យុគសម័យ - បន្ទាប់ពីផ្លូវដើរថ្មើរជើងនៅជុំវិញបឹង Hoan Kiem (ខណ្ឌ Hoan Kiem រដ្ឋធានី Ha Noi) ត្រូវបានអនុញ្ញាតឱ្យដំណើរការឡើងវិញ មន្ទីរវប្បធម៌និងកីឡា Ha Noi បានរៀបចំកម្មវិធីវប្បធម៌និងសិល្បៈជាច្រើន ដើម្បីបម្រើប្រជាជន។
សំដែងរបាំនាគនៅផ្លូវដើរថ្មើរជើងជុំវិញបឹង Hoan Kiem ។ (រូបថត៖ Ha Noi moi)
ជាក់ស្តែងក្នុងទីស្ថាននៃផ្លូវដើរថ្មើរជើង មន្ទីរវប្បធម៌និងកីឡា Ha Noi សហការជាមួយស្ថាប័នពាក់ព័ន្ធរៀបចំព្រឹត្តិការណ៍វប្បធម៌ នៅតាមទីកន្លែងនានា៖ នៅមុខសាលមហោស្រព Cong Nhan (ផ្លូវ Trang Thi) ផ្ទះ Bat Giac សួនផ្កា Ly Thai To ប្រាសាទ Ba Kieu វិមាន Quyet Tu នៅមុខមហោស្រពអាយ៉ង Thang Long ទីលាន Dong Kinh Nghia Thuc ... នៅតាមទីកន្លែងទាំងនេះ សកម្មភាពវប្បធម៌នឹងបានរៀបចំ ដូចជា៖ ការសម្តែងតន្រ្តីបុរាណ តន្ត្រីសម័យទំនើប សៀក ... នៅចុងសប្តាហ៍នៅពេលផ្លូវដើរថ្មើរជើងបានរៀបចំ។
លើសពីនេះ មន្ទីរវប្បធម៌និងកីឡា Ha Noi ក៏គ្រោងនឹងរៀបចំព្រឹត្តិការណ៍ វប្បធម៌សំខាន់ៗ ក្នុងតំបន់ផ្លូវដើរថ្មើរជើង Hoan Kiem ចាប់ពីពេលនេះរហូតដល់ដំណាច់ឆ្នាំ ២០២០ ។ ជាពិសេសនៅក្នុងខែមិថុនា នឹងមានព្រឹត្តិការណ៍ លេចធ្លោមួយចំនួនរួមមាន៖ កម្មវិធីជួយជ្រោមជ្រែងនឹងយុទ្ធនាការ”បរិស្ថានពិភពលោកបៃតង” នៅព្រឹកថ្ងៃទី ៧ ខែមិថុនា កម្មវិធីតន្រ្តីត្រែ ធ្វើឡើងចាប់ពីថ្ងៃទី ៥ ដល់ថ្ងៃទី ៧ ខែមិថុនា។ កម្មវិធីផ្សព្វផ្សាយលើកកម្ពស់វិស័យអាកាសចរណ៍ - ទេសចរណ៍ “ទីស្ថានខាងកើត - អាស៊ីខាងត្បូង” ធ្វើឡើង ចាប់ពីថ្ងៃទី ២០ ដល់ ថ្ងៃទី២១ ខែមិថុនា …
ការរៀបចំកម្មវិធីវប្បធម៌និងព្រឹត្តិការណ៍សំខាន់ៗ ដើម្បីជំរុញទេសចរណ៍មករដ្ឋធានី Ha Noi ក្នុងបរិបទប្រទេស អនុវត្តភារកិច្ចអភិវឌ្ឍន៍សេដ្ឋកិច្ច រួមនឹងការបង្ការការរីករាលដាលនៃ Covid-19 ដោយផ្តោតលើការអភិវឌ្ឍន៍ទេសចរណ៍./.（បកប្រែដោយឌីណា）
មតិពីមិត្តអ្នកអាន