យុគសម័យ - វៀតណាមបានចូលរួមការប្រកួតអូឡាំពិកអន្តរជាតិទីក្រុងមូស្គូលើកទី ៤ ឆ្នាំ ២០១៩ ដោយទទួលបានសមិទ្ធិផលគួរឱ្យកត់សម្គាល់ ជាជាក់ស្តែងគឺឈ្នះបានមេដាយមាសចំនួន ៣ គ្រឿង មេដាយប្រាក់ចំនួន ៣ គ្រឿង មេដាយសំរិទ្ធចំនួន ២ គ្រឿង។ ក្រុមសិស្សវៀតណាមក៏បានឈ្នះពានរង្វាន់ប្រាក់សម្រាប់ការប្រកួតតាមក្រុម និងស្ថិតនៅក្នុងបញ្ជី Top 3 នៃទីក្រុងល្អបំផុតក្នុងការប្រកួតប្រជែងល្បឿន (Bliz- contest)។
ក្រុមសិស្សវៀតណាមចូលរួមការប្រកួតអូឡាំពិកអន្តរជាតិទីក្រុងមូស្គូលើកទី ៤ ឆ្នាំ ២០១៩ (រូបថត៖ dangcongsan.vn)
ព័ត៌មានពីមន្ទីរអប់រំនិងបណ្តុះបណ្តាលទីក្រុងហាណូយបានឲ្យដឹងថានេះគឺជាលើកដំបូងដែលវៀតណាមចូលរួមការប្រកួតអូឡាំ ពិកអន្តរជាតិទីក្រុងមូស្គូលើកទី ៤ ឆ្នាំ ២០១៩ ដោយទទួលបានលទ្ធផលគួរឱ្យចាប់អារម្មណ៍ ក្នុងនោះឈ្នះបានមេដាយមាស ៣ គ្រឿង មេដាយប្រាក់ ៣ គ្រឿង និងមេដាយសំរិទ្ធ ២ គ្រឿង។ ក្រុមសិស្សវៀតណាមក៏បានឈ្នះពានរង្វាន់ប្រាក់សម្រាប់ការប្រកួតតាមក្រុម និងស្ថិតនៅក្នុងបញ្ជី Top 3 នៃទីក្រុងល្អបំផុតក្នុងការប្រកួតប្រជែងល្បឿន (Bliz- contest)។ មេដាយមាសបានទៅកាន់សិស្ស Nguyen Dinh Hieu (ផ្នែកកុំព្យូទ័រ) , សិស្ស Duong Trung Kien (ផ្នែកគីមីវិទ្យា) និងសិស្ស Nguyen Bui Quoc Anh (ផ្នែកគីមីវិទ្យា) ។រីឯមេដាយប្រាក់បានទៅកាន់ សិស្ស Le Duc Khoi (គណិតវិទ្យា) សិស្ស Ho Phi Dung (រូបវិទ្យា) សិស្ស Tran Minh Quan (ផ្នែករូបវិទ្យា)។
គួរជម្រាបថា ការប្រកួតកីឡាអូឡាំពិកអន្តរជាតិទីក្រុងមូស្គូលើកទី ៤ ឆ្នាំ ២០១៩ គឺជាព្រឹត្តិការណ៍មួយក្នុងចំណោមព្រឹត្តិការណ៍ចំនួន ២ នៃសប្តាហ៍អប់រំអន្តរជាតិម៉ូស្គូ ដែលប្រព្រឹត្តទៅចាប់ពីថ្ងៃទី ២៩ខែសីហា ដល់ ថ្ងៃទី៦ ខែកញ្ញានៅទីក្រុងមូស្គូ (សហព័ន្ធរុស្ស៊ី)។ សប្តាហ៍នេះរួមមានព្រឹត្តិការណ៍ដ៏សំខាន់២ គឺវេទិកាទីក្រុងអប់រំលើកទី ៣ និងការប្រកួតអូឡាំពិកអន្តរជាតិលើកទី ៤ សម្រាប់ទីក្រុងធំៗ៕（ហេង វុធ្ធី）
មតិពីមិត្តអ្នកអាន