យុគសម័យ - នាថ្ងៃទី ១ ខែកក្កដា នៅវិមានប្រធានរដ្ឋ អនុប្រធានរដ្ឋ លោកស្រី Dang Thi Ngoc Thinh បានទទួលជួបលោកស្រី Cecilia Malmstrom ឧត្តមស្នងការទទួលបន្ទុកផ្នែកពាណិជ្ជកម្ម នៃសហភាពអឺរ៉ុប។
ទិដ្ឋភាពនៃពិធី (រូបថតៈ TTXVN)
ថ្លែងក្នុងពិធីនេះ លោកស្រី Dang Thi Ngoc Thinh បានថ្លែងអំណរគុណចំពោះការខិតខំប្រឹងប្រែងរបស់លោកស្រី Cecilia Malmstrom សម្រាប់កិច្ចព្រមព្រៀងពាណិជ្ជកម្មសេរីភាពវៀតណាម - សហភាពអឺរ៉ុប (EVFTA) និងកិច្ចព្រមព្រៀងគាំពាវិនិយោគ (EVIPA) ព្រមទាំងអបអរសាទរចំពោះការដែល ពិធីចុះហត្ថលេខាលើកិច្ចព្រមព្រៀង EVFTA និង EVIPA បានប្រព្រឹត្តទៅប្រកបដោយជោគជ័យ នាថ្ងៃទី ៣០ ខែមិថុនាកន្លងមកនេះ។
លោកស្រី Dang Thi Ngoc Thinh បញ្ជាក់ថា កិច្ចព្រមព្រៀង EVFTA និង EVIPA គឺជាកិច្ចព្រព្រៀងគ្រប់ជ្រុងជ្រោយនិងមានគុណភាពខ្ពស់ ហើយការចុះហត្ថលេខាកិច្ចព្រមព្រៀងនេះជាសញ្ញាសម្គាល់ដ៏សំខាន់ៗសម្រាប់មិនត្រឹមតែក្នុងទំនាក់ទំនងរវាងវៀតណាមនិងសហភាពអឺរ៉ុបតែបណ្ណោះថេមទាំងមានផលប៉ះពាល់វិជ្ជមានសម្រាប់សេរីភាវូបនីយកម្មពាណិជ្ជកម្មសកលផងដែរ។
ចំណែកឯលោកស្រី Cecilia Malmstrom បានថ្លែងអំណរគុណចំពោះការស្វាគមន៍យ៉ាងកក់ក្តៅរបស់លោកស្រីអនុប្រធានរដ្ឋ Dang Thi Ngoc Thinh និងបញ្ជាក់ថាកិច្ចព្រមព្រៀង EVFTA និង EVIPA ជាសញ្ញាសម្គាល់នៃប្រវត្តិសាស្រ្តដែលបង្ហាញពីកិច្ចសហប្រតិបត្តិការជាជិតស្និទ្ធរវាងភាគីទាំងពីរ។
លោកស្រីឧត្តមស្នងការទទួលបន្ទុកផ្នែកពាណិជ្ជកម្មនៃសហភាពអឺរ៉ុបបានសម្តែងសេចក្ដីសង្ឍឹមក្នុងទំនាក់ទំនងសហប្រតិបត្តិការរវាងភាគីទាំងពីរប្រកបដោយប្រសិទ្ធភាពនៅពេលដែលកិច្ចព្រមព្រៀងចូលជាធរមាននិងបញ្ជាក់ថាកិច្ចព្រមព្រៀងនេះនឹងនាំមកនូវផលប្រយោគជ៍និងកាលានុវិត្តភាពជាច្រើនសម្រាប់ប្រជាជននិងសហគ្រាសនៃភាគីទាំងពីរ៕
(ប្រែសម្រូលដោយវិច្ឆិកា)
មតិពីមិត្តអ្នកអាន