វៀតណាមទទួលបាននូវភាពជោគជ័យដំបូងក្នុងការធ្វើតេស្តវ៉ាក់សាំងប្រឆាំងនឹងវីរុស SARS-CoV-2

វៀតណាមទទួលបាននូវភាពជោគជ័យដំបូងក្នុងការធ្វើតេស្តវ៉ាក់សាំងប្រឆាំងនឹងវីរុស SARS-CoV-2

យោងតាមព័ត៌មានពីក្រុមហ៊ុនឯកបុគ្គលផលិតវ៉ាក់សាំងនិងផលិតផលជីវសាស្ត្រលីមីតធីត (VABIOTECH) នៃក្រសួងសុខាភិបាលវៀតណាម ក្រុមហ៊ុននេះសហការជាមួយអ្នកវិទ្យាសាស្ត្រមកពីសាកលវិទ្យាល័យប្រ៊ីស្តុល (ចក្រភពអង់គ្លេស) ដើម្បីទទួលបានជោគជ័យជំហានដំបូងក្នុងការស្រាវជ្រាវនិងជ្រើសរើសវ៉ាក់សាំងប្រឆាំងនឹងជំងឺកូវីដ១៩ (Covid-19) ដោយផ្អែកលើ បច្ចេកវិទ្យាវ៉ិចទ័រមេរោគ។ ការសិក្សានេះទទួលបានជោគជ័យក្នុងការបង្កើតអង់ទីករនៃវីរុស SARS-CoV-2 ដែលជាសមាសធាតុសំខាន់នៃវ៉ាក់សាំង។

រហូតមកដល់បច្ចុប្បន្ន វ៉ាក់សាំងប្រឆាំងវីរុស SARS-CoV-2 ត្រូវបានធ្វើតេស្តលើសត្វកណ្តុរដើម្បីវាយតម្លៃលើប្រព័ន្ធភាពស៊ាំ។ យោងតាមផែនការគំរូឈាមពីសត្វកណ្តុរនៅមន្ទីរពិសោធន៍នឹងត្រូវបញ្ជូនទៅវិទ្យាស្ថានអនាម័យនិងសិក្សាជំងឺឆ្លងមជ្ឈិមដើម្បីវាយតម្លៃភាពស៊ាំ (អង់ទីករ) ស្តីពីប្រឆាំងនឹងវីរុស SARS-CoV-2។ លទ្ធផលតេស្តនឹងអាចចេញបានក្នុងរយៈពេល ២ ទៅ ៣ សប្តាហ៍ខាងមុខទៀត។

យោងតាមសមាគមវេជ្ជសាស្ត្របង្ការជំងឺឆ្លងវៀតណាមបានអោយដឹងថាវ៉ាក់សាំងនេះត្រូវបានគេចាត់ទុកថាជា“ ថ្នាំពិសេស” ដែលធានាសុវត្ថិភាពខ្ពស់បំផុតនិងហានិភ័យទាបបំផុតចំពោះរាងកាយមនុស្ស។ ហេតុដូច្នេះដំណើរការនៃការស្រាវជ្រាវនិងការអភិវឌ្ឍន៍វ៉ាក់សាំងត្រូវតែឆ្លងកាត់ការធ្វើតេស្តយ៉ាងម៉ត់ចត់។ ដំណើរការនេះរួមបញ្ចូលទាំងការធ្វើតេស្តលើសត្វដែលផលិតអង្គបដិប្រាណ ការបំពេញវ៉ាក់សាំង និងបន្តវាយតម្លៃប្រសិទ្ធភាពនៃការការពារលើសត្វបន្ទាប់មកធ្វើតេស្តលើមនុស្សមុនពេលទទួលបានការអនុញ្ញាតឱ្យចូលទីផ្សារផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេងវុធ្ធី）