យុគសម័យ - នាថ្ងៃទី១២កក្កដា នៅមណ្ឌលកេរ្តិ៍ដំណែលប្រវត្តិសាស្ត្រវិហារបណ្តាស្តេច Hung គណៈកម្មការរដ្ឋទទួលបន្ទុកជនវៀតណាមនៅឯបរទេស ក្រសួងការបរទេសវៀតណាម បានរួមសហការជាមួយគណៈកម្មាធិការប្រជាជនខេត្ត Phu Tho រៀបចំពិធីបើកជំរុំវិស្សមកាលរដូវក្តៅវៀតណាម២០១៨-រយៈពេល១៥ឆ្នាំនៃការតភ្ជាប់រង្វង់ដៃធំ។
យុវជន និស្សិតជាអាណិកជនឆ្នើមដែលមានស្នាដៃល្អក្នុងការសិក្សា មកពីប្រទេស៣០ទូទាំងពិភពលោក រួមទាំងសមាជិកយុវជនខេត្ត Phu Tho បានចូលរួមពិធីបើកនេះ។
អញ្ជើញចូលរួមក្នុងពិធី លោក Vu Hong Nam អនុរដ្ឋមន្ត្រីក្រសួងការបរទេស ប្រធានគណៈកម្មាធិការជាតិ ទទួលបន្ទុកជនវៀតណាមនៅឯបរទេសបានឲ្យដឹងថា តាមរយៈសកម្មភាពពោរពេញទៅដោយអត្ថប្រយោជន៍នេះ សិស្សានុសិស្សនិងនិស្សិតវៀតណាមនៅឯបរទេសនឹងលើកកម្ពស់មនសិការ ការទទួលខុសត្រូវរបស់ខ្លួនចំពោះការផ្សព្វផ្សាយវប្បធម៌ អត្តសញ្ញាណនៃទឹកដីនិងមនុស្សវៀតណាមទៅកាន់ពិភពលោករួមទាំងរក្សានិងអភិរក្សប្រពៃណីវនប្បធម៌ អត្តសញ្ញាណជាតិក្នុងសហគមន៍ជនវៀតណាមនៅឯបរទេស។
ក្រោមប្រធានបទ “រយៈពេល១៥ឆ្នាំនៃការតភ្ជាប់រង្វង់ដៃធំ” ជំរុំវិស្សមកាល២០១៨នឹងប្រព្រឹត្តទៅចាប់ពីថ្ងៃទី១០ដល់ថ្ងៃទី២៥កក្កដា តាមខេត្ត ក្រុងនៃភាគទាំងបីរបស់ប្រទេសជាតិ។
មុននោះ នាថ្ងៃទី១១កក្កដា នៅទីក្រុងហាណូយ សិស្សានុសិស្ស និស្សិត ជាអាណិកជនបានត្រឡប់មកមាតុប្រទេសចូលរួមជំរុំវិស្សមកាលរដូវក្តៅ២០១៨ បានទៅទស្សនាមណ្ឌលកេរ្តិ៍ដំណែលលោកប្រធានហូជីមិញនៅវិមានប្រធានរដ្ឋនិងបរមរាជវាំង Thang Long ផងដែរ។
នៅខាងក្រោមនេះជារូបភាពលេខធ្លោនៃដំណើរទស្សនកិច្ច៖
សិស្សានុសិស្ស និស្សិត យុវជនជាអាណិកជនមានអារម្មណ៍សប្បាយរីករាយយ៉ាងខ្លាំងចំពោះកម្មវិធីនៃដំណើរទស្សនកិច្ច
តំណាងទាំង១២០នាក់ថតរូបអនុស្សវរីយ៍នៅប្រាំងតម្កល់សពលោកប្រធានហូជីមិញ
គណៈប្រតិភូថតរូបអនុស្សវរីយ៍នៅវិមានប្រធានរដ្ឋ
ទាំងអស់គ្នាគឺសប្បាយរីករាយពេលបានស្តាប់នូវរឿងរ៉ាវស្តីពីលោកប្រធានហូជីមិញនៅកន្លែងផ្ទះឈើរបស់លោកប្រធានហូជីមិញ
តាមរយៈរឿងនីមួយៗនោះ មិត្តទាំងអស់នឹងយល់ច្បាស់ពីប្រពៃណីជាតិ ដើម្បីកាន់តែមានមោទនៈអំពីប្រទេសជាតិ
តំណាងថតរូបអនុស្សវរីយ៍នៅបរមរាជវាំង Thang Long
យុវជនអាណិកជនបានទទួលយកការឧទ្ទេសនាមអំពីបរមរាជវាំង Thang Long៕
តំណាងមកពីប្រទេស២៤ផ្សេងៗពីគ្នា ប៉ុន្តែជិតស្និទ្ធិដូចជាបងប្អូនមានដំបូលតែមួយ
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន