លោកនាយករដ្ឋមន្ត្រីហ៊ុន សែន ទើបបានចេញសេចក្ដីសម្រេចស្ដីពីការបង្កើតគណៈកម្មការអន្ដរក្រសួង ដើម្បីជំរុញដំណើរការអនុវត្ដគម្រោងហេដ្ឋារចនាសម្ព័ន្ធ ផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងបាវិត។
រដ្ឋាភិបាលបង្កើតគណៈកម្មការជំរុញការសាងសង់ផ្លូវល្បឿនលឿនភ្នំពេញ-បាវិត
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានចេញសេចក្ដីសម្រេចស្ដីពីការបង្កើតគណៈកម្មការអន្ដរក្រសួងដើម្បីជំរុញដំណើរការអនុវត្ដន៍គម្រោងហេដ្ឋារចនាសម្ព័ន្ធផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងបាវិត។
តាមសេចក្ដីសម្រេចរបស់រាជរដ្ឋាភិបាលដែលចុះហត្ថលេខាដោយសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីកម្ពុជា ចុះថ្ងៃទី១៥ខែកក្កដា ២០២០ បានបញ្ជាក់ថា៖ «ត្រូវបានបង្កើតគណៈកម្មការអន្តរក្រសួងដើម្បីជំរុញការអនុវត្តន៍គម្រោងហេដ្ឋារចនាសម្ព័ន្ធផ្លូវល្បឿនលឿន(Expressway)តភ្ជាប់ពីរាជធានីភ្នំពេញទៅក្រុងបាវិតដែលស្នើសុំវិនិយោគដោយក្រុមហ៊ុន China Railway International Group Co., Ltd ក្រោមក្របខ័ណ្ឌសាងសង់-ធ្វើអាជីវកម្ម-ផ្ទេរ (Build-Operate-Transfer)»។
គណៈកម្មការអន្តរក្រសួងនេះមានលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនជាប្រធាន។គណៈកម្មការនេះមានភារកិច្ចដូចតទៅ៖ពិនិត្យនិងផ្តល់យោបល់អំពីនីតិវិធីក្របខ័ណ្ឌគតិយុត្តនិងរូបភាពនៃការវិនិយោគលើគម្រោងហេដ្ឋារចនាសម្ព័ន្ធផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងបាវិត។ ជំរុញគម្រោងហេដ្ឋារចនាសម្ព័ន្ធផ្លូវល្បឿនលឿនខាងលើឲ្យបានសម្រេចជាស្ថាពរដើម្បីរួមចំណែកពន្លឿនការអភិវឌ្ឍច្រករបៀងរាជធានីភ្នំពេញ-ក្រុងបាវិត។ ធ្វើរបាយការណ៍ស្ដីពីលទ្ធផលការងារជូនប្រមុខរាជរដ្ឋាភិបាលតាមរយៈទីស្ដីការគណៈរដ្ឋមន្ត្រី។
រដ្ឋាភិបាលបង្កើតគណៈកម្មការជំរុញការសាងសង់ផ្លូវល្បឿនលឿនភ្នំពេញ-បាវិត
តាមសេចក្ដីសម្រេចរបស់រាជរដ្ឋាភិបាល បានបញ្ជាក់ថា គណៈកម្មការនេះ មានភារកិច្ចដូចតទៅ៖
- ពិនិត្យ និងផ្តល់យោបល់អំពីនីតិវិធីក្របខណ្ឌគតិយុត្ត និងរូបភាពនៃការវិនិយោគលើគម្រោងហេដ្ឋារចនា សម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញទៅក្រុងបាវិត
- ជំរុញគម្រោងហេដ្ឋារចនាសម្ព័ន្ធផ្លូវល្បឿនលឿនខាងលើ ឲ្យបានសម្រេចជាស្ថាពរ ដើម្បីរួមចំណែកពនឿន ការអភិវឌ្ឍច្រករបៀងរាជធានីភ្នំពេញ-ក្រុងបាវិត
- ធ្វើរបាយការណ៍ស្ដីពីលទ្ធផលការងារជូនប្រមុខរាជរដ្ឋាភិបាល តាមរយៈទីស្ដីការគណៈរដ្ឋមន្ត្រី៕
（សរុបដោយ ហេង វុធ្ធ）
（ប្រភពព័ត៌មាន: rasmeinews.com និង vayofm.com）
មតិពីមិត្តអ្នកអាន