យុគសម័យ - នាយប់ថ្ងៃទី២ កក្កដា ក្រុមបាល់ទាត់ដោយមានក្មេងៗទាំង១២នាក់ និងគ្រូបង្វឹកបាល់ទាត់ម្នាក់ ត្រូវបានក្រុមសង្គ្រោះរកឃើញក្រោយរយៈពេល៩ ថ្ងៃជាប់ក្នុងរូងភ្នំ Tham Luang នៅប្រទេសថៃ។ រូបភ្នំ Tham Luang នេះល្បីឈ្មោះដោយមានឋានលេខាប្រកបដោយគ្រោះថ្នាក់ដែលហាមមិនឲ្យភ្ញៀវចូលក្នុងជ្រៅហួសពី៧០០ម៉ែត្រនៅឡើយ។
រកឃើញក្រុមបាល់ទាត់១២នាក់និងគ្រូបង្វឹកមួយរបស់ពួគគេ (រូបថតៈ CNN )
ក្រុមជួយសង្គ្រោះនានារបស់ថៃ នៅវេលាម៉ោង២៣យប់ថ្ងៃទី២កក្កដា បានរកឃើញប្អូន១២នាក់ជាសមាជិកក្រុមបាល់ទាត់និងគ្រូបង្វឹក ដែលត្រូវជាប់ក្នុងរូងភ្នំ Tham Luang នៃខេត្ត Chiang Rai ភាគខាងជើងប្រទេសថៃអស់រយៈពេល៩ថ្ងៃ។
បន្ទាប់ពីការខិតខំប្រឹងប្រែងរបស់មនុស្សជាង១ពាន់នាក់នោះ នាយប់ថ្ងៃទី២កក្កដា ក្រុមអ្នកជួយសង្រ្គោះបានប្រទះឃើញទីតាំងរបស់ក្រុមបាល់ទាត់ទាំង១៣នាក់នេះ នៅរូងភ្នំ Tham Luang។ ប្អូនទាំង១២នាក់និងគ្រូបង្វឹកនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពហេវហត់បំតិច។
ទិដ្ឋភាពលិចទឹកក្នុងរូង (រូបថតៈ AFP)
ពេលនេះក្រុមសង្គ្រោះកំពុងតែស្វែងរកកន្លែងដែលមានសុវត្ថិភាពពីទឹកជំនន់ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នសម្រាប់ជនរងគ្រោះទាំង១៣នាក់ខាងលើនេះ។ ក្រុមសង្គ្រោះថៃ ក្រុមគ្រួសារជនរងគ្រោះ និងមន្ត្រីរដ្ឋាភិបាលព្រមទាំងប្រជាជនថៃទាំងអស់ ដែលស្ថិតនៅតំបន់រូងភ្នំបានចែកចាយព័ត៌មានដ៏រីករាយនេះ និងបាន Live ជាវីដេអូទាំងយប់ជ្រៅ ទៅដល់មហាជនទូទៅផងដែរ។
ខាងក្រោមនេះជារូបភាពនូវសណ្ឋានដីដ៏ស្មុគ្រស្មាញរបស់រូងភ្នំ Tham Luang កន្លែងដែលក្រុមបាត់ទាត់ត្រូវជាប់អស់រយៈពេល៩ថ្ងៃ៖
ក្រុមជួយសង្គ្រោះថៃត្រូវបូមទឹកឲ្យចេញពីរូងភ្នុំ
កងទ័ពជើងទឹកថៃត្រូវហែលជ្រៅក្នុងទឹកដើម្បីស្វែងរកសមាជិកជាប់ក្នុងរូង
ទិដ្ឋភាពក្នុងរូងភ្នំ
កម្លាំងជួយសង្គ្រោះត្រូវបញ្ចូលឧបករណ៍ចូលទៅក្នុងរូង
សណ្ឋានដីដ៏គ្រោះថ្នាក់របស់រូង Tham Luang
រហូតមកដល់ពេលនេះ ក្មេងប្រុស ១២ នាក់ និងគ្រូបង្វឹកម្នាក់ទៀតនោះទទួលបានការត្រួតពិនិត្យសុខភាព និងចំណីអាហារប៉ូវកម្លាំង។ ក្រៅពីទទួលអាហារបំប៉ន ក្មេងៗទាំងនោះក៏គេបានបង្រៀនឲ្យមុជទឹកជ្រៅដើម្បីអាចហែលឆ្លងចេញរួចពីរូងភ្នំដែលពួកគេកំពុងជាប់នោះផងដែរ៕
(ប្រែសម្រូលដោយ ហ្វាង អាញ់)
មតិពីមិត្តអ្នកអាន