យុគសម័យ - នាពេលថ្មីៗនេះនៅទីស្តីការក្រសួងទេសចរណ៍ លោករដ្ឋមន្រ្តី ថោង ខុន បានដឹកនាំប្រជុំក្រុមការងារជំនាញ ដើម្បីត្រៀមលក្ខណៈអនុវត្តផែនទីចង្អុលផ្លូវ ស្តីពីផែនការស្តារ និងលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ-១៩។
លោក ថោង ខុន រដ្ឋមន្ត្រីក្រសួងទេសចរណ៍។
ក្រសួងទេសចរណ៍បានបើកប្រជុំក្រុមការងារជំនាញ ដើម្បីត្រៀមលក្ខណៈអនុវត្តផែនទីចង្អុលផ្លូវស្តីពីផែនការស្តារ និងលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ-១៩។ កិច្ចប្រជុំនេះដឹកនាំដោយលោក ថោង ខុន រដ្ឋមន្ត្រីក្រសួងទេសចរណ៍។
ចាប់តាំងពីដើមខែធ្នូឆ្នាំ ២០២០ រាជរដ្ឋាភិបាលកម្ពុជាបានចាត់វិធានការជាច្រើនដើម្បីគាំទ្រដល់វិស័យសេដ្ឋកិច្ចសំខាន់ៗដូចជាវាយនភណ្ឌទេសចរណ៍និងអាកាសចរ ណ៍ដែលរងផលប៉ះពាល់ដោយជំងឺរាតត្បាតកូវីដ១៩ ។
រាជរដ្ឋាភិបាលកម្ពុជាបានបន្តផ្តល់ប្រាក់ចំនួន ៤០ ដុល្លារ / ខែ សម្រាប់រយៈពេលពីខែមីនាដល់ខែមីនាឆ្នាំ ២០២១ សម្រាប់កម្មករ / និយោជិកម្នាក់ៗដែលធ្វើការនៅក្នុងឧស្សាហកម្មវាយនភ័ណ្ឌនិងទេសចរណ៍ ក៏ដូចជាសម្រាប់អាជីវកម្មដែលពាក់ព័ន្ធនឹងវិស័យទេសចរណ៍ដូចជាភោជនីយដ្ឋានសណ្ឋាគារនិងអ្នកដំណើរត្រូវបានរំខានដោយការរីករាលដាលនៃជំងឺកូវីដ១៩ ។
សូមជម្រាបថា ក្រសួងទេសចរណ៍ បានរៀបចំសេចក្តីព្រាងផែនទីចង្អុលផ្លូវ ស្តីពី ផែនការស្តារ និងលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ-១៩ ឆ្នាំ២០២០-២០២៥ រួចហើយ ដែលផែនទីចង្អុលផ្លូវនេះ ចែកចេញជា ០៣ដំណាក់កាល៖ ➢ ដំណាក់កាលទី១៖ ការគ្រប់គ្រងវិបតិ្តក្នុងដំណាក់កាលទម្លាប់ថ្មី (New Normal) និងការរៀបចំផែនការស្តារឡើងវិញ (២០២០-២០២១) ➢ ដំណាក់កាលទី២៖ ការស្តារឡើងវិញនៃវិស័យទេសចរណ៍កម្ពុជាក្រោយវិបត្តិកូវីដ-១៩ (២០២២-២០២៣) ➢ ដំណាក់កាលទី៣៖ ការរៀបចំឆ្ពោះទៅកាន់អនាគតថ្មីនៃវិស័យទេសចរណ៍កម្ពុជា (២០២៤-២០២៥) សេចក្តីព្រាងផែនទីចង្អុលផ្លូវនេះ បានដាក់ឆ្លងកិច្ចប្រជុំគណៈកម្មាធិការជាតិអវិឌ្ឍន៍ទេសចរណ៍ និងបានទទួលការគាំទ្រពីគ្រប់ក្រសួងស្ថាប័នពាក់ព័ន្ធ ហើយគ្រោងនឹងដាក់ឆ្លងកិច្ចប្រជុំចុងក្រោយរបស់គណៈកម្មាធិការជាតិអវិឌ្ឍន៍ទេសចរណ៍ និងដាក់ឆ្លងរាជរដ្ឋាភិបាល នាពេលឆាប់ៗខាងមុខនេះ៕
(ប្រែសម្រួលដោយ ហេង វុធ្ធី)
(ប្រភពព័ត៌មាន: Vietnamplus.vn)
មតិពីមិត្តអ្នកអាន