យុគសម័យ - នាយករដ្ឋមន្ត្រីម៉ាឡេស៊ី លោក Mahathir Mohamad ឲ្យដឹងថា លោកនឹងមានការភ្ញាក់ផ្អើលប្រសិនបើប្រធានាធិបតីអាមេរិក Donald Trump នឹងជាប់ឆ្នោតជាថ្មីសម្រាប់អាណត្តិទីពីរឡើយ។
នាយករដ្ឋមន្ត្រីម៉ាឡេស៊ី លោក Mahathir Mohamad (រូបថតៈ Reuters)
លោកទស្សន៍ទាយបែបនេះដោយសម្អាងលើលទ្ធផលនៃការបោះឆ្នោតពាក់កណ្តាលអាណត្តិដើមខែវិច្ឆិកាដែលបក្សសាធារណរដ្ឋបាត់បង់សម្លេងភាគច្រើនក្នុងរដ្ឋសភានោះ។
ក្នុងកិច្ចសម្ភាសន៍ជាមួយទូរទស្សន៍ CNBC ថ្ងៃចន្ទទី ១២ ខែវិច្ឆិកាក្នុងពេលស្ថិតនៅប្រទេសសិង្ហបុរីសម្រាប់កិច្ចប្រជុំកំពូលអាស៊ានលើកទី៣៣ លោក Mahathir Mohamad បានគូសបញ្ជាក់ថា លោក Trump នឹងមិនជាប់ឆ្នោតសម្រាប់អាណត្តិទីពីរឡើយ។
ត្រង់ចំណុចនេះ នាយករដ្ឋមន្ត្រីម៉ាឡេស៊ីវ័យ ៩៣ឆ្នាំរូបនេះ បានពន្យល់ថា លោកហ៊ាននិយាយបែបនេះ ដោយផ្អែកលើលទ្ធផលអវិជ្ជមាននៃការបោះឆ្នោតពាក់កណ្តាលអាណត្តិរនៅអាមេរិកនាថ្ងៃ ៦ ខែវិច្ឆិកាកន្លងទៅ ដែលគណបក្សសាធារណៈរបស់លោក Trump បានបាត់បង់សំឡេងភាគច្រើនក្នុងរដ្ឋសភា។ លទ្ធផអវិជ្ជមាននេះបង្ហាញឲ្យឃើញថាប្រជាជនមិនពេញចិត្តការដឹកនាំរបស់លោក Trump ដែរ ដ្បិតថា វាជាប្រជាមតិសម្រាប់ការដឹកនាំរបស់លោកក្នុងពេលជិតពីរឆ្នាំមកនេះ។
ក្រៅពីបង្ហាញការទស្សន៍ទាយពីអនាគតនយោបាយលោកត្រាំ លោក Mahathir Mohamad បានចាត់ទុក ប្រធានាធិបតីអាមេរិកទី ៤៥ រូបនេះជាមនុស្សដែល «ពិបាកស្មានទុកមុន»៕
(ប្រែសម្រូលដោយស្រីពេជ្រ)
មតិពីមិត្តអ្នកអាន