យោធាកូរ៉េខាងត្បូងបានឱ្យដឹងថា កូរ៉េខាងជើងបានបាញ់សាកល្បងមីស៊ីលចំនួន២គ្រាប់បន្ថែមទៀត នៅព្រឹកថ្ងៃសុក្រនេះ នេះបើតាមការចេញផ្សាយដោយសារព័ត៌មាន CNA ផ្សាយនៅព្រឹកថ្ងៃទី១៦ ខែសីហា ឆ្នាំ២០១៩។
រូបភាពនៃការធ្វើតេស្ដមីស៊ីលរបស់កូរ៉េខាងជើង
កូរ៉េខាងជើងបានបាញ់មីស៊ីលមិនស្គាល់អត្ដសញ្ញាណ ចំនួនពីរគ្រាប់ទៀតហើយចូលក្នុងសមុទ្រនៅថ្ងៃទី១៦សីហានេះ។ តាមការបញ្ជាក់ពីយោធាកូរ៉េខាងត្បូងបានឲ្យដឹងថា មីស៊ីលបានបាញ់ចេញពីតំបន់ក្បែរទីក្រុង Tongchon ក្នុងខេត្ ដKangwon ចូលទៅក្នុងសមុទ្រខាងកើតឬសមុទ្រជប៉ុន។ យោធាកូរ៉េខាងត្បូងកំពុងតែតាមដានស្ថានការណ៍បន្ថែម ពាក់ព័ន្ធនឹងការធ្វើតេស្ដមីស៊ីល។
បូកទាំងការធ្វើតេស្ដមីស៊ីលនៅពេលនេះ គឺជាលើកទី០៦ហើយដែលកូរ៉េខាងជើងបានបាញ់គិតតាំងពីខែមុន ដោយលោកគីម ជុងអ៊ុនមេដឹកនាំកូរ៉េខាងជើងធ្លាប់ព្រមាន ប្រឆាំងនឹងការធ្វើសមយុទ្ធយោធារួមគ្នារវាងអាមេរិកជាមួយកូរ៉េខាងត្បូង។ កូរ៉េខាងជើងមិនដែលសប្បាយចិត្ដឡើយ ជុំវិញការធ្វើសមយុទ្ធរបស់ប្រទេសទាំងពីរ ដោយចោទថាជាការរៀបចំផែនការឈ្លានពាន។ កូរ៉េខាងជើងក៏តែងតែធ្វើតេស្ដមីស៊ីលឆ្លើយតប នៅពេលសមយុទ្ធចាប់ផ្ដើមម្ដងៗ៕
(សរុបដោយវិច្ឆិកា)
មតិពីមិត្តអ្នកអាន