ថ្ងៃទី១៤ ខែធ្នូ ប៉ុស្តិ៍ការពារព្រំដែន Song Trang កងទ័ពការពារព្រំដែនខេត្ត Long An បានសហការជាមួយកងវរសេនាតូចការពារព្រំដែនលេខ៣ ខេត្តព្រៃវែង រៀបចំកិច្ចពិភាក្សាស្ដីពីការគ្រប់គ្រង និងការពារព្រំដែន។
 |
| មេបញ្ជាការប៉ុស្តិ៍ការពារព្រំដែន Song Trang និងកងវរសេនាតូចការពារព្រំដែនលេខ៣ ចុះហត្ថលេខាលើកិច្ចព្រមព្រៀងស្ដីពីកិច្ចសហប្រតិបត្តិការលើការគ្រប់គ្រង និងការពារព្រំដែន |
នាពេលកន្លងមក ស្ថានភាពនៅតំបន់ព្រំដែនរួមដែលគ្រប់គ្រងដោយអង្គភាពទាំងពីរបានមានស្ថិរភាព។ កងកម្លាំងការពារព្រំដែននៃភាគីទាំងពីរបានអនុវត្តល្អនូវកិច្ចព្រមព្រៀងសហប្រតិបត្តិការដែលបានចុះហត្ថលេខា ជួបជុំជាប្រចាំ ទៅសួរសុខទុក្ខនិងផ្តល់អំណោយក្នុងឱកាសបុណ្យទាន ផ្លាស់ប្តូរព័ត៌មានអំពីស្ថានភាពដែលទាក់ទងនឹងការគ្រប់គ្រង និងការពារព្រំដែន រក្សាការយាមល្បាតទ្វេភាគី គ្រប់គ្រងសកម្មភាពចេញចូលនៅច្រកទ្វារព្រំដែន និងបង្កើតលក្ខខណ្ឌអំណោយផលសម្រាប់ប្រជាជននៅសងខាងព្រំដែនក្នុងធ្វើដំណើរស្របតាមបទប្បញ្ញត្តិ។
នាពេលខាងមុខ ភាគីទាំងពីរនឹងបន្តផ្លាស់ប្តូរព័ត៌មាន និងសហការយ៉ាងជិតស្និទ្ធ ដើម្បីរក្សាសន្តិសុខនយោបាយ សណ្តាប់ធ្នាប់និងសុវត្ថិភាពសង្គម សហការយ៉ាងសកម្មដើម្បីដោះស្រាយបញ្ហាដែលកើតឡើងនៅតាមព្រំដែនប្រកបដោយប្រសិទ្ធភាព ផ្សព្វផ្សាយឲ្យប្រជាជនយល់ដឹង ស្វែងយល់ និងអនុវត្តយ៉ាងម៉ឺងម៉ាត់នូវកិច្ចព្រមព្រៀង និងបទប្បញ្ញត្តិស្ដីពីការគ្រប់គ្រងព្រំដែន ដែលវៀតណាម និងកម្ពុជាបានចុះហត្ថលេខា។
នៅក្នុងកិច្ចពិភាក្សានេះ ភាគីទាំងពីរបានពិភាក្សា និងឯកភាពចុះហត្ថលេខាលើកិច្ចព្រមព្រៀងស្ដីពីកិច្ចសហប្រតិបត្តិការលើការគ្រប់គ្រង និងការពារព្រំដែននាពេលខាងមុខ៕
មតិពីមិត្តអ្នកអាន