អាស៊ាន - អូស្រ្តាលីជំរុញកិច្ចសហប្រតិបត្តិការនិងបង្កើនការប្រុងប្រយ័ត្ននូវ រលកឆ្លងរាលដាលលើកទី ២ នៃជំងឺកូវិដ - ១៩

អនុរដ្ឋមន្រ្តី ក្រសូងការបរទេសវៀតណាម លោក​ Nguyen Quoc Dungក្នុងកិច្ចប្រជុំ។ (ប្រភព៖ baoquocte)

នារសៀលថ្ងៃទី ៣០ ខែមិថុនា បណ្តារដ្ឋមន្រ្តីការបរទេសអាស៊ាននិងរដ្ឋមន្ត្រីការបរទេសអូស្ត្រាលីបានចូលរួមកិច្ចប្រជុំពិសេសថ្នាក់រដ្ឋមន្ត្រីអាស៊ាន - អូស្រ្តាលីស្តីពីជំងឺកូវិដ​​ - ១៩តាមរយៈប្រព័ន្ធវិដេអូ ។ ក្រោមការអនុញ្ញាតពីឧបនាយករដ្ឋមន្រ្តី រដ្ឋមន្រ្តីក្រសួងការបរទេសវៀតណាម​លោក Pham Binh Minh អនុរដ្ឋមន្រ្តីលោក​ Nguyen Quoc Dung ជាប្រធានអាស៊ាន SOM របស់វៀតណាមតំណាងឱ្យប្រទេសវៀតណាមក្នុងនាមជាប្រធានអាស៊ានដែលចូលរួមកិច្ចប្រជុំនេះ។

ភាគីទាំងពីរបានសង្កត់ធ្ងន់ថាស្ថានភាពជំងឺនៅតែបន្តស្មុគស្មាញដោយមានហានិភ័យខ្ពស់នៃរលកឆ្លងរាលដាលលើកទី ២ ដែលទាមទារឱ្យប្រទេសនានាបន្តការប្រុងប្រយ័ត្ននិងជំរុញការសម្របសម្រួលនិងចែករំលែកព័ត៌មាន។ ព័ត៌មានបទពិសោធន៍ការកសាងសមត្ថភាពនិងកិច្ចសហប្រតិបត្តិការក្នុងការបង្ការនិងប្រយុទ្ធប្រឆាំងនឹងជំងឺរាតត្បាតប្រកបដោយប្រសិទ្ធភាព។

អាស៊ាននិងអូស្រ្តាលីបន្តសហការដើម្បីកាត់បន្ថយផលប៉ះពាល់សេដ្ឋកិច្ចសង្គមពីការរីករាលដាលនៃជំងឺរាតត្បាតនិងគាំទ្រដល់ការស្តារឡើងវិញនិងថែរក្សាសង្វាក់ផ្គត់ផ្គង់ក្នុងតំបន់និងពិភពលោក ជាពិសេសការផ្លាស់ប្តូរទំនិញចាំបាច់។ សម្របសម្រួលដើម្បីពិភាក្សាអំពីវិធានការណ៍កាត់បន្ថយនិងលុបបំបាត់ការរឹតត្បិតការធ្វើដំណើរក្នុងបណ្តាប្រទេសនានាជាបណ្តើរ ៗ រួមទាំងសិក្សាពីលទ្ធភាពនៃការធ្វើ «ច្រករបៀងទេសចរណ៍» រវាងប្រទេសដែលមានលក្ខខណ្ឌវេជ្ជសាស្រ្តសមស្រប។

លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ក្នុងគិច្ចប្រជុំ។ (ប្រភព៖ nokorwatnews)

ភាគីទាំងពីរនឹងពង្រឹងដើម្បីទាញយកផលប្រយោជន៍ពីយន្តការដែលមានស្រាប់ដូចជាកិច្ចព្រមព្រៀងពាណិជ្ជកម្មសេរីអាស៊ាន - អូស្ត្រាលី - នូវែលសេឡង់ កម្មវិធីគាំទ្រសេដ្ឋកិច្ចនិងកិច្ចសហប្រតិបត្តិការអភិវឌ្ឍន៍របស់អូស្ត្រាលីក៏ដូចជាចូលរួមយ៉ាងសកម្មក្នុងការជំរុញពាណិជ្ជកម្មពហុភាគី បញ្ចប់ការចុះហត្ថលេខាលើកិច្ចព្រមព្រៀង RCEP ។

ក្រៅពីនេះបណ្តាប្រទេសទាំងនោះក៏បានសង្កត់ធ្ងន់ថាពួកគេនឹងសម្របសម្រួលដើម្បីធានាឱ្យបាននូវបរិស្ថានសន្តិភាពសន្តិសុខស្ថិរភាពនិងគោរពច្បាប់បង្កើតលក្ខខណ្ឌអំណោយផលសម្រាប់ផ្តោតលើកិច្ចខិតខំប្រឹងប្រែងបង្ការជំងឺរាតត្បាតក្នុងតំបន់។

បណ្តាប្រទេសអាស៊ានវាយតម្លៃខ្ពស់ចំពោះការគាំទ្ររបស់អូស្រ្តាលីក្នុងការជួយអាស៊ានក្នុងការការពារជំងឺរាតត្បាតទាំងក្នុងកម្រិតតំបន់និងតាមរយៈកម្មវិធីសហប្រតិបត្តិការទ្វេភាគី។ បណ្តារដ្ឋមន្រ្តីការបរទេសអាស៊ានបានស្នើ ឲ្យ អូស្រ្តាលីគាំទ្រសកម្មភាពផ្តួចផ្តើមរបស់អាស៊ានដូចជាមូលនិធិអាស៊ានសម្រាប់ឆ្លើយតបទៅនឹងជំងឹកូវិដ - ១៩ និងការផ្គត់ផ្គង់សុខភាពក្នុងតំបន់ក៏ដូចជាការគាំទ្រអាស៊ានក្នុងការអភិវឌ្ឍផែនការមេស្តារឡើងវិញ និងកាត់បន្ថយផលប៉ះពាល់នៃជំងឺរាតត្បាតដែលត្រូវបានជម្រុញដោយមេដឹកនាំអាស៊ាននៅឯកិច្ចប្រជុំកំពូលអាស៊ានលើកទី ៣៦ ។

រដ្ឋមន្រ្តីក្រសួងការបរទេសអូស្ត្រាលីលោកស្រី Marise Payne បានបញ្ជាក់ជាថ្មីថាទីក្រុងកង់បេរ៉ាផ្តោតសំខាន់លើតួនាទីរបស់អាស៊ាន ដោយដាក់អាស៊ានជាចំណុចកណ្ដាលនៃយុទ្ធសាស្ត្ររបស់អូស្ត្រាលីនៅក្នុងតំបន់មហាសមុទ្រឥណ្ឌូ - ប៉ាស៊ីហ្វិក។ ដោយកោតសរសើរចំពោះកិច្ចខិតខំប្រឹងប្រែងរបស់អាស៊ានក្នុងការឆ្លើយតបទៅនឹងជំងឺកូវិដ - ១៩ ប្រទេសអូស្រ្តាលីបានសន្យាបន្តផ្តល់ជំនួយហិរញ្ញវត្ថុដល់អាស៊ាននិងបណ្តាប្រទេសក្នុងតំបន់ដើម្បីលើកកម្ពស់សមត្ថភាពនៃប្រព័ន្ធសុខាភិបាលការគ្រប់គ្រងជំងឺរាតត្បាត ...

ក្នុងឱកាសនេះ អូស្រ្តាលីបានផ្សព្វផ្សាយនូវសំណើរមួយចំនួនដូចជា គំនិតផ្តួចផ្តើមអាស៊ាន - អូស្ត្រាលីសម្រាប់សន្តិសុខសុខភាព កិច្ចសហប្រតិបត្តិការនយោបាយសន្តិសុខអាស៊ាន - អូស្ត្រាលី និងការផ្តល់អាហារូបករណ៍វេជ្ជសាស្រ្តបន្ថែមសម្រាប់ប្រទេសអាស៊ាន ផ្តល់ថវិកាចំនួន ២៨០ លានដុល្លារអូស្រ្តាលីសម្រាប់ប្រទេសអាស៊ានដែលកំពុងប្រយុទ្ធប្រឆាំងនឹងជំងឺរាតត្បាត ...៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）