បទចម្រៀង“ ច្រណែននាងកូវី” (Ghen Co Vy) របស់សិល្បករវៀតណាមទទួលបានការគាំទ្រយ៉ាងគំហុកពីសំណាក់សហគមន៍អន្តរជាតិ

បទចម្រៀង“ ច្រណែននាងកូវី” (Ghen Co Vy) របស់សិល្បករវៀតណាមទទួលបានការគាំទ្រយ៉ាងគំហុកពីសំណាក់សហគមន៍អន្តរជាតិ

នាថ្ងៃទី ២ ខែមិនា ទស្សនាវដ្តីតន្រ្តី Billboard (សហរដ្ឋអាមេរិក) បានសរសេរអត្ថបទអំពីបទចម្រៀងនេះ ដែលជាបទចម្រៀងឃោសនាផ្សព្វផ្សាយជំរុញការប្រឆាំងនឹងការរីករាលដាលនៃជំងឺ Covid-19 នៅវៀតណាម។

យោងតាម ​​Billboard ប្រទេសវៀតណាមមានយុទ្ធនាការជាច្រើនក្នុងការផ្សព្វផ្សាយប្រកបដោយប្រសិទ្ធភាព ដើម្បីទប់ទល់នឹងជំងឺនេះ ហើយបានធ្វើការអត្ថាធិប្បាយថា «ច្រណែននាកូវី» មានចង្វាក់ភ្លេងគួរឱ្យទាក់ទាញខ្លាំង ដែលជួយជំរុញវិធានការបង្ការដូចជាការលាងដៃស្អាតជាដើម»។

ទស្សនាវដ្តីតន្ត្រីប្រចាំសប្តាហ៍របស់អាមេរិកក៏បានសម្ភាសអ្នករាំ Quang Dang អំពីអត្ថន័យនៃក្បាច់រាំ ដែលគាត់បានជ្រើសរើសសម្រាប់បទចម្រៀង «ច្រណែននាងកូវី» នេះតែម្តហ។ លោក Quang Dang បានចែករំលែកថា“ ខ្ញុំចង់ប្រើភាសាផ្ទាល់ខ្លួន (ក្បាច់រាំ) ដើម្បីផ្សាយព័ត៌មានត្រឹមត្រូវអំពីការប្រយុទ្ធប្រឆាំងនឹងជំងឺ Covid-19 ដល់មនុស្សកាន់តែច្រើនកាន់តែល្អ ជាពិសេសគឺយុវជនវ័យក្មេង។សម័យនេះជាសម័យព័ត៌មាន ហេតុដូច្នេះចំណេះដឹងក្លាយទៅជាកម្លាំងថាមពលផងដែរ"។

បទចម្រៀង «ច្រណែននាងកូវី» ត្រូវបានបង្ហាញឃ្លីបនៅក្នុងកម្មវិធីជជែក Last Week Tonight With John Oliver របស់ បុស្តិ៍ HBO (អាមេរិក)

បទចម្រៀង «ច្រណែននាងកូវី» ទទួលបានការចាប់អារម្មណ៍ពីសំណាក់អ្នកនិយមលេងអ៊ីនធឺណេតអន្តរជាតិ បន្ទាប់ពីបានបង្ហាញឃ្លីបនៅក្នុងកម្មវិធីជជែក Last Week Tonight With John Oliver របស់ បុស្តិ៍ HBO (អាមេរិក) កាលពីថ្ងៃទី ១ ខែមីនា។

គួរបញ្ជាក់ថា បទចម្រៀង «ច្រណែននាងកូវី» គឺជាបទចម្រៀងដែលបាន Cover ពីបទចម្រៀង « ច្រណែន» របស់អ្នកចម្រៀង Min និង Erik ។ បទចម្រៀងនេះត្រូវបានកែសម្រួលដោយតន្រី្តករ Khac Hung និងថតសម្លេងឲ្យវិទ្យាស្ថានសុខភាពវិជ្ជាជីវៈនិងបរិស្ថាននៃក្រសួងសុខាភិបាលវៀតណាមក្នុងយុទ្ធនាការប្រឆាំងនឹងជំងឺរាតត្បាត Covid-19 ៕

Link: https://www.youtube.com/watch?v=BtulL3oArQw

（បកប្រែដោយ ហេង វុធ្ធី）

（ប្រភពព័ត៌មាន: zing.vn）

（បកប្រែដោយ ហេង វុធ្ធី）