យុគសម័យ - យោងតាមរបាយការណ៍ស្ទង់មតិសង្គមនៃទស្សនាវដ្តី CEOWORLD (សហរដ្ឋអាមេរិក) ទើបតែបានចេញផ្សាយថា គុណភាពចំណីអាហារតាមដងផ្លូវរបស់ប្រទេសសឹង្ហបុរីកំពុងឈរលំដាប់លេខ១នៅលើពិភពលោក។ រីឯទីក្រុងហូជីមិញនៃប្រទេសវៀតណាមបានឈរនៅលំដាប់ថ្នាក់ទី៤ក្នុងតារាងចំណាត់ថ្នាក់នេះ។
ប្រទេសវៀតណាមស្ថិតក្នុងចំណាត់ថ្នាក់កំពូលទាំង ៥ នៃអាហារតាមផ្លូវដ៏ឆ្ងាញ់បំផុតនៅលើពិភពលោក (រូបថត៖ amitour.vn)
ការស្ទង់មតិនេះត្រូវបានធ្វើឡើងដោយ CEOWORLD ក្នុងរយៈពេលបីខែដោយផ្អែកលើទិន្នន័យនិងការពិនិត្យឡើងវិញរបស់អ្នកដំណើរចំនួន ៩២.០០០ នាក់និងទីភ្នាក់ងារទេសចរណ៍ចំនួន ១៤០០ នៅប្រទេសនិងតំបន់ទាំង ៨៦ នៅលើពិភពលោក។
ជនជាតិបរទេសចូលចិត្តម្ហូបតាមផ្លូវនៅវៀតណាម (រូបថត៖ thoibaotaichinhvietnam.vn)
ចំណាត់ថ្នាក់លេខ ២ និង ៣ ជាទីក្រុងបាងកក (ថៃ) និងហុងកុង (ចិន)។ ទីក្រុងហូជីមីញរបស់ប្រទេសវៀតណាមឈរនៅចំណាត់ថ្នាក់លេខ ៤ និងទីក្រុង Mumbai របស់ប្រទេសឥណ្ឌាទទួលបានចំណាត់ថ្នាក់លេខ ៥។ ទីក្រុងសេអ៊ូលកូរ៉េខាងត្បូងស្ថិតនៅលេខ ១៣ និងទីក្រុងតូក្យូប្រទេសជប៉ុនជាប់ចំណាត់ថ្នាក់លេខ ១៩ ៕
(ហេង វុធ្ធី)
មតិពីមិត្តអ្នកអាន