យុគសម័យ - បទចម្រៀងមានខ្លឹមសារអំពាវនាវឱ្យឲ្យមានចំណងមិត្តភាពល្អរវាងហ្វីលីពីននិងចិន ប៉ុន្តែបែជាមានការរួមបញ្ចូលបញ្ហាសមុទ្រខាងកើតក្នុងបទចម្រៀងនេះដែលទទួលបានការមិនចូលចិត្តចំនួន ១៤៤,០០០ លើកនៅលើបណ្តាញសង្គម។
រូបភាពកាត់ពីវីឌីអូឃ្លីបបទចម្រៀងនេះ
មតិសាធារណៈនៅហ្វីលីពីនកាលពីសប្តាហ៍មុនបានសម្តែងនូវការខឹងសម្បារនៅពេលដែលប្រទេសចិនបានរួមបញ្ចូលបញ្ហាអធិបតេយ្យភាពលើសមុទ្រខាងកើតទៅក្នុងបទចម្រៀងដែលមានខ្លឹមសារអបអរកិច្ចសហប្រតិបត្តិការរវាងហ្វីលីពីននិងចិន ស្របពេលដែលប្រទេសនានាកំពុងទប់ស្កាត់ការរីករាលដាលនៃជំងឺកូវីដ១៩ (Covid-19)។
ស្ថានទូតចិនប្រចាំនៅប្រទេសហ្វីលីពីនកាលពីថ្ងៃទី ២៣ ខែមេសាបានបង្ហោះនៅលើបណ្តាញទំនាក់ទំនងរបស់ស្ថានទូតប្រទេសនេះនូវវីដេអូឃ្លីបបទចម្រៀងមួយដែលមានរយៈពេល ៤ នាទីជាភាសាចំនួន២ រួមមានភាសាចិនកុកងឺនិងហ្វីលីពីន។ យោងតាមស្ថានទូតចិនប្រចាំទីក្រុងម៉ានីល បទចំរៀងនេះមានគោលបំណងអបអរសាទរយុគសម័យថ្មីនៃកិច្ចសហប្រតិបត្តិការរវាងចិននិងហ្វីលីពីនក្នុងបរិបទនៃការរីករាលដាលនៃជំងឺកុវីដ១៩។អ្នកលេងអ៊ីនធឺណេតបានអះអាងថាប្រទេសចិនបានឆ្លៀតយកប្រយោជ ន៍ពីស្ថានការណ៍ដើម្បីចាក់បញ្ចូលនូវការប្រកាសអធិបតេយ្យភាពនៅសមុទ្រខាងកើតក្នុងបទចម្រៀងនេះតែម្ត។
ម្យ៉ាងវិញទៀតប្រព័ន្ធផ្សព្វផ្សាយហ្វីលីពីនក៏បានបង្ហាញការព្រួយបារម្ភផងដែរនៅពេលដែលប្រទេសចិនកាត់តផ្តាច់រូបភាពនិងការថ្លែងមតិរបស់មន្រ្តី ហ្វីលីពីនដើម្បីបញ្ចូលទៅក្នុង“ចម្រៀងឃោសនាខុសច្បាប់អំពីអធិបតេយ្យភាពនៅសមុទ្រខាងកើត” ផង ដែរ។
គិតរហូតមកដល់ពេលនេះវីដេអូឃ្លីបឃោសនានេះរបស់ចិនទទួលបានការមិនចូលចិត្តចំនួន ១៤៤,០០០ លើក ហើយរីឯនៅលើបណ្តាញសង្គមហ្វេសប៊ុកវិញវីដេអូនេះបានទទួលលារសំដែងកំហឹងជាង ១២,០០០ លើកផងដែរ។ គួរបញ្ជាក់ថាវីដេអូបទចម្រៀងនេះត្រូវបានចេញផ្សាយដោយស្ថានទូតចិននៅមួយថ្ងៃបន្ទាប់ពីប្រទេសហ្វីលីពីនបានផ្ញើកំណត់ទូតចំនួន ២ ស្តីពីការប្រឆាំងនឹងការទាមទារអធិបតេយ្យភាពគួរឱ្យអស់សំណើចរបស់ចិននៅសមុទ្រខាងកើតនៅពេលដែលខ្លួនបានប្រកាសការបង្កើតនូវអ្វីដែលហៅថា “Xisha” និង "Nansha" ព្រមទាំងសម្តែងការព្រួយបារម្ភអំពីសកម្មភាពខុសច្បាប់របស់ទីក្រុងប៉េកាំងនៅក្នុងតំបន់ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: vov.vn）
មតិពីមិត្តអ្នកអាន