យុគសម័យ - វេទិកាធុរកិច្ចឥណ្ឌូ - ប៉ាស៊ីហ្វិកត្រូប្រចាំឆ្នាំលើកទី ៣ នឹងត្រូវរៀបចំឡើងនៅទីក្រុងហាណូយបន្ទាប់ពី ២ ដងនៅអាមេរិកនិងថៃ។ នេះគឺជាឱកាសមួយសម្រាប់ទីក្រុងវ៉ាស៊ីនតោនបានប្រកាសពីគំនិតផ្តួចផ្តើមថ្មីៗនិងការវិនិយោគថ្មីនៅក្នុងតំបន់។
រដ្ឋមន្រ្តីក្រសួងពាណិជ្ជកម្មអាមេរិកលោក Wilbur Ross បានថ្លែងសុន្ទរកថា IPBF លើកទី ២ នៅប្រទេសថៃក្នុងខែវិច្ឆិកាឆ្នាំ ២០១៩ ។ រូបថត៖ IPBF
រដ្ឋាភិបាលសហរដ្ឋអាមេរិក សហការជាមួយរដ្ឋាភិបាលវៀតណាម សភាពាណិជ្ជកម្មសហរដ្ឋអាមេរិក សភាពាណិជ្ជកម្មនិងឧស្សាហកម្មវៀតណាម ក៏ដូចជាក្រុមប្រឹក្សាធុរកិច្ចអាមេរិក-អាស៊ាននឹងឧបត្ថម្ភវេទិកាធុរកិច្ចឥណ្ឌូ - ប៉ាស៊ីហ្វិក (IPBF) ជាប្រចាំឆ្នាំលើកទី២នៅទីក្រុងហាណូយចាប់ពីថ្ងៃទី ២៩ ដល់ថ្ងៃទី២៩ ខែតុលាឆ្នាំ២០២០។ តំណាងប្រទេសអាមេរិក គ្រោងនឹងចូលរួមតាមប្រព័ន្ធវីដេអូ បើយោងតាមសេចក្តីជូនដំណឹងនៅលើគេហទំព័ររបស់ក្រសួងការបរទេសសហរដ្ឋអាមេរិកកាលពីថ្ងៃទី ៦ ខែកញ្ញា។
ជាក់ស្ដែង ខុទ្ទកាល័យអ្នកនាំពាក្យក្រសួងការបរទេសអាមេរិកបានឲ្យដឹងថា រដ្ឋាភិបាលអាមេរិកបានរួមសហការជាមួយរដ្ឋាភិបាលវៀតណាម សភាពាណិជ្ជកម្មសហរដ្ឋអាមេរិក សភាពាណិជ្ជកម្មនិងឧស្សាហកម្មវៀតណាម និងក្រុមប្រឹក្សាធុរកិច្ចសហរដ្ឋអាមេរិក - អាស៊ាននឹងជួយឧបត្ថម្ភសម្រាប់ព្រឹត្តិការណ៍នេះក្នុងរយៈពេល ២ ថ្ងៃ ចាប់ពីថ្ងៃទី ២៨ ដល់ថ្ងៃទី ២៩ ខែតុលា។ ប្រតិភូសហរដ្ឋអាមេរិកនឹងចូលរួមវេទិកានេះតាមរយៈប្រព័ន្ធវីដេអូ។
វេទិកានេះសំដៅ ជំរុញចក្ខុវិស័យអំពីតំបន់ឥណ្ឌា - ប៉ាស៊ីហ្វិក ប្រកបដោយសេរីភាព និងបើកចំហ ដែលរួមមានប្រទេសឯករាជ្យ ខ្លាំងមាំមួន និងវិបុលភាព។ ថ្នាក់ដឹកនាំរដ្ឋាភិបាល និងសហគ្រាសអាមេរិក វៀតណាម និងបណ្ដាប្រទេសនៅក្នុងតំបន់ឥណ្ឌា - ប៉ាស៊ីហ្វិកនឹងធ្វើការពិភាក្សាលើវិស័យថាមពល ហេដ្ឋារចនាសម្ព័ន្ធ សេដ្ឋកិច្ចឌីជីថល ការតភ្ជាប់ទីផ្សារ និងការស្ដារសេដ្ឋកិច្ច សុខាភិបាលឡើងវិញ ដោយសារជំងឺរាតត្បាតកូវីដ ១៩ ទំនាក់ទំនងភាពជាដៃគូរវាងសហរដ្ឋអាមេរិក - ឥណ្ឌា - ប៉ាស៊ីហ្វិក និងឱកាសពាណិជ្ជកម្មផងដែរ។
គួរបញ្ជាក់ថា IPBF ត្រូវបានបង្កើតឡើងជាផ្លូវការនៅឆ្នាំ ២០១៨ ហើយត្រូវបានគេចាត់ទុកថាជាសរសរគ្រឹះសម្រាប់វិស័យសេដ្ឋកិច្ចនៅក្នុងយុទ្ធសាស្ត្រឥណ្ឌូ - ប៉ាស៊ីហ្វិករបស់រដ្ឋាភិបាលអាមេរិករបស់លោកប្រធានាធិបតី Donald Trump ដែលជាឧបករណ៍មួយដើម្បីពង្រីកតួនាទីរបស់សហរដ្ឋអាមេរិកនៅក្នុងសេដ្ឋកិច្ចក្នុងតំបន់៕
（បកប្រែដោយ ហេងវុធ្ធី）
（ប្រភពព័ត៌មាន: zing.news）
មតិពីមិត្តអ្នកអាន