យុគសម័យ - អ្នកនាំពាក្យរបស់រដ្ឋាភិបាលអាល្លឺម៉ង់លោក Steffen Seibert បាននិយាយនៅក្នុងសន្និសីទសារព័ត៌មានមួយថា នៅថ្ងៃទី ១៨ ខែសីហា អធិការបតីអាល្លឺម៉ង់ លោកស្រី Angela Merkel នឹងទទួលជួបពិភាក្សាជាមួយប្រធានាធិបតីរុស្ស៊ីលោក Vladimir Putin។
អធិការបតីអាល្លឺម៉ង់ Angela Merkel ចាប់ដៃជាមួយប្រធានាធិបតីរុស្ស៊ី Vladimir Putin (រូបថតៈ http://infonet.vn)
អ្នកនាំពាក្យរដ្ឋាភិបាលអាល្លឺម៉ង់ បានបន្ថែមទៀតថា ថ្នាក់ដឹកនាំនៃប្រទេសទាំងពីរ នឹងពិភាក្សាស្ដីពីបញ្ហាសង្រ្គាមនៅស៊ីរី អំពើហិង្សា នៅភាគខាងកើតប្រទេសអ៊ុយក្រែន រួមទាំងវិស័យថាមពលផងដែរ។ ជំនួបរវាងលោក Putin និងលោកស្រី Merkel នឹងត្រូវធ្វើឡើងនៅឯវិមានរដ្ឋាភិបាលអាល្លឺម៉ង់ Meseberg ស្ថិតនៅខាងក្រៅទីក្រុងប៊ែរឡាំង។
គួរបញ្ជាក់ថា ក្នុងកំឡុងពេលនៃអាជីពនយោបាយរបស់ខ្លួនលោក Putin និងលោកស្រី Mekel បានជួបគ្នាច្រើនលើក។ ហើយថ្នាក់ដឹកនាំទាំងពីរបានជួបគ្នាលើកចុងក្រោយ នៅក្នុងទីក្រុង Sochi ប្រទេសរុស្សីកាលពីខែឧសភា។ នៅទីនេះ អ្នកទាំងពីរបានពិភាក្សាអំពីជំនួយមនុស្សធម៌និងសកម្មភាពផ្ទេរនយោបាយនៅក្នុងប្រទេសស៊ីរីក៏ដូចជាបញ្ហាដែលប្រធានាធិ បតីអាម៉េរិកលោក Donald Trump បានសម្រេចចិត្តដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ហើយបានដាក់បទទណ្ឌកម្មផ្នែកសេដ្ឋកិច្ចទៅលើទីក្រុងតេអេរ៉ង់តែម្តង៕
（សរុបព័ត៌មាន ដោយ មិញ ហុង）
មតិពីមិត្តអ្នកអាន