នាថ្ងៃទី ២២ ខែតុលា កិច្ចប្រជុំមេបញ្ជាការកងទ័ពជើងអាកាសនៃបណ្តាប្រទេសអាស៊ាន (AACC-17) លើកទី១៧ ក្រោមប្រធានបទ “កងទ័ពជើងអាកាសនៃបណ្តាប្រទេសអាស៊ាន មានភាពស្អិតរមួត និងការឆ្លើយតប” ត្រូវបានធ្វើឡើងក្រោមអធិបតីភាពរបស់ឧត្តមសេនីយ៍ត្រី Vu Van Kha មេបញ្ជាការស្តីទីនៃបញ្ជការដ្ឋានកងទ័ពជើងអាកាស - ការពារដែនអាកាស នៃប្រទេសវៀតណាម។
លោកឧត្តមសេនីយ៍ត្រី Vu Van Kha ថ្លែងក្នុងកិច្ចប្រជុំ
ថ្លែងនៅក្នុងកិច្ចប្រជុំនេះ លោកឧត្តមសេនីយ៍ត្រី Vu Van Kha បានសង្កត់ធ្ងន់ថា វត្តមានរបស់មេបញ្ជាការកងទ័ពជើងអាកាស និងប្រតិភូនៃកងទ័ពជើងអាកាសបណ្តាប្រទេសអាស៊ាននៅឯកិច្ចប្រជុំ AACC-17 តាមប្រព័ន្ធវីដេអូនេះ បានបង្ហាញពីការគាំទ្រ និងការជឿទុកចិត្តគ្នាពីកងទ័ពអាកាសនៃបណ្តាប្រទេសអាស៊ានចំពោះបញ្ជាការដ្ឋានកងទ័ពជើងអាកាស - ការពារដែនអាកាសវៀតណាម ព្រមទាំងបានបញ្ជាក់យ៉ាងមុតមាំពីចំណងសាមគ្គីភាព និងឯកភាពរបស់កងទ័ពជើងអាកាសនៃបណ្តាប្រទេសអាស៊ាន។
ថ្លែងក្នុងកិច្ចប្រជុំនេះ លោកឧត្តមសេនីយ៍ត្រី Vu Van Kha បានឲ្យដឹងថា ក្រោមប្រធានបទ “កងទ័ពជើងអាកាស នៃបណ្តាប្រទេសអាស៊ាន មានភាពស្អិតរមួត និងការឆ្លើយតប” កិច្ចប្រជុំ AACC-17 បានបង្ហាញយ៉ាងមុតមាំនូវឆន្ទៈ និងការប្តេជ្ញាចិត្តរបស់កងទ័ពជើងអាកាសអាស៊ាន ក្នុងការកសាងអាស៊ានមួយសមាគ្គីភាព ឆ្លើយតបយ៉ាងសកម្មចំពោះបញ្ហាប្រឈមនានា និងឆ្លៀតយកឱកាសដើម្បីអភិវឌ្ឍរួមគ្នា។ លោកឧត្តមសេនីយ៍ត្រី Vu Van Kha បន្តថា ក្នុងប៉ុន្មានឆ្នាំថ្មីៗនេះ កងទ័ពជើងអាកាសនៃបណ្តាប្រទេសអាស៊ានបានជំរុញសកម្មភាពសហប្រតិបត្តិការយ៉ាងសកម្ម ទាំងទ្វេភាគី និងពហុភាគី។ កងទ័ពជើងអាកាស-ការពារដែនអាកាសវៀតណាមបាន និងកំពុងជំរុញសកម្មភាពសហប្រតិបត្តិការជាមួយកងទ័ពជើងអាកាសនៃប្រទេសអាស៊ាន ទាំងទ្វេភាគី និងពហុភាគី ដែលក្នុងនោះផ្តោតលើកិច្ចសហប្រតិបត្តិការក្នុងការផ្លាស់ប្តូរគណៈប្រតិភូគ្រប់ជាន់ថ្នាក់ ការផ្លាស់ប្តូរជំនាញក្នុងការបណ្តុះបណ្តាលអ្នកបើកយន្តហោះ ការផ្លាស់ប្តូរបទពិសោធន៍ក្នុងវិស័យបច្ចេកទេសអាកាសចរណ៍ ការថែទាំជួសជុលអាវុធ ឧបករណ៍ និងកិច្ចសហប្រតិបត្តិការក្នុងវិស័យអប់រំ និងបណ្តុះបណ្តាល។
នៅក្នុងកិច្ចប្រជុំ AACC-17 ប្រតិភូមកពីបណ្តាប្រទេសបានផ្លាស់ប្តូរយោបល់គ្នាលើស្ថានភាពអន្តរជាតិ តំបន់ រួមទាំងឱកាស និងបញ្ហាប្រឈមដែលកងទ័ពអាកាសនៃប្រទេសអាស៊ានកំពុងជួបប្រទះ ហើយដាក់ចេញខ្លឹមសារ និងវិធានការដើម្បីជំរុញទំនាក់ទំនងមិត្តភាព និងកិច្ចសហប្រតិបត្តិការរវាងកងទ័ពអាកាសនៃបណ្តាប្រទេសអាស៊ាននាពេលខាងមុខ។ អង្គប្រជុំក៏បានពិនិត្យ និងវាយតំលៃលើគុណភាពនៃការធ្វើសមយុទ្ធពហុភាគីស្តីពីជំនួយមនុស្សធម៌ និងការជួយសង្រោះមហន្តរាយ ដើម្បីបំពេញបទប្បញ្ញត្តិស្តីពីជំនួយមនុស្សធម៌ និងការជួយសង្គ្រោះមហន្តរាយរបស់កងទ័ពអាកាសនៃប្រទេសអាស៊ាន។ នៅក្នុងកិច្ចប្រជុំនេះក៏បានរៀបចំពិធីផ្ទេប្រធានកិច្ចប្រជុំ AACC-១៩ ជូនទៅកងទ័ពអាកាសភូមិន្ទថៃផងដែរ៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន