យុគសម័យ - ក្នុងរយៈពេលពីរថ្ងៃ គឺថ្ងៃទី ២២-២៣ ខែសីហា ក្រុម K52 នៃបញ្ជាការដ្ឋានយោធាខេត្ត Gia Lai បានស្វែងរក និងប្រមូលផ្តុំបានអដ្ឋិធាតុយុទ្ធជនពលីកងទ័ពស្ម័គ្រចិត្ត និងអ្នកជំនាញការវៀតណាមចំនួន ៣ រូប ដែលបានពលីជីវិតនៅឯខេត្តស្ទឹងត្រែង និងខេត្តរតនគិរី នៃព្រះរាជាណាចក្រកម្ពុជា។
| ខេត្ត Tuyen Quang ស្វែងរកព័ត៌មានអំពីយុទ្ធជនពលីចំនួន ១.០៩៣ នាក់ដែលមិនទាន់ត្រូវបានប្រមូលផ្តុំ ឯកអគ្គរដ្ឋទូត Nguyen Minh Vu៖ ទាញយកផលប្រយោជន៍ពីគ្រប់កាលានុវត្តភាពដើម្បីនាំយុទ្ធជនពលីវិលត្រឡប់មកកាន់មាតុភូមិ |
 |
| ក្រុម K52 ស្វែងរក និងប្រមូលផ្តុំបានអដ្ឋិធាតុយុទ្ធជនពលីវៀតណាមចំនួន ៣ រូប នៅកម្ពុជា។ |
នៅខេត្តរតនគិរី ផ្អែកលើព័ត៌មានដែលផ្តល់ដោយលោក ស៊ាវ ថាន អាយុ ៦៥ ឆ្នាំ រស់នៅភូមិឡាំ ឃុំប៉ញ៉ៃ ស្រុកអូរយ៉ាដាវ ក្រុម K52 បានចុះផ្ទៀងផ្ទាត់ និងរៀបចំការស្វែងរកនៅតំបន់ព្រៃមុនទុម ដែលមានចម្ងាយប្រមាណ ៩ គីឡូម៉ែត្រ ខាងកើតភូមិឡាំ។
យោងតាមលោក ស៊ាវ ថាន កាលពីមុន ឪពុករបស់លោកធ្លាប់បានចូលរួមប្រយុទ្ធជាមួយកងទ័ពវៀតណាម និងបានដឹងពីតំបន់បញ្ចុះសពយុទ្ធជនពលីវៀតណាមមួយចំនួននៅទីនេះ។
នាថ្ងៃទី ២៣ ខែសីហា កងកម្លាំងស្វែងរកបានប្រមូលផ្តុំបានអដ្ឋិធាតុយុទ្ធជនពលីចំនួន ២ រូប។
នៅខេត្តស្ទឹងត្រែង ផ្អែកលើប្រភពព័ត៌មានរបស់លោក ដែង កែវ អាយុ ៦៧ ឆ្នាំ នៅភូមិផាបាំង ឃុំថ្មគា ស្រុកសៀមប៉ាង ក្រុម K52 បានរៀបចំការស្វែងរកនៅតំបន់ខាងក្រោយភូមិញ៉ាងស៊ុម ឃុំថ្មគា និងប្រមូលផ្តុំបានអដ្ឋិធាតុយុទ្ធជនពលីចំនួន ១ រូប។
អដ្ឋិធាតុទាំងឡាយត្រូវបានកំណត់ថាបានពលីជីវិតក្នុងសម័យសង្គ្រាមតស៊ូប្រឆាំងអាមេរិក ហើយបច្ចុប្បន្នមិនទាន់កំណត់បានអត្តសញ្ញាណនៅឡើយ។
ក្នុងដំណើរការស្វែងរក កងកម្លាំងសមត្ថកិច្ចក៏បានរកឃើញវត្ថុអនុស្សាវរីយ៍ជាច្រើន រួមមាន ឡេវអាវយោធា ស្បែកជើងកៅស៊ូ ស្រាក់បាយ ថាសដាក់ថ្នាំពេទ្យធ្វើពីដែកអ៊ីណុក ដបថ្នាំប៉េនីស៊ីលីន ចានដែកស្រោបកាចា និងតង់កៅស៊ូ។
អនុវត្តយុទ្ធនាការ «៥០០ ថ្ងៃយប់ ជំរុញខ្លាំងការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី» ចាប់ពីថ្ងៃទី ១៣ ខែសីហា រហូតមកដល់បច្ចុប្បន្ន នាយទាហាន និងពលទាហានក្រុម K52 ស្វែងរក និងប្រមូលផ្តុំបានអដ្ឋិធាតុយុទ្ធជនពលីសរុបចំនួន ៥ រូប៕
 លើកកម្ពស់ការងារស្វែងរក ប្រមូលផ្តុំ និងការធ្វើមាតុភូមិនិវត្តន៍អដ្ឋិធាតុយុទ្ធជនពលីវៀតណាមដែលបានពលីជីវិតក្នុងសម័យសង្គ្រាមនៅខេត្តមណ្ឌលគិរី នាថ្ងៃទី ២៦ តុលា នៅច្រកទ្វារព្រំដែន Bu P'trang ស្រុក Tuy Duc ខេត្ត Dak Nong គណៈកម្មការជំនាញខេត្ត Dak Lak (វៀតណាម) បានជួបប្រជុំជាមួយគណៈកម្មការជំនាញខេត្តមណ្ឌលគិរី ព្រះរាជាណាចក្រកម្ពុជា។ |
 ពិធីគោរពវិញ្ញាណក្ខ័ន្ធ និងបញ្ចុះអដ្ឋិធាតុយុទ្ធជនពលីវៀតណាមចំនួន ២០ អដ្ឋិធាតុ ដែលពលីជីវិតនៅកម្ពុជា នាព្រឹកថ្ងៃទី២៥ ខែកក្កដា នៅទីបញ្ចុះសពយុទ្ធជនពលីស្រុក Hon Dat ថ្នាក់ដឹកនាំខេត្ត និងកងកម្លាំងប្រដាប់អាវុធខេត្ត Kien Giang វៀតណាម បានប្រារព្ធពិធីគោរពវិញ្ញាណក្ខ័ន្ធ និងបញ្ចុះអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមចំនួន ២០ អដ្ឋិធាតុ ដែលពលីជីវិតនៅកម្ពុជា លើកទី២៥។ |
មតិពីមិត្តអ្នកអាន