ខ្សែភាពយន្តវៀតណាមបង្កការចាប់អារម្មណ៍ក្នុងពិធីបើក «សប្តាហ៍ភាពយន្តអាស៊ានឆ្នាំ ២០២០»

ខ្សែភាពយន្តរបស់វៀតណាម «សុភមង្គលរបស់ អ្នកម្តាយ» បានធ្វើឲ្យទិស្សនិកជនចាប់អារម្មណ៍យ៉ាងខ្លាំងក្នុងពិធីបើកសប្តាហ៍ភាពយន្តអាស៊ានឆ្នាំ ២០២០

ថ្លែងមតិក្នុងពិធីបើកនេះ អនុរដ្ឋមន្ត្រីក្រសួងវប្បធម៌កីឡានិងទេសចរណ៍វៀតណាម លោក Ta Quang Dong ប្រធានអនុគណៈកម្មការឃោសនាវប្បធម៌នៃគណៈកម្មាធិការជាតិអាស៊ានឆ្នាំ ២០២០ បានសង្កត់ធ្ងន់ថា ប្រទេសវៀតណាមបានទទួលតួនាទីជាប្រធានអាស៊ានឆ្នាំ ២០២០ ដោយប្រធានបទ“ អាស៊ាន - ភាពស្អិតរមួតនិងការឆ្លើយតប"ក្នុងឱកាសរំលឹកខួបលើកទី ២៥ នៃការចូលជាសមាជិកប្លុកនេះ ដោយបង្ហាញទំនុកចិត្តខ្ពស់របស់វៀតណាមក្នុងសហគមន៍អាស៊ាន។

ហេតុដូច្នេះសប្តាហ៍ភាពយន្តអាស៊ាននៅប្រទេសវៀតណាមមានគោលបំណងណែនាំអំពីវប្បធម៌ ជីវភាព រស់នៅ និងប្រជាជននៃបណ្តាប្រទេសសមាជិកអាស៊ាន បង្កើនការយល់ដឹងគ្នាទៅវិញទៅមកក្នុងចំណោម ប្រជាជននៃបណ្តាប្រទេសក្នុងតំបន់ដែលរួមចំណែកដល់ការពង្រីកកិច្ចសហប្រតិបត្តិការលើវិស័យសេដ្ឋកិច្ច វិនិយោគននិងការអភិវឌ្ឍទេសចរណ៍ជាដើម។ សប្តាហ៍ភាពយន្តអាស៊ានឆ្នាំ ២០២០ មានការចូលរួមពី ប្រទេសព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន សឹង្ហបូរី និងម្ចាស់ផ្ទះវៀតណាមដែលបាន ណែនាំអំពីខ្សែភាពយន្តថ្មីនិងមានប្រសិទ្ធិភាពសម្រាប់ទស្សនិកជនដែលស្រឡាញ់សិល្បៈភាពយន្តផងដែរ។

ភ្លាមៗបន្ទាប់ពីពិធីបើក ទស្សនិកជនបានមើលខ្សែភាពយន្តក្រោមចំណងជើងថា «សុភមង្គលរបស់ អ្នកម្តាយ» របស់ប្រទេសម្ចាស់ផ្ទះវៀតណាម។ ខ្លឹមសារនៃរឿងនេះនិយាយអំពីសេចក្តីស្រឡាញ់និង ការលះបង់របស់អ្នកម្តាយចំពោះកូនរបស់ខ្លួនដែលបានធ្វើឱ្យទស្សនិកជនចូលរួមក្នុងពិធីបើកសប្តាហ៍ភាពយន្តអាស៊ាន ១០២០ មានការចាប់អារម្មណ៍យ៉ាងខ្លាំងផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេង វុធ្ធី）