ចិនប្រកាសដំឡើងពន្ធលើទំនិញអាមេរិកទំហំ៦០ពាន់លានដុល្លារ ដើម្បីជាការសងសឹក

04:29 2019/05/14

ទីបំផុតរដ្ឋាភិបាលចិនបានប្រកាសថា នឹងដំឡើងពន្ធលើផលិតផលនាំចូលពីសហរដ្ឋអាមេរិក ដែលគិតជាទំហំទឹកប្រាក់ ស្មើ៦០ពាន់លានដុល្លារ ដើម្បីជាការឆ្លើយតបទៅនឹងការដំឡើងពន្ធរបស់ទីក្រុងវ៉ាស៊ីនតោន មកលើទំនិញរបស់ប្រទេសចិន។

ចិនប្រកាសដំឡើងពន្ធលើទំនិញអាមេរិកទំហំ៦០ពាន់លានដុល្លារ ដើម្បីជាការសងសឹក

យោងតាមសេចក្តីថ្លែងការណ៍របស់ក្រសួងហិរញ្ញវត្ថុចិន ការឡើងពន្ធដល់១០ភាគរយ ដល់២០ភាគរយ និងដល់២៥ ភាគរយ ទៅលើក្រុមមុខទំនិញជាច្រើនប្រភេទរបស់អាមេរិក នឹងត្រូវចាប់ផ្តើមអនុវត្តន៍ពីថ្ងៃទី០១ ខែមិថុនា ខាងមុខនេះ ខណៈផលិតផលសរុប ប្រមាណ៥,៤១០មុខរបស់សហរដ្ឋអាមេរិក ដែលត្រូវនាំចូលមកកាន់ប្រទេសចិន នឹងរងការប៉ះពាល់ពីចំណាត់ការនេះ។

គួរជម្រាបថា កាលពីថ្ងៃសុក្រសប្តាហ៍មុន ប្រធានាធិបតីអាមេរិក លោក ដូណាល់ ត្រាំ បានសម្រេចចាប់ផ្តើមអនុវត្តន៍ការយកពន្ធ រហូតដល់២៥ភាគរយ ទៅលើទំនិញចិនទំហំ២០០ពាន់លានដុល្លារ ហើយលោកក៏បានព្រមានផងដែរថា ទីក្រុងប៉េកាំងគួរសម្រេច កិច្ចព្រមព្រៀងឲ្យបានឆាប់ជាមួយប្រទេសលោក ព្រោះថាបើមិនដូច្នោះទេស្ថានការណ៍នឹងកាន់តែអាក្រក់ថែមទៀតសម្រាប់ចិន។ ដោយឡែករដ្ឋាភិបាលទីក្រុងប៉េកាំង បានប្រកាន់ជំហរយ៉ាងម៉ឹងម៉ាត់ថា នឹងមិនចុះចាញ់ដាក់សម្ពាធពីខាងក្រៅជាដាច់ខាត។

បញ្ហាវិវាទផ្នែកពាណិជ្ជកម្មរវាងមហាយក្សសេដ្ឋកិច្ចពិភពលោកទាំងពីរ បានផ្ទុះឡើងដំបូងកាលពីពាក់កណ្តាលឆ្នាំមុន ក្រោយពី រដ្ឋាបាលលោក ដូណាល់ ត្រាំ បានដំឡើងពន្ធលើការនាំចូលដែកថែបរបស់ចិន ដោយចាប់ពីនោះមក ទីក្រុងវ៉ាស៊ីនតោននិងទីក្រុង ប៉េកាំងបានប្រកាសដំឡើង ពន្ធសងសឹកគ្នាទៅវិញទៅមក រហូតដល់ចុងឆ្នាំ២០១៨ លោក ត្រាំ និងប្រធានាធិបតីចិនលោក ស៊ី ជិនពីង ក៏បានឯកភាពគ្នាបើកកិច្ចចរចាដើម្បីស្វែងរកដំណោះស្រាយសម្រាប់បញ្ហានេះ ប៉ុន្តែមិនទាន់ឃើញបាន ទទួល លទ្ធផល អ្វីនៅ ឡើយទេមកទល់ពេលនេះ៕

(ប្រភព៖ FN)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll