យុគសម័យ - ពិធីបុណ្យថ្ងៃព្រះចន្ទពេញវង់នា ខែមគសិរ គឺជាពិធីបុណ្យខាងវិញ្ញាណជាប្រពៃណីរបស់វៀតណាម។ ជាច្រើនឆ្នាំមកហើយជនជាតិវៀតណាមនៅប្រទេសប៉ូឡូញបានប្រារព្ធពិធីនេះយ៉ាងឱឡារិកជារៀងរាល់ឆ្នាំ។
ដើម្បីបំពេញសេចក្តីត្រូវការខាងស្មារតីរបស់សហគមន៍ឆ្នាំនេះវត្ត Nhan Hoa ប៉ូឡូញនៅតែធ្វើពិធីបួងសួង នាថ្ងៃព្រះចន្ទពេញវង់នា ខែមគសិរប៉ុន្តែឆ្លើយតបតាមបទប្បញ្ញត្តិស្តីពីការការពារទប់ស្កាត់ការរីករាលដាលជំងឺរាតត្បាតរបស់រដ្ឋាភិបាលប៉ូឡូញ។ សហគមន៍ជាជាតវៀតណាមចូលវត្តត្រូវបានពាក់ម៉ាស និងរក្សាចម្ងាយក្នុងពិធី។ ដើម្បីបញ្ជៀសការប្រមូលផ្តុំមនុស្សច្រើនកុះករ ក្រៅពីពិធីសំខាន់ដែលបានធ្វើឡើង នៅរសៀលថ្ងៃទី ១៥ កើត ខែមគសិរ វត្តក៏រៀបចំពិធីផ្សេងៗទៀតនៅថ្ងៃសៅរ៍និងថ្ងៃអាទិត្យដែរ។
ទិដ្ឋភាពនៃពិធីបុណ្យថ្ងៃព្រះចន្ទពេញវង់នា ខែមគសិរ នៅវត្ត Nhan Hoa ប៉ូឡូញ។ រូបថត៖ មាតុភូមិវៀតណាម
ព្រះតេជព្រះគុណ Thich Trung Dat ព្រះចៅអធិការវត្ត Nhan Hoa អញ្ជើញជាអធិបតីក្នុងពិធីនេះ។ ចូលរួមពិធីនេះមាន លោក ឯកអគ្គរដ្ឋទូតវៀតណាមប្រចាំនៅប៉ូឡូញ Nguyen Hung និងមន្រ្តីស្ថានទូតមួយចំនួនតំណាងសមាគមជនជាតិវៀតណាម នៅប្រទេសប៉ូឡូញនិងពុទ្ធបរិស័ទមួយចំនួន នៅទីក្រុង Warszawa។ មនុស្សជាច្រើនដែលមិនអាចទៅវត្តក៏បានចូលរួមក្នុងពិធីនេះ តាមរយៈប្រព័ន្ធវីដេអូដែរ។
ព្រះតេជព្រះគុណ Thich Trung Dat ព្រះចៅអធិការវត្ត Nhan Hoa ផ្តល់អំណោយជូនអ្នកចូលរួម។( រូបថត៖ មាតុភូមិវៀតណាម)
បន្ទាប់ពីពិធីនេះព្រះតេជព្រះគុណ Thich Trung Dat បានប្រគល់អំណោយជូនអ្នកចូលរួម។ ការរៀបចំពិធីដ៏ឧឡារិកនិងប្រកបដោយសុវត្ថិភាពគឺជាកិច្ចខិតខំប្រឹងប្រែងដ៏ខ្ពង់ខ្ពស់របស់ព្រះតេជព្រះគុណ Thich Trung Dat និងពុទ្ធបរិស័ទទាំងឡាយនៃ វត្ត Nhan Hoa ប៉ូឡូញ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន