យុគសម័យ - ទស្សនាវដ្តីទេសចរណ៍រុស្ស៊ីបានចាត់ទុកថា ហ្វឺ វៀតណាមមានឥទ្ធិពលពីប្រទេសបារាំង ហើយជាម្ហូបដែលមានតម្លៃសមរម្យ ថែមទាំងបានបំរើដោយក្តីរីករាយ។
 តើភ្ញៀវទេសចរចូលចិត្តទទួលទានអ្វីសម្រាប់អាហារពេលព្រឹក នៅពេលមកដល់វៀតណាម? |
 ម្ហូបវៀតណាមនៅស្រុកកំណើតផលិតកាំភ្លើងវែង Kalashnikov |
 |
| ភ្ញៀវទេសចរុស្ស៊ីមានការភ្ញាក់ផ្អើល នៅពេលដែលឃើញប្រជាជនវៀតណាមតែងតែមកជួបជុំគ្នានៅតូបលក់អាហារតាមចិញ្ចើមថ្នល់រៀងរាល់ព្រឹក ដើម្បីទទួលទាន ហ្វឺ សាច់គោ។ (រូបថត៖ Grigory Polyakovsky) |
ទស្សនាវដ្តីទេសចរ Vokrug Sveta រុស្ស៊ីដែលមានប្រធានបទអំពីការស្វែងយល់នូវម្ហូបអាហារនិងវប្បធម៌នៅជុំវិញពិភពលោកទើបតែបានចុះផ្សាយអត្ថបទមួយដែលសរសេអំពី Pho វៀតណាម ក្នុងក្រសែភ្នែកនៃភ្ញៀវទេសចររុស្ស៊ី ៖ ព្រឹកព្រលឹមនៅតាមដងផ្លូវ រដ្ឋធានី Ha Noi ភ្ញៀវទេសចរជនជាតិរុស្ស៊ីមានការភ្ញាក់ផ្អើល នៅពេលដែលឃើញប្រជាជនវៀតណាមឈរតម្រៀបជួរវែង នៅពីមុខហាងលក់អាហារតូចមួយ នៅលើចិញ្ចើមផ្លូវ។ នៅប្រទេសរុស្ស៊ី ប្រជាជនតែងតែទៅនោះ ដើម្បីទិញកាហ្វេ ចំណែកប្រជាជនវៀតណាមវិញតែងតែអង្គុយនៅហ្នឹងកន្លែង ដើម្បីទទួលទានចានស៊ុបក្តៅ។ វាគឺជា ហ្វឺ សាច់គោ ធ្វើពីនំ ហ្វឺ និងសាច់គោហាន់ស្តើង ៗ ដាក់បន្ថែមជីមួយចំនួនប្រភេទទៀត។ ទឹកស៊ុបក្តៅត្រូវបានចាក់ពីលើ។ ប្រជាជនវៀតណាមជឿជាក់ថា ម្ហូបនេះនឹងនាំមកនូវថាមពលពេញមួយថ្ងៃ…
ទស្សនាវដ្តីទេសចរណ៍រុស្ស៊ីនេះបានសន្មតថា ជនជាតិបារាំងបាននាំចូលរបៀបធ្វើទឹកស៊ុបសាច់គោចូលទៅក្នុងប្រទេសវៀតណាម ដោយសារជនជាតិវៀតណាមកម្រទទួលទានសាច់គោពីមុន។ ប្រវត្ដិវិទូខ្លះបានលើកឡើងថាហ្វឺ អាចមានដើមកំណើតមកពីពាក្យបារាំង “feu” ដែលមានន័យថា“ ភ្លើង” ។
យោងតាមទស្សនាវដ្តីទេសចរណ៍ Vokrug Sveta pho ចាប់ផ្តើមលេចមុខនៅភាគខាងជើងសតវត្សរ៍ទី ១៩ ត្រូវបានកែច្នៃដំបូងនៅខេត្ត Nam Dinh ហើយត្រូវបានដាក់លក់ដោយអ្នកលក់តាមដងផ្លូវ។ អ្នកលក់ pho នីមួយៗ ជាធម្មតាមានឆាំងពីរ ក្នុងនោះមួយជាឆ្នាំងផ្ទុកស៊ុបក្តៅ មួយទៀតជាឆ្នាំងផ្ទុកសាច់គោនិងជីរ។ នៅដើមសតវត្សរ៍ទី ២០ អ្នកលក់មុខម្ហូបម្នាក់បានបានផ្លាស់ទៅរដ្ឋធានី Ha Noi ហើយ ហ្វឺ បានទទួលការពេញនិយមយ៉ាងឆាប់រហ័ស។
 |
| Pho បានគេលក់នៅក្នុងមណ្ឌលហូបចុក នៅខាងក្នុងមជ្ឈមណ្ឌលពាណិជ្ជកម្មក្នុងប្រទេសរុស្ស៊ី។ (រូបថត៖ Unsplash) |
អស់រយៈពេលជាយូរមកហើយ ទឹកស៊ុប ហ្វឺ ត្រូវបានចម្អិនតែពីសាច់គោប៉ុណ្ណោះ ប៉ុន្តែនៅឆ្នាំ ១៩៣៩ កំណែថ្មីមួយបានលេចចេញ នោះគឺស៊ុជា ហ្វឺ សាច់មាន់។ ខណៈពេលដែលចម្អិនទឹកស៊ុបសាច់គោអាចចំណាយពេលដល់ទៅ ៨ ម៉ោង ដើម្បីមានឆ្នាំងស៊ុបមួយដែលមានរសជាតិឈ្ងុយឆ្ងាញ់ រីឯទឹកស៊ុបហ្វឺ សាច់មាន់វិញ មានភាពងាយស្រួលជាង យើងត្រូវចំណោយពេលតែ ១ ម៉ោងប៉ុណ្ណោះដើម្បីចម្អិនទឹកស៊ុបប្រភេទនេះ។ ដូច្នេះ ហ្វឺ សាច់មាន់វាយលុកទីផ្សារយ៉ាងឆាប់រហ័សនិងជាគូប្រជែងដ៏ខ្លាំងក្លានៃហ្វឺ សាច់គោ។
យោងតាមការយល់ឃើញរបស់ភ្ញៀវជនជាតិរុស្សី ជនជាតិវៀតណាមកម្រដាំបាយនៅផ្ទះ ហើយពួកគេចូលចិត្តញ៉ាំនៅហាងលក់ម្ហូបអាហារដែលបានលក់តាមចិញ្ចើមផ្លូវ ព្រោះអាហារមានតម្លៃសមរម្យនិងមានការបម្រើដោយរីករាយ។ ពួកគេក៏ជឿជាក់ថា ហ្វឺ សាច់គោឆ្ងាញ់បំផុតគឺនៅរដ្ឋធានី Ha Noi។
ទស្សនាវដ្តី Vokrug Sveta ក៏ណែនាំឱ្យភ្ញៀវទេសចណ៍មកពីលោកខាងលិចគួរតែជ្រើសរើសហាងណាដែលមានជំនាញលក់ ហ្វឺ សាច់គោតែប៉ុណ្ណោះ មិនលក់រួមគ្នាជាមួយអាហារផ្សេងទៀត៖ “អង្គុយនៅក្បែរតុមួយដេលបានដាក់លើចិញ្ចើមផ្លូវ បន្ទាប់ពីរយៈពេលមួយនាទី អ្នកនឹងមានចាន ហ្វឺ និងឈ្ងុយឆ្ងាញ់ ដោយមានស៊ុបដ៏ឈ្ងុយឆ្ងាញ់និងក្តៅ ។ ជាពិសេស មុខម្ហូបនេះមានតម្លៃត្រឹមតែ ៣០.០០០ ដុងប៉ុណ្ណោះ។” ភ្ញៀវទេសចររុស្ស៊ីក៏បាននិយាយផងដែរថាសម្រាប់ជនជាតិវៀតណាមហ្វឺ គឺជាបេតិកភណ្ឌវប្បធម៌ដ៏ពិសិដ្ឋ៕
Bao Nga
មតិពីមិត្តអ្នកអាន