ការប្រណាំងគោនៅតំបន់ បៃនូយ មានប្រវត្តិរាប់រយឆ្នាំមកហើយ ត្រូវបានប្រារព្ធឡើងក្នុងឱកាសបុណ្យសែនដូនតារបស់បងប្អូនជនជាតិ ខ្មែរ ណាមបូ បានប្រព្រឹត្តឡើងក្នុងអំឡុងពេលទំនេរពីការងារស្រែចម្ការ ពោរពេញទៅដោយស្លាកស្នាមនៃវប្បធម៌ ប្រពៃណីនៃប្រជានិករប្រកបរបរកសិកម្មស្រូវទឹក។
មិនត្រឹមតែបង្ហាញពីលក្ខណៈ វប្បធម៌ប្រពៃណីដ៏ប្រពៃប៉ុណ្ណោះទេ ពិធីបុណ្យប្រណាំងគោ តំបន់ បៃនូយ នៅថែមទាំងជាកន្លែងលេងកីឡាកម្សាន្តដ៏មានអត្ថន័យចំពោះកសិករ ខ្មែរ ណាមបូ នៅតាមបណ្ដាភូមិ ស្រុក ក្រោយពេលធ្វើពលកម្មនឿយហត់នៅឯវាលស្រែ។
នៅតំបន់ បៃនូយ ចំណុះភូមិសាស្រ្តស្រុកពីរគឺ ទ្រីតូន និង ទិញបៀន (ខេត្ត អានយ៉ាង) ការប្រណាំងគោមិនត្រឹមតែទុកដោយឡែកសម្រាប់តែបុរសភេទនោះទេ។ (រូបថត៖ េkm.dantocmiennui.vn/
ពិធីបុណ្យប្រណាំងគោតំបន់ បៃនូយ បង្ហាញពីសាមគ្គីភាព ភាពស្អិតរមួតក្នុងការបង្កបង្កើនផលរបស់បងប្អូនជនជាតិ ខ្មែរ ណាមបូ ជាឱកាសសម្រាប់ពួកគាត់ ជួបជុំគ្នា រក្សាមនោសញ្ចេតនាផ្សារភ្ជាប់ទៅនឹងសហគមន៍ ពោរពេញដោយលក្ខណៈមនុស្សសាស្ត្រ។
មុខវិជ្ជាកីឡាប្រណាំងគោមានភាពទាក់ទាញពិសេស កីឡាករជាច្រើនត្រូវបានយកចិត្តទុកដាក់បណ្តុះបណ្តាលតាំងពីតូច។ (រូបថត៖ េkm.dantocmiennui.vn/
ចាប់តាំងពីឆ្នាំ ១៩៩២ ពិធីបុណ្យប្រណាំងគោតំបន់ បៃនូយ ត្រូវបានស្រុកពីរគឺ ទ្រីតូន និង ទិញបៀន (ខេត្ត អានយ៉ាង) ប្តូរវេនគ្នាចាត់តាំង ទាក់ទាញការចាប់អារម្មណ៍ពីសំណាក់ភ្ញៀវទេសចរ ផ្សារភ្ជាប់ទៅនឹងសកម្មភាព ទេសចរណ៍នៃមូលដ្ឋាននិងតំបន់វាលទំនាបទន្លេ គឺវឡុង។
យោងតាមលោក Nguyen Khanh Hiep ប្រធានមន្ទីរវប្បធម៌ - កីឡា និង ទេសចរណ៍ខេត្ត អានយ៉ាង បានឲ្យដឹងថា ការប្រណាំងគោ បៃនូយ លើកទី ២៧ នៅខេត្ត អានយ៉ាង ក្នុងឆ្នាំ ២០២០ ត្រូវបានគេរំពឹងថា នឹងធ្វើឡើងនៅដើមខែតុលាឆ្នាំ ២០២០ នៅស្រុក ទិញបៀន ។ ក៏ប៉ុន្តែ ដោយអនុវត្តតាមស្មារតីដឹកនាំរបស់លោកនាយករដ្ឋមន្រ្តីនិងគណៈកម្មាធិការប្រជាជនខេត្ត អានយ៉ាង ក្នុងការការពារ ទប់ស្កាត់ការឆ្លងរាលដាល នៃ COVID-19 មន្ទីរវប្បធម៌ - កីឡានិងទេសចរណ៍បានដាក់សំណើទៅគណៈកម្មាធិការប្រជាជនខេត្ត ដើម្បីសុំការអនុញ្ញាតឲ្យមិនរៀបចំការប្រណាំងគោ បៃនូយ លើកទី ២៧ នៅឆ្នាំ ២០២០ និងទទួលបាន ការយល់ព្រមពីខេត្ត./.
(បូកសរុបដោយឌីណា)
(ប្រភពព័ត៌មាន: thoidai.com.vn និង dantocmiennui)
មតិពីមិត្តអ្នកអាន