យុគសម័យ - ធនាគារសហប្រតិបត្តិការអន្តរជាតិជប៉ុន ធនាគារអភិវឌ្ឍន៍ចិន និងធនាគារអភិវឌ្ឍន៍កូរ៉េខាងត្បូង បានបង្កើតយន្តការសហប្រតិបត្តិការអន្តរធនាគារអាស៊ានបូក ៣ ដើម្បីឆ្លើយតបនឹងតម្រូវការហិរញ្ញវត្ថុដ៏អស្ចារ្យនៅក្នុងអាស៊ាន។
ធនាគារសហប្រតិបត្តិការអន្តរជាតិជប៉ុន (JBIC)។
បណ្តាធនាគារអភិវឌ្ឍន៍ដែលបានគាំទ្រដោយរដ្ឋាភិបាលជប៉ុនចិននិងកូរ៉េខាងត្បូងនាពេលថ្មីៗនេះបានចុះកិច្ចព្រមព្រៀងជាមួយអង្គការហិរញ្ញវត្ថុសាធារណៈនិងឯកជននៅអាស៊ីអាគ្នេយ៍ដើម្បីឆ្លើយតបនឹងតម្រូវការដែលកំពុងកើនឡើងសម្រាប់គម្រោងហេដ្ឋារចនាសម្ព័ន្ធនៅក្នុងតំបន់ដែលមានការរីកចម្រើនយ៉ាងឆាប់រហ័សនេះ។
យោងតាមធនាគារសហប្រតិបត្តិការអន្តរជាតិជប៉ុន (JBIC) បានឱ្យដឹងថា JBIC ធនាគារអភិវឌ្ឍន៍ចិន និងធនាគារអភិវឌ្ឍន៍កូរ៉េខាងត្បូងបានបង្កើតយន្តការសហប្រតិបត្តិការអន្តរធនាគារអាស៊ានបូក ៣ ដើម្បីឆ្លើយតបនឹងតម្រូវការហិរញ្ញវត្ថុដ៏ធំនៅ សមាគមប្រជាជាតិអាស៊ីអាគ្នេយ៍ (អាស៊ាន) ។
JBIC បានឲ្យដឹងថា ផែនការនេះមានគោលបំណង ផ្តល់ការគាំទ្រផ្នែកហិរញ្ញវត្ថុដោយផ្អែកលើស្តង់ដារអន្តរជាតិដូចជា ចាសាធារនៈ តម្លាភាព ភាពធន់នៃសេដ្ឋកិច្ច និរន្តភាពក្នុងបញ្ហាបំណុល និងការអនុលោមតាមច្បាប់ ក៏ដូចជាបទប្បញ្ញត្តិសម្រាប់ការអភិវឌ្ឍន៍តំបន់។
ជំនួយហិរញ្ញវត្ថុបែបនេះនឹងផ្តល់អត្ថប្រយោជន៍របស់ប្រទេសដែលគម្រោងនេះត្រូវបានអនុវត្តដោយហេតុនេះផ្តល់នូវការអភិវឌ្ឍប្រកបដោយនិរន្តភាពសម្រាប់តំបន់ទាំងមូល។ បន្ថែមលើនេះ ការគាំទ្រក៏នឹងជួយជំរុញការធ្វើសមាហរណកម្មនិងការតភ្ជាប់សេដ្ឋកិច្ចនៅក្នុងអាស៊ាន។
បណ្តាដៃគូអាស៊ានដែលចូលរួមក្នុងគម្រោងនេះរួមមានធនាគារ PT Bank Mandiri (Persero) Tbk នៃប្រទេសឥណ្ឌូនេស៊ី; ធនាគារ Canadia Bank PLC នៃកម្ពុជា; ធនាគារ DBS Bank Ltd របស់ប្រទេសសិង្ហបុរី; ធនាគារ Kasikornbank Public Co. នៃប្រទេសថៃ; ធនាគារ CIMB Group Sdn Bhd របស់ម៉ាឡេស៊ី; ធនាគារពាណិជ្ជកម្មបរទេសមីយ៉ាន់ម៉ារបស់មីយ៉ាន់ម៉ា; ធនាគារ BDO Unibank Inc. របស់ប្រទេសហ្វីលីពីន; ធនាគារ Bank Islam Brunei Darussalam Berhad នៃប្រទេសប្រ៊ុយណេ; ធនាគារវិនិយោគនិងអភិវឌ្ឍន៍វៀតណាម (BIDV) របស់វៀតណាម និងធនាគារអភិវឌ្ឍន៍ឡាវរបស់ឡាវ។
កិច្ចព្រមព្រៀងត្រូវបានចុះហត្ថលេខានៅខាងក្រៅកិច្ចប្រជុំកំពូលដែលមានការចូលរួមពីមេដឹកនាំមកពីប្រទេសជប៉ុន ចិន កូរ៉េខាងត្បូង និងប្រទេសជាសមាជិកអាស៊ាន នៅខែវិច្ឆិកាឆ្នាំ ២០១៩ នៅខាងក្រៅទីក្រុងបាងកកប្រទេសថៃ ៕
（ប្រែសម្រូលដោយវិច្ឆិកា）
មតិពីមិត្តអ្នកអាន