កូរ៉េខាងត្បូងត្រៀមដកជប៉ុនពី"បញ្ជីស"

18:22 2019/08/12

យុគសម័យ - កូរ៉េខាងត្បូងបានប្រកាស “សេចក្តីព្រាងវិសោធនកម្ម ណែនាំការនាំចូលនិងការនាំចេញសម្ភារៈជាយុទ្ធសាស្រ្ត” ជាមួយនឹងខ្លឹមសារលុបឈ្មោះជប៉ុននៅក្នុង “បញ្ជីស” នៃបណ្តាប្រទេសដែលទទួលបានការអនុគ្រោះពិសេសនៃការនាំចេញ។

កូរ៉េខាងត្បូងត្រៀមដកជប៉ុនពី"បញ្ជីស"
កូរ៉េខាងត្បូងត្រៀមដកជប៉ុនពី"បញ្ជីស"

នាថ្ងៃទី​១២​ ខែសីហា រដ្ឋមន្រ្តី ក្រសួងពាណិជ្ជកម្ម ឧស្សហកម្ម និងថាមពលកូរ៉េខាងត្បូងលោក Sung Yun-mo បានប្រកាស “សេចក្តីព្រាងវិសោធនកម្ម ណែនាំការនាំចូលនិងការនាំចេញសម្ភារៈជាយុទ្ធសាស្រ្ត” ជាមួយនឹងខ្លឹមសារលុបឈ្មោះជប៉ុននៅក្នុង “បញ្ជីស” នៃបណ្តាប្រទេសដែលទទួលបានការអនុគ្រោះពិសេសនៃការនាំចេញ។​

យោងតាមអ្នកសារព័ត៌មាននៃទីស្នាក់ការសារព័ត៌មានវៀតណាមប្រចាំនៅទីក្រុង​Seoul បានឲ្យដឹងថា បើតាមសេចក្តីព្រៀងច្បាប់នេះ រដ្ឋាភិបាលកូរ៉េខាងត្បូងនឹងផ្លាស់ប្តូរចំណាត់ថ្នាក់តំបន់នាំចេញសម្ភារៈជាយុទ្ធសាស្រ្ត។

មុននេះនៅថ្ងៃទី ២ ខែសីហា រដ្ឋាភិបាលជប៉ុនបានសម្រេចដកកូរ៉េខាងត្បូងចេញពី "បញ្ជីស” របស់បណ្តាប្រទេសដែលទទួលបានការអនុគ្រោះពិសេសពាណិជ្ជកម្ម។ ​ការសម្រេចចិត្តនេះមានប្រសិទ្ធិភាពចាប់ពីថ្ងៃទី ២៨ ខែសីហា។ ជាមួយនឹងបទប្បញ្ញត្តិថ្មីនេះក្រសួងសេដ្ឋកិច្ចពាណិជ្ជកម្មនិងឧស្សាហកម្មជប៉ុន (METI) នឹងត្រូវបានត្រួតពិនិត្យបញ្ជាទិញនៃទំនិញនាំចេញទៅកូរ៉េខាងត្បូង។

គួរជម្រាបថា ជម្លោះពាណិជ្ជកម្មរវាងទីក្រុងសេអ៊ូល និងទីក្រុងតូក្យូបានផ្ទុះឡើងក្រោយ ជប៉ុនប្រកាសដកទីក្រុងសេអ៊ូលចេញពីបញ្ជីស ជាការឆ្លើយតបនឹងតុលាការកូរ៉េខាងត្បូង ដែលបានបង្គាប់ឱ្យក្រុមហ៊ុនជប៉ុនមួយចំនួន សងសំណងជំងឺចិត្តដល់អតីតកម្មករកូរ៉េខាងត្បូង ដែលត្រូវបានបង្ខំឱ្យធ្វើការនៅក្នុងឧស្សហកម្ម នៅកំឡុងសង្រ្គាមលោកលើកទី ២។ ទោះបីជាបែបនេះក្តីអ្វីៗហាក់ប្រសើរឡើងវិញបន្តិចកាលពីសប្តាហ៍មុន ដោយជប៉ុនព្រមអនុញ្ញាត ការលក់វត្ថុធាតុដើមមួយឡើងវិញដល់កូរ៉េខាងត្បូង ប៉ុន្តែនៅថ្ងៃចន្ទនេះស្ថានការណ៍បែរជាប្រែមកតានតឹងដូចដើម៕


(យោងតាម vietnamplus ប្រែសម្រូលដោយវិច្ឆិកា)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll