យុគសម័យ - អ្នកនេសាទនៅឯសមុទ្រត្រូវបានធ្វើឱ្យមានការភ័យខ្លាចម្តងហើយម្តងទៀតដោយ "ត្រីយក្ស" ដែលជាត្រីធំវាយប្រហារ។ អ្នកនេសាទជាច្រើននាក់បានបាត់បង់ជីវិតរបស់ខ្លួន។
ដំណើរការនេសាទនៅលំហរសមុទ្រ។ (រូបថត៖ Thoi Dai)
ខ្ញុំនិងអ្នកនេសាទចំនួន ៧ នាក់បានព្យាយាមទាញសំណាញ់ ប៉ុន្តែលោកប្រធានក្រុមនាវិក Leo ស្រែកថា "លែងដៃ លែងដៃទៅ ត្រីធំណាស់ ត្រីយក្ស" ។ ចាប់តាំងពីការចាប់ផ្តើមដំណើរនេសាទនៅលំហរសមុទ្រ ខ្ញុំបានឃើញអ្នកនេសាទជាច្រើននៅលើនាវាដែលចាប់បានត្រីធំរាប់សិបគីឡូក្រាម។ ប៉ុន្តែនេះជាលើកទីមួយហើយដែលសំណាញ់ត្រូវបានរុំយ៉ាងតឹងជាមួយគ្នា មានតែព្រុយពីរប៉ុណ្ណោះដែលកំពុងលេចឡើងដូច្នេះខ្ញុំមិនដឹងថា តើត្រីអ្វីជាប់នៅក្នុងសំណាញ់នោះទេ?
លោក Quy បានឡើងទៅលើដំបូលនាវាយ៉ាងលឿន ។ អ្នកនេសាទបានចាប់យកផ្លែស្ទូចធំ ដើម្បីទាញនិងចាប់ត្រីយក្សលើនាវា។ នេះមិនធម្មតាទេ ព្រោះសូម្បីតែចាប់ត្រីយក្សដែលមានទំងន់រាប់រយគីឡូក្រាម អ្នកនេសាទនៅតែប្រើស្ទូចធំមួយដើម្បីចាប់ត្រីយក្សនេះ។ នាវាបានចូលទៅក្នុងតំបន់ដែលបង់សំណាញ់យ៉ាងយឺត ៗ លោក Quy និងលោកNhot គឺជាពីរនាក់ខ្លាំងបំផុតបានប្រើផ្លែស្ទូចធំ ដើម្បីចាក់ លើត្រីយក្ស។ មិនចុះចាញ់ទេ ត្រីយក្សបានព្យាយាមប្រើស្លាបដ៏ធំរបស់វាដែលមានទំហំពី ៤ ទៅ ៤ ម៉ែត្រ ដើម្បីត្រដរនឹងការចាប់យករបស់អ្នកនេសាទម្តងហើយម្តងទៀតដែលធ្វើឱ្យអ្នកនេសាទទាំង ៤ នាក់ជួបការពិបាកក្នុងការយកត្រីយក្សលើនាវាកាន់។
ក្នុងអត្រានេះបើសិនជាត្រីយក្យនេះបន្តប្រឆាំងនិងអ្នកនេសាទចំនួនពីរនាក់នេះ ត្រីអាចទាញអ្នកនេសាទទាំងពីររួមជាមួយផ្លែស្ទូចធំធ្លាក់ចូលសមុទ្រ។ ប្រឈមនឹងគ្រោះថ្នាក់នៃការបាត់បង់ត្រីយក្ស លោក Tam Hung បានស្រែកថា៖“ យកផ្លែស្ទូចថែមទៀតនិងចងខ្សែយុថ្កា” ។ ទំពក់ដែកដែលនៅតែប្រើដើម្បីចាប់យកទឹកកកត្រជាក់ត្រូវបានយកចេញពីជាន់ក្រោម។ លោក Thoi ចាក់យ៉ាងខ្លាំងទៅលើថ្គាមរបស់ត្រីយក្ស ។ ខ្សែធំដែលប្រើប្រាស់នៅពេលនាវាចត់ដែលក្លាយទៅជាខ្សែទាញយកត្រីយក្សឡើងនាវា។
បន្ទាប់ពីរួមកម្លាំងក្នុងរយៈពេល ២ ម៉ោង អ្នកនេសាទចំនួន ៩ នាក់ដោយមានស្នាមរបួសពីរបី ដោយសារ ការប្រើដែកគាស់សម្រាប់ជីកទឹកកកក្នុងដំណើរការចាប់យកត្រីយក្ស។ ទីបញ្ចប់ត្រីនេះត្រូវបានទាញលើនាវា អ្នកនេសាទចំនួន ៩ នាក់សុទ្ធសឹងអស់កម្លាំង ក្អកចេញ ព្រោះពួកគេហត់នឿយខ្លាំងពេកហើយដៃរបស់អ្នកទាំងអស់គ្នាកំពុងឈឺផ្សា។
ត្រៀមទឹកកកដើម្បីរក្សាត្រីយក្ស។ (រូបថត៖ Thoi Dai)
បន្ទាប់ពីបានប៉ាន់ស្មានថា ត្រីយក្សនេះមិនតិចជាង ៥០០ គីឡូក្រាម លោក Tam Hung អ្នកនេសាទចំណាស់ជាងគេគ្រវីក្បាល ហើយនិយាយថា "ជីវិតខ្ញុំទៅនាសាទនៅលំហរសមុទ្រជាច្រើនដងហើយតែ ខ្ញុំមិនដែលមានម្តងណាទេ ខ្ញុំចាប់យកត្រីយក្សដូចពេលនេះ”។ ឃើញត្រីយក្សដេកនៅលើនាវា ក្រោមពន្លឺព្រះអាទិត្យក្នុងរយៈពេលមួយម៉ោងយ៉ាងស្ងៀមស្ងាត់ គិតថាវាងាប់ហើយ។ លោកTrung បានទាញសំណាញ់ ស្រាប់តែត្រីត្រដរ លោកTrung ត្រូវបាន ទម្លាក់ទៅសមុទ្របណ្តាលឱ្យក្រុមនាវិកគ្រប់គ្នាបាត់បង់ព្រលឹង នៅពេលទាញត្រី ពួកគេអស់កម្លាំងហើយ ឥឡូវនេះពួកគេត្រូវជួយសង្គ្រោះលោក Trung ។
វិលត្រឡប់ទៅបន្ទប់ បើកបរនាវា លោក Leo កំពុងអុជធូប ១ សរសៃនិងបួងសួងថា៖ មានតែសំណាងដែលយើងចាប់ត្រីនេះបាន ប៉ុន្តែសំណាញ់របស់យើងហាក់ដូចជាខ្សែអំបោះចងជើងដំរីប៉ុណ្ណោះ” ។ ចាប់ត្រីយក្សបាននិងលក់មានតម្លៃ ក្រុមនាវិករីករាយណាស់ប៉ុន្តែដំណើរការកែច្នៃត្រីយក្សនិងរក្សាក្នុងបន្ទប់ក្រោមនាវាគឺជាបញ្ហា។ បន្ទាប់ពីអ្នកនេសាទបួននាក់កាន់ពូថៅនិងញញួ រ បន្ទាប់ពីមួយម៉ោងពួកគេបានកាត់សាច់ត្រីយក្សនេះ ៗ ជា ៤ ចំណែក បន្ទាប់មកដាក់វានៅក្នុងបន្ទប់ក្រោមនាវា./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន