យុគសម័យ - នាថ្ងៃទី ១ ខែឧសភា ព្រះមហាក្សត្រថៃព្រះបាទ Maha Vajiralongkorn បានប្រកាសថា ព្រះអង្គបាន រៀបអភិសេកជាមួយម្ចាស់ក្សត្រី Suthida Vajiralongkorn ហើយក៏បានតែងតាំងទ្រង់ជាម្ចាស់ក្សត្រី Suthida ផង ដែរ។
ព្រះបាទ Maha Vajirusongkorn និងព្រះមហាក្សត្រិយានី Sutida Vajirusongkorn (រូបថត: FACEBOOK)
ការប្រកាសខាងលើរបស់ព្រះបាទ Maha Vajiralongkorn ធ្វើឡើងតែប៉ុន្មានថ្ងៃប៉ុណ្ណោះ មុននឹងពិធីឡើងគ្រងរាជ្យសម្បត្តិ ជាផ្លូវការនៅចុងសប្ដាហ៍នេះ។ ព្រះបាទ Maha Vajiralongkorn មានព្រះជន្ម ៦៦ព្រះវស្សា បានក្លាយជាព្រះមហាក្សត្រថ្មីនៃ ប្រទេសថៃ បន្ទាប់ពីអតីតព្រះមហាក្សត្រ គឺព្រះបាទ Bhumibhol Adulayej ដែលជាព្រះបិតារបស់ទ្រង់បានសោយទិវង្គតកាលពីខែតុលា ឆ្នាំ២០១៦ ក្នុងមន្ទីរពេទ្យនៃទីក្រុងបាងកក ក្រោយពីទ្រង់បានគ្រងរាជសម្បត្តិអស់រយៈកាល ៧០ឆ្នាំ និងបានក្លាយជាស្តេចដែលគ្រងរាជ្យបានយូរជាងគេបំផុតនៅលើពិភពលោក។
ក្នុងប៉ុន្មានថ្ងៃនេះ នៅទីក្រុងបាំងកក ក្រុមយោធាក្នុងឯកសណ្ឋានមួកមានពណ៌ឆើតឆាយ ដែលបានសែងគ្រែស្នែងពណ៌មាសឆ្លងកាត់ទីស្នាក់ការចាស់ក្រុងបាងកកកាលពីថ្ងៃអាទិត្យ នៅក្នុងសម្លៀកបំពាក់ហាត់សម សម្រាប់ក្បួនដង្ហែនៃការគ្រងរាជ្យរបស់ ព្រះអង្គម្ចាស់ Maha Vajiralongkorn។
វង់តន្ត្រីត្រៀមហាត់សមសម្រាប់ក្បួនដង្ហែនៃការគ្រងរាជ្យរបស់ ព្រះអង្គម្ចាស់ Maha Vajiralongkorn (រូបថតៈ REUTERS)
គួរបញ្ជាក់ថា ពិធីគ្រងរាជសម្បត្តិតាមប្រពៃណី នៃរាជវង្សថៃ ត្រូវបានគេរំពឹងថានឹងក្លាយជា លាភសំណាងនៃប្រជាជាតិថៃទាំងមូល ដែលនឹងចាប់ផ្តើមពីថ្ងៃទី០៤ ដល់ថ្ងៃទី០៦ ខែឧសភា ឆ្នាំ២០១៩។
នៅថ្ងៃទី២ គឺជាការដង្ហែក្បួនរបស់ព្រះអង្គ នៅអំឡុងពេលដែលព្រះអង្គ Vajiralongkorn ត្រូវបានគេយាងឲ្យឡើងគ្រែស្នែង ដែលបានសែងដោយក្រុមទាហានជាច្រើននាក់៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន