យុគសម័យ -កាសែត Financial Times កាលពីយប់ថ្ងៃទី ៧ ខែមករាបានចុះផ្សាយថា នាយករដ្ឋមន្ត្រីជប៉ុនលោក Shizo Abe នឹងធ្វើទស្សនកិច្ចជាផ្លូវការនៅ អង់គ្លេស នាថ្ងៃទី ១០ ខែមករា ហើយនឹងប្រើដំណើរទស្សនកិច្ចនេះដើម្បីបង្ហាញការគាំទ្ររបស់ខ្លួនចំពោះកិច្ចព្រមព្រៀង Bretite របស់នាយករដ្ឋមន្ត្រីអង់គ្លេស លោកស្រី May ផងដែរ។
នាយករដ្ឋមន្ត្រីជប៉ុនលោក Shizo Abe (ឆ្វេង) នឹងទៅបំពេញទស្សនកិច្ចជាផ្លូវការនៅ អង់គ្លេសនាថ្ងៃទី ១០ ខែមករា ហើយនឹងប្រើប្រាស់ដំណើរទស្សនកិច្ចនេះដើម្បីបង្ហាញពីការគាំទ្ររបស់លោកចំពោះកិច្ចព្រមព្រៀង Brexit របស់នាយករដ្ឋមន្ត្រីអង់គ្លេស លោកស្រី May (ប្រភព: EPA)
កាយវិការនេះបានកើតឡើង ខណៈដែលនាយករដ្ឋមន្រ្តីអង់គ្លេសកំពុងព្យាយាមរត់ប្រណាំងជាមួយពេលវេលាដើម្បីស្វែងរកការគាំទ្រចំពោះកិច្ចព្រមព្រៀង Brexit របស់ខ្លួន ដែលត្រូវបានរិះគន់ថា ជាផែនការសម្រុះសម្រួលជាមួយសហភាពអឺរ៉ុបតែប៉ុណ្ណោះ។
ដំណើរទស្សនកិច្ចរបស់នាយករដ្ឋមន្ត្រីជប៉ុនលើកនេះ ដើម្បីការពារផលប្រយោជន៍របស់អាជីវកម្មជប៉ុននៅអង់គ្លេសក៏ដូចជាការស្វែង រកការគាំទ្ររបស់អង់គ្លេសចំពោះតួនាទីរបស់ប្រទេសម្ចាស់ផ្ទះនឹងរៀបចំកិច្ចប្រជុំកំពូល G20 នៅ ទីក្រុងតូក្យូនារដូវក្តៅឆ្នាំនេះ។
នាយករដ្ឋមន្ត្រីជប៉ុនលោក Abe កាលពីពេលមុនបានសម្តែងការគាំទ្រចំពោះកិច្ចព្រមព្រៀងចាកចេញពីសហភាពអឺរ៉ុបរបស់នាយករដ្ឋមន្ត្រីលោកស្រី May ដែលបានចាត់ទុកហាក់ដូចជាមធ្យោបាយមួយ ដើម្បីរក្សាបរិយាកាសធុរកិច្ចឲ្យមានស្ថិរភាពសម្រាប់ក្រុមហ៊ុនជប៉ុន ដែលកំពុងដាក់ទីស្តីការនៅអង់គ្លេសសម្រាប់ធ្វើពាណិជ្ជកម្មជាមួយអឺរ៉ុប។
នាយករដ្ឋមន្ត្រី Abe នឹងជួបពិភាក្សាជាមួយ នាយករដ្ឋមន្ត្រីលោកស្រី May នាថ្ងៃទី ១០ ខែមករា ដែលជាថ្ងៃទី ២ នៃការពិភាក្សាលើកិច្ចព្រមព្រៀង Brexit របស់នាយករដ្ឋមន្ត្រីលោកស្រី May នៅឯសភាអង់គ្លេស។
នាយករដ្ឋមន្រ្តីទាំងពីររូប ត្រូវបានគេរំពឹងថានឹងមានសន្និសីទសារព័ត៌មានរួមមួយបន្ទាប់ពីជំនួបពិភាក្សា។ លោកនាយករដ្ឋមន្រ្តី Abe នឹងបានពិភាក្សាអំពីអនាគតនៃទំនាក់ទំនងពាណិជ្ជកម្មរវាងប្រទេសទាំងពីរ៕
(ប្រភពព័ត៌មាន: Financial Times)
មតិពីមិត្តអ្នកអាន