យុគសម័យ - នាថ្ងៃទី ២១ ខែមករា ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ(កម្ពុជា) សហការជាមួយសមាគមខ្មែរ - វៀតណាមខេត្តព្រះសីហនុ និងក្រុមហ៊ុនមិត្តហ្វូនសាខាខេត្តព្រះសីហនុ បានរៀបចំពិធីផ្តល់អំណោយចំនួន ៥០ កញ្ចប់ដល់គ្រួសារប្រជាជនដើមកំណើតវៀតណាមនៅក្នុងខេត្ត។
លោកអគ្គកុងស៊ុល Vu Ngoc Ly អញ្ជើញថ្លែងមតិ (រូបថត៖ baoquocte)
អញ្ជើញថ្លែងក្នុងពិធីនេះ លោកអគ្គកុងស៊ុល Vu Ngoc Ly បានថ្លែងអំណរគុណដល់ក្រុមហ៊ុនមិត្តហ្វូនសាខាខេត្តព្រះសីហនុតែងតែជាសហគ្រាសឈានមុខគេក្នុងការពង្រឹងនិងពង្រីកសកម្មភាពសុខុមមាលភាព-សង្គមនៅខេត្តព្រះសីហនុរួមអស់រយៈពេលជាច្រើនឆ្នាំកន្លងមក ដែលក្នុងនោះមានសកម្មភាព “ស្រឡាញ់រាប់អានគ្នាទៅវិញទៅមក” សំរាប់ប្រជាជនដើមកំណើតវៀតណាមនៅទីនេះ។
ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ (កម្ពុជា) ផ្តល់អំណោយដល់គ្រួសារវៀតណាមដែលជួបការលំបាក (រូបថត៖ baoquocte)
លោកអគ្គកុងស៊ុលក៏បានចែករំលែកជាមួយប្រជាជនអំពីបរិយាកាសទទួលអំណរបុណ្យចូលឆ្នាំថ្មីប្រពៃណីនៅឯស្រុកកំណើត វៀតណាម ព្រមទាំងបានអះអាងថាជាមួយនឹងការយកចិត្តទុកដាក់យ៉ាងជ្រាលជ្រៅពីថ្នាក់ដឹកនាំបក្សនិងរដ្ឋ នាពេលខាងមុខនេះបងប្អូនប្រជាជនដើមកំណើតវៀតណាមនៅកម្ពុជានឹងទទួលបាននូវស្ថេរភាពក្នុងជីវភាពរស់នៅនិងមានជីវិតប្រសើរឡើងបន្ថែមទៀតផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: baoquocte.vn)
មតិពីមិត្តអ្នកអាន