មនុស្សជាង ១០០.០០០ នាក់បានចុះឈ្មោះដើរ ដោយឆ្ពោះទៅរកកំណត់ត្រាពិភពលោក Guinness

មនុស្សជាង ១ ម៉ឺននាក់បានចូលរួមដើរនៅ Ha Noi ក្នុងព្រឹត្តិការណ៍ «រួមជាមួយវៀតណាមឈានទៅមុខ» ឆ្នាំ ២០២៥។

ព្រឹត្តិការណ៍នេះរៀបចំឡើងដោយកាសែត Nhan Dan សហការជាមួយក្រសួងនគរបាល ដោយចាប់ផ្តើមនៅវេលាម៉ោង ៦ ព្រឹក ថ្ងៃទី ៣០ សីហា នៅតាមបណ្តាខេត្ត ក្រុងចំនួន ៣៤។

ជាមួយនឹងសារ «១០ ពាន់លានជំហានបៃតង - ដើម្បីវៀតណាមរឹងមាំ និងចីរភាព» យុទ្ធនាការនេះត្រូវបានរៀបចំឡើងក្នុងឱកាសរំលឹកខួប ៨១ ឆ្នាំនៃបដិវត្តន៍ខែសីហា ទិវាប្រពៃណីកងកម្លាំងនគរបាលប្រជាជន (ថ្ងៃទី ១៩ ខែសីហា) និងបុណ្យជាតិ (ថ្ងៃទី ២ ខែកញ្ញា)។

សកម្មភាពដើរព្រមៗគ្នាត្រូវបានរំពឹងថានឹងជំរុញចលនាហ្វឹកហាត់សុខភាព ពង្រឹងការតភ្ជាប់ពីថ្នាក់កណ្តាលដល់មូលដ្ឋាន ព្រមទាំងអះអាងពីសមត្ថភាពតភ្ជាប់សហគមន៍របស់វៀតណាមនៅលើផែនទីអន្តរជាតិ។

ថ្លែងមតិនៅក្នុងសន្និសីទសារព័ត៌មាននារសៀលថ្ងៃទី ២៥ សីហា លោក Le Quoc Minh សមាជិកគណៈកម្មាធិការមជ្ឈិមបក្ស និពន្ធនាយកកាសែត Nhan Dan អនុប្រធានគណៈឃោសនាអប់រំមជ្ឈិម បានឱ្យដឹងថា តំណាង Guinness នឹងមកកាន់វៀតណាមដើម្បីបញ្ជាក់ទទួលស្គាល់កំណត់ត្រា។

លោក Le Quoc Minh បានឱ្យដឹងថា៖ «បទប្បញ្ញត្តិរបស់ Guinness គឺច្បាស់លាស់ និងជាក់លាក់ណាស់ ពួកគេត្រូវតែមានទិន្នន័យ ត្រូវតែមានភាគីទីបីធ្វើការបញ្ជាក់ទើបត្រូវបានទទួលស្គាល់»។

ក្រៅពីគោលដៅឆ្ពោះទៅរកការបង្កើតកំណត់ត្រាពិភពលោក កម្មវិធីនេះនៅបានផ្សព្វផ្សាយរបៀបរស់នៅបៃតង លើកកម្ពស់ការយល់ដឹងអំពីការកាត់បន្ថយការបំភាយឧស្ម័នឆ្ពោះទៅរក Net Zero និងជំរុញចលនា «ប្រជាជនទាំងមូលហ្វឹកហាត់កាយសម្បទាតាមគំរូលោកប្រធាន Ho Chi Minh ដ៏មហិមា»។

ច្រកព័ត៌មានអនឡាញ cungvietnamtienbuoc.nhandan.vn បច្ចុប្បន្នត្រូវបានបើកឱ្យដំណើរការដើម្បីឱ្យប្រជាជនចុះឈ្មោះ និងសន្សំបណ្តុំជំហានជើង។ គិតមកទល់ពេលនេះ មនុស្សជាង ១០៤.០០០ នាក់បានចុះឈ្មោះចូលរួម ដែលក្នុងនោះ Ha Noi និងទីក្រុង Ho Chi Minh សុទ្ធតែមានចំនួនជាង ១២.០០០ នាក់។

កាលពីឆ្នាំ ២០២៥ កម្មវិធីដើរ «រួមជាមួយវៀតណាមឈានទៅមុខ» បានតភ្ជាប់ប្រជាជននៅតាមបណ្តាខេត្ត ក្រុងចំនួន ៣៤ និងឃុំ សង្កាត់ចំនួន ៣.៣២១ នៅទូទាំងប្រទេស។

ជាមួយនឹងមនុស្សចូលរួមជាង ១,២ លាននាក់ កម្មវិធីនេះបានកត់ត្រាជំហានជើងជាង ៦ ពាន់លានជំហាន ដោយរួមចំណែកផ្សព្វផ្សាយស្មារតីហ្វឹកហាត់កាយសម្បទា សាមគ្គីភាពសហគមន៍ និងក្តីស្រឡាញ់ចំពោះស្រុកកំណើត និងមាតុភូមិ៕

បង្កើនការសម្របសម្រួលគ្រប់គ្រងជនបរទេសចូលចេញប្រទេសព្រមទាំងស្នាក់នៅក្នុងឯវៀតណាម យុគសម័យ - រដ្ឋាភិបាលទើបតែបានប្រកាសឱ្យប្រើប្រាស់អនុក្រឹត្យលេខ ២៨៦/២០២៦/NĐ-CP កំណត់យន្តការសម្របសម្រួលរវាងបណ្តាក្រសួង ស្ថាប័នថ្នាក់ក្រសួង គណៈកម្មាធិការប្រជាជនខេត្ត ក្រុងនៅក្នុងការងារគ្រប់គ្រងការចូលប្រទេស ការចេញប្រទេស ការឆ្លងកាត់ព្រមទាំងការស្នាក់នៅរបស់ជនបរទេសនៅឯវៀតណាម។

បណ្តាគោលដៅដ៏ស័ក្តិសមសម្រាប់ដំណើរកម្សាន្តក្នុងឱកាសបុណ្យជាតិ ២ កញ្ញា យុគសម័យ - ចុងរដូវក្តៅ និងថ្ងៃឈប់សម្រាកដ៏វែងក្នុងឱកាសបុណ្យជាតិ ២ កញ្ញា គឺជាពេលវេលាដ៏ស័ក្តិសមបំផុតសម្រាប់ក្រុមគ្រួសារក្នុងការចំណាយពេលវេលាជាមួយគ្នា មុនពេលឈានចូលឆ្នាំសិក្សាថ្មី សម្រាប់ក្រុមមិត្តភក្តិធ្វើដំណើរកម្សាន្តតាមឆ្នេរសមុទ្រ និងសម្រាប់គូស្នេហ៍ស្វែងរកទីកន្លែងលម្ហែកាយដើម្បីទទួលយកភាពឯកជន។

ឌឿងង្វៀន