មហោស្រពភាពយន្តអន្តរជាតិហាណូយលើកទី ៥ បានប្រារព្ធកនៅវិមានវប្បធម៌មិត្តភាពហាណូយនាយប់ថ្ងៃទី២៧ខែតុលា។ អញ្ជើញចូលរួមក្នុងពិធីនេះ មានវត្តមាន ឧបនាយករដ្ឋមន្ត្រីវៀតណាម លោក Vu Duc Dam តំណាងក្រសួង ស្ថាប័នមជ្ឈិមនិងតំណាងទីក្រុងហាណូយផងដែរ។
ទិដ្ឋភាពនៃកម្មវិធី
អញ្ជើញថ្លែងក្នុងពិធីបើក រដ្ឋមន្ត្រីក្រសួងវប្បធម៌កីឡានិងទេសចរណ៍វៀតណាម លោក Nguyen Ngoc Thien បានសង្កត់ធ្ងន់ថា មហោស្រពភាពយន្តអន្តរជាតិហាណូយលើកទី ៥ នេះបានផ្តល់កិត្តិយសដល់អ្នកមានទេពកោសល្យក្នុងវិស័យភាពយន្ត។ មហោស្រពភាពយន្តលើកនេះ បានបើកទូលាយប្រភេទភាពយន្តសម្រាប់គ្រប់រោងភាពយន្តក្នុងស្រុកនិងលើពិភពលោក សំដៅបង្កើតឱកាសដ៏ល្អចំពោះអ្នកផលិតខ្សែភាពយន្តវៀតណាមនិងអន្តរជាតិជួបប្រាស្រ័យនិងចែករំលែកបទពិសោធ ន៍ក៏ដូចជា រួមចំណែកក្នុងការអភិវឌ្ឍន៍វិស័យភាពយន្តនៅក្នុងប្រទេសវៀតណាម ក្នុងតំបន់និងលើពិភពលោក។
ចូលរួមក្នុងមហោស្រពខ្សែភាពយន្តលើកនេះ មានស្នាដៃភាពយន្តចំនួន១៤៧រឿង ដែលមានគុណភាពល្អឥតខ្ចោះមកពីបណ្តាប្រទេសនិងតំបន់ដែនដីជិត ៥០។ ក្នុងនោះ វៀត ណាមបាននាំមកមហោស្រព ខ្សែភាពយន្តជាង ៤០ រឿង ដែលស្ថិតនៅក្នុងកម្មវិធីនិងប្រភេទផ្សេងៗ៕
（ប្រភពព័ត៌មាន: VOV5）
មតិពីមិត្តអ្នកអាន