរបស់ក្រសួងសុខាភិបាលដែលចេញផ្សាយនៅថ្ងៃនេះ។
នកជំងឺកូវីដ១៩ ដែលជាសះស្បើយចុងក្រោយគេនេះ ជាស្ត្រីជនជាតិខ្មែរ អាយុជាង៣០ឆ្នាំ រស់នៅក្នុងខេត្តបន្ទាយមានជ័យ និងបានបញ្ជូនមកព្យាបាលបន្តនៅមន្ទីរពេទ្យមិត្តភាពខ្មែរសូវៀត កាលពីថ្ងៃទី០៨ខែឧសភា កន្លងទៅ ហើយត្រូវធ្វើតេស្តរកមេរោគ២ដង បញ្ជាក់ថា មិនមានវិជ្ជមានមេរោគកូវីដ១៩កាលពីថ្ងៃទី១៥ ឧសភា។
នាឧកាសនេះ សម្ដេចតេជោ ហ៊ុន សែន ក៍បានផ្ញើសារអបអរសាទរ អ្នកជាសះស្បើយជំងឺកូវីដ១៩ ចុងក្រោយគេនេះដែរ។
«សូមអបអរសាទរក្មួយស្រីដែលជាអ្នកជំងឺកូវីដ-១៩ ចុងក្រោយ ដែលបានព្យាបាលជាសះស្បើយនៅថ្ងៃទី ១៦ ឧសភា នេះ ដែលសរុបទាំងអស់មានចំនួន១២២នាក់។ នៅពេលនេះប្រទេសយើងក៏មិនមានអ្នកឆ្លងជម្ងឺកូវីដ-១៩ថ្មីថែមទៀតដែរ»។ នេះជា សាររបស់សម្ដេចតេជោ ហ៊ុន សែន ដែលបានសរសេរនៅផេកផ្លូវការរបស់ខ្លួន នៅរសៀលថ្ងៃទី ១៦ ខែឧសភា ឆ្នាំ ២០២០។
សូមជម្រាបថា បច្ចុប្បន្នកម្ពុជាមិនមានអ្នកជំងឺកូវីដ១៩ទៀតទេ គឺបានជាសះស្បើយទាំង១២២នាក់ ពោលគឺស្មើនឹង១០០% ។ទោះបីស្ថានភាពកូវីដនៅកម្ពុជាមានភាពប្រសើរក៏ពិតមែន តែរាជរដ្ឋាភិបាល និងក្រសួងសុខាភិបាល នៅតែអំពាវឲ្យប្រជាពលរដ្ឋទាំងអស់ បន្តការយកចិត្តទុកដាក់ និងត្រូវមានការប្រុងប្រយ័ត្ន ហើយត្រូវខិតខំអនុវត្តគ្រប់បែបយ៉ាងទាំងអស់តាមបទបញ្ជារបស់រាជរដ្ឋាភិបាល និងធ្វើតាមការណែនាំនានារបស់ក្រសួងសុខាភិបាល ដើម្បីបន្តជៀសឆ្ងាយពីជំងឺកូវីដ-១៩៕
（ប្រែសម្រូលដោយវិច្ឆិកា）
មតិពីមិត្តអ្នកអាន