ឆ្លងកាត់ការប្រកួត២លើក វៀតណាមនៅមិនទាន់ស្គាល់បរាជ័យ និងជ័យជម្នះនៅឡើយទេ ក្នុងវគ្គជម្រុះនៃព្រឹត្តិការណ៍ AFC U23 Championship ឆ្នាំ២០២០។ លទ្ធផលស្មើទាំងពីរប្រកួត បានធ្វើឲ្យវៀតណាមនៅសល់ឱកាសចុងក្រោយដើម្បីប្រជែងយកមួយកៅអីទៅវគ្គ៨ក្រុមចុងក្រោយ។ កូរ៉េខាងជើងដែលចាញ់ទាំងពីរប្រកួត ត្រូវហាលអាវត្រឹមវគ្គសន្សំពិន្ទុនេះ។
ក្រុមកីឡាបាល់ទាត់ជម្រើសជាតិវៀតណាមក្រោមអាយុ២៣ឆ្នាំ (ពណ៌ក្រហម) (រូបថត៖ rasmeinews.com)
ក្រោយការប្រកួតពីរលើក វៀតរកបាន២ពិន្ទុ ឈរនៅលេខរៀងទី៣ក្នុងពូល D ខណៈហ្សកដានីទទួលបាន៤ពិន្ទុ ឈរលេខ២។ អេមីរ៉ាតអារ៉ាប់រួម ដែលយកឈ្នះកូរ៉េខាងជើង ២-០ ឡើងទៅឈលេខ១បណ្តោះអាសន្នដោយរកបាន៤ពិន្ទុ ព្រោះមានប្រៀបលើគ្រាប់ស៊ុតបញ្ចូលទី។ ក្នុងចំណោមក្រុមទាំង៤ មានតែ៣ក្រុមប៉ុណ្ណោះដែលមានឱកាសប្រជែងគ្នាឡើងទៅកាន់វគ្គ១/៤ផ្តាច់ព្រ័ត្រ លើកលែងតែកូរ៉េខាងជើងត្រូវហាលអាវ។
បន្ទាប់ពីស្មើគ្នាជាមួយអេមីរ៉ាតអារ៉ាប់រួមនៅជំនួបបើកឆាកពូល D ក្រុមជម្រើសជាតិវៀតណាម ក្រោមអាយុ២៣ឆ្នាំ នៅយប់ថ្ងៃទី១៣ ខែមករា បានបន្តការប្រកួតទី២ជាមួយហ្ស៊កដានីដោយគ្មានគ្រាប់បាល់ស៊ុតបញ្ចូលទីគ្នាដដែល។
ក្រុមកីឡាបាល់ទាត់ជម្រើសជាតិវៀតណាមក្រោមអាយុ២៣ឆ្នាំ (ពណ៌ក្រហម) (រូបថត៖ rasmeinews.com)
ក្នុងការប្រកួតនៅកីឡដ្ឋាន Buriram Stadium ប្រទេសថៃ ហ្ស៊កដានីបានបើកការវាយសម្រុកលើក្រុមវៀតណាមដែលជាក្រុមរងជើងឯកឆ្នាំ២០១៨ យ៉ាងខ្លាំងក្លាចាប់តាំងពីដើមវគ្គទី១។ បើទោះហ្ស៊កដានីមានឱកាសច្រើន ប៉ុន្តែពួកគេមិនអាចសម្រេចទីក្រុមវៀតណាមបានឡើយ ដោយចប់ការប្រកួតក្រុមទាំងពីរស្មើគ្នា ០-០។
ជាមួយនឹងវគ្គប្រកួតចំនួន ២ លើកដែលមានលទ្ធផលស្មើគ្នាជាប់ៗគ្នានោះ ក្រុមកីឡាបាល់ទាត់ជម្រើសជាតិវៀតណាមរបស់គ្រូបង្វឹក Park Hang Seo កំពុងមាន២ ពិន្ទុ ដែលឈរនៅលំដាប់ថ្នាក់លេខ ៣ ក្នុងពូល D ហើយនៅតែមានឱកាស ដណ្តើមបានសំបុត្រឈានទៅវគ្គប្រកួត ៨ក្រុមចុងក្រោយ។ ក៏ប៉ុន្តែលទ្ធភាពនៃការឆ្ពោះទៅមុខរបស់ក្រុមកីឡាបាល់ទាត់ U23 វៀតណាមគឺពិតជាពិបាកណាស់។ ទោះបីជាឈ្នះលើក្រុមកីឡាបាល់ទាត់ U23 កូរ៉េខាងជើងក្នុងវគ្គប្រកួតចុងក្រោយនេះនៅថ្ងៃទី ១៦ ខែមករាក៏ដោយ ប៉ុន្តែ ក្រុម U23 វៀតណាមនៅតែត្រូវរង់ចាំលទ្ធផលនៃការប្រកួតរវាងក្រុម U23 UAE និង U23 ហ្ស៊កដានី ដើម្បីដឹងថាក្រុម U23វៀតណាម អាចឈានដល់វគ្គប្រកួត ១/៨ ដែរឬទេ។
ក្រោយការប្រកួតពីរលើក វៀតរកបាន២ពិន្ទុ ឈរនៅលេខរៀងទី៣ក្នុងពូល D ខណៈហ្សកដានីទទួលបាន៤ពិន្ទុ ឈរលេខ២។ អេមីរ៉ាតអារ៉ាប់រួម ដែលយកឈ្នះកូរ៉េខាងជើង ២-០ ឡើងទៅឈលេខ១បណ្តោះអាសន្នដោយរកបាន៤ពិន្ទុ ព្រោះមានប្រៀបលើគ្រាប់ស៊ុតបញ្ចូលទី។ ក្នុងចំណោមក្រុមទាំង៤ មានតែ៣ក្រុមប៉ុណ្ណោះដែលមានឱកាសប្រជែងគ្នាឡើងទៅកាន់វគ្គ១/៤ផ្តាច់ព្រ័ត្រ លើកលែងតែកូរ៉េខាងជើងត្រូវហាលអាវ។
គួរឲ្យបញ្ជាក់ថាការប្រកួតចុងក្រោយ ដែលជាជំនួបកាត់សេចក្តីនៃវគ្គជម្រុះតាមពូល វៀតណាមប៉ះកូរ៉េខាងជើង រីឯ អេមីរ៉ាតអារ៉ាប់រួម តតាំងជាមួយហ្ស៊កដានី។ គិតនៅត្រឹមពេលនេះគេទើបរកឃើញ១ក្រុមប៉ុណ្ណោះគឺកូរ៉េខាងត្បូងដែលកក់កៅអីទៅកាន់វគ្គ៨ក្រុមចុងក្រោយដោយស្វ័យប្រវត្តិ ខណៈ៣ក្រុមដែលរួមមាន ចិន ជប៉ុន និងកូរ៉េខាងជើងអស់សិទ្ធ។ ក្រៅពីនោះ សុទ្ធតែត្រូវប្រជែងនៅជំនួបចុងក្រោយ៕
(សរុបដោយ ហេង វុធ្ធី)
(ប្រភពព័ត៌មាន: ប្រភព៖ rasmeinews.com និង vovworld.vn)
មតិពីមិត្តអ្នកអាន