យុគសម័យ - យោងតាមរបាយការណ៍មានចំណងជើងថា "Women in Business 2019" ចេញផ្សាយដោយក្រុមហ៊ុន Grant Thornton ស្ត្រីដែលកាន់តំណែងជាន់ខ្ពស់នៅក្នុងប្រទេសវៀតណាម មានដូចជានាយកហិរញ្ញវត្ថុ នាយកប្រតិបត្តិ នាយកផ្នែកធនធានមនុស្ស និងនាយកទីផ្សារជាដើម។
អាជីវករជាស្ត្រីរបស់វៀតណាម
ក្រុមហ៊ុនប្រឹក្សាយោបល់អន្តរជាតិ Grant Thornton បានឱ្យដឹងថា នាពេលបច្ចុប្បន្នស្ត្រី ៣៦ភាគរយកំពុងកាន់មុខតំណែងជាន់ខ្ពស់ក្នុងវិស័យធុរៈកិច្ចវៀតណាម ដែលនេះបានធ្វើឱ្យប្រទេសអាស៊ីអាគ្នេយ៍មួយនេះ ឈរនៅលេខរៀងទី ២ បន្ទាប់ពី ហ្វីលីពីនដែលឈរនៅលេខរៀងទី ១ ជាមួយអាត្រា ៣៧.៥ភាគរយ ក្នុងនាមជាប្រទេសមានស្ត្រីចូលរួមក្នុងវិស័យធុរៈកិច្ច ច្រើនជាងគេក្នុងទ្វីបអាស៊ី។
យោងតាមរបាយការណ៍មានចំណងជើងថា "Women in Business 2019" ចេញផ្សាយដោយក្រុមហ៊ុន Grant Thornton តំណែងជាអ្នកគ្រប់គ្រង ឬនាយកមាន ២៩ភាគរយ កាន់កាប់ដោយស្ត្រីនៅទូទាំងពិភពលោកធៀបទៅនឹង ២៨ភាគរយ នៅក្នុងតំបន់អាស៊ីអាគ្នេយ៍។ ចំណែកឯស្ត្រីដែលកាន់តំណែងជាន់ខ្ពស់នៅក្នុងប្រទេសវៀតណាម មានដូចជានាយកហិរញ្ញវត្ថុ នាយកប្រតិបត្តិ នាយកផ្នែកធនធានមនុស្ស និងនាយកទីផ្សារជាដើម។
អាជីវករជាស្រ្តីនៅវៀតណាម សកម្មចូលរួមក្នុងបណ្តាសកម្មភាពជំរុញពាណិជ្ជកម្ម (រូបថតៈ VOV.VN)
គួរបញ្ជាក់ថា បើតាម World Economic Forum វៀតណាមសិ្ថតនៅក្នុងចំណោមប្រទេសចំនួន ២៥ ដែលជិតឈានដល់ការ បិទបញ្ចប់គម្លាតយែនឌឺនៅវិស័យពលកម្មការងារ។ វៀតណាមមានសហគ្រាសខ្នាតមធ្យមប្រមាណ ១៤៥,០០០ គ្រប់គ្រងដោយស្ត្រីនៅទូទាំងប្រទេស ព្រមទាំងមានមហិច្ឆតាពង្រីកឱ្យដល់ ១លានសហគា្រសនៅឆ្នាំ២០២០ និងមួយភាគបីគ្រប់គ្រងដោយស្ត្រី៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន