លើកកម្ពស់តួនាទីរបស់ស្ត្រីក្នុងសម័យឌីជីថលនិងបដិវត្តន៍ ៤.០

អនុប្រធានរដ្ឋ លោកស្រី Dang Thi Ngoc Thinh អញ្ជើញថ្លែងមតិក្នុងពិធីបើកកិច្ចប្រជុំ (រូបថត: TTXVN)

កិច្ចប្រជុំឆ្នាំនេះ បានទាក់ទាញការចូលរួមពីគណៈប្រតិភូ ១.៦០០ នាក់ មកពីប្រទេសនិងតំបន់ដែនដី ជាង ៦០ ក្នុងនោះមានវត្តមាន នាយករដ្ឋមន្រ្តីនៃណាមីប៊ី អតីតប្រធានាធិបតីម៉ាល់តា រដ្ឋមន្រ្តីជាច្រើននិងសហគ្រិនជានារីរាប់រយនាក់រួមទាំងតំណាងអង្គការស្ត្រី។

អញ្ជើញថ្លែងក្នុងពិធីបើក អនុប្រធានរដ្ឋ លោកស្រី Dang Thi Ngoc Thinh បានវាយតម្លៃខ្ពស់ ចំពោះរាល់ការរួមចំណែករបស់កិច្ចប្រជុំក្នុងរយៈពេល ៣ ទសវត្សកន្លងទៅ ក្នុងការជំរុញសមភាពភេទ និងលើកកម្ពស់តួនាទីរបស់នាទីទាំងក្នុងទិដ្ឋភាពថ្នាក់ជាតិនិងអន្តរជាតិ។ ឆ្លៀតពេលនេះ អនុប្រធានរដ្ឋ លោកស្រី Dang Thi Ngoc Thinh បានសង្កត់ធ្ងន់ថា ស្ត្រីទទួលបានជោគជ័យ ខណៈពេលដែលឆ្លៀតបានរាល់ប្រភពកម្លាំងនិងឱកាសដើម្បីចូលរួមក្នុងស្ថាប័នរដ្ឋបាលសាធារណៈ អង្គការនយោបាយសង្គម។ លោកស្រីអនុប្រធានរដ្ឋ បានអះអាងថាស្ត្រីក៏កំពុងខិតខំដោយឥតឈប់ឈរដើម្បីផ្លាស់ប្តូរការប្រកួតប្រជែងក្នុងសម័យឌីជីថលនិងបដិវត្តន៍ឧស្សាហកម្ម ៤.០ ក្លាយទៅជាកាលានុវត្តន៍ភាពសម្រាប់ខ្លួនឯងនិងរួមចំណែកដល់ការអភិវឌ្ឍសេដ្ឋកិច្ច។

គណៈប្រតិភូវៀតណាមនៅក្នុងកិច្ចប្រជុំ (រូបថតៈ TTXVN)

ក្នុងថ្ងៃដដែល គណៈប្រតិភូវៀតណាមបានចូលរួមយ៉ាងសកម្មក្នុងសកម្មភាពទាំងអស់នៃកិច្ចប្រជុំ ក្នុងនោះមានកិច្ចពិភាក្សាតុមូលថ្នាក់រដ្ឋមន្ត្រី ស្តីអំពីតួនាទីរបស់ដៃគូសាធារណៈនិងឯកជន ក្នុងការលើកកម្ពស់ឱកាសសេដ្ឋកិច្ចសម្រាប់ ស្ត្រីនិងកុមារី និងវេទិកាមួយចំនួនទៀត។

មុននេះ អនុប្រធានរដ្ឋ លោកស្រី Dang Thi Ngoc Thinh បានអញ្ជើញជួបពិភាក្សាជាមួយថ្នាក់ដឹកនាំសម្ព័ន្ធក្រុមហ៊ុនថាមពលនិងនិងស្វ័យប្រវត្តិកម្ម ABB នៅទីក្រុង Zurich ដែលជាមជ្ឈមណ្ឌលសេដ្ឋកិច្ចនិងហិរញ្ញវត្ថុឈានមុខគេរបស់ប្រទេសស្វ៊ីស។ ភាគី ABB បានវាយតម្លៃខ្ពស់ចំពោះសក្តានុពលនៃទីផ្សារវៀតណាមនិងប្តេជ្ញាចិត្តក្នុងការអភិវឌ្ឍកិច្ចសហប្រតិបត្តិការជាមួយវៀតណាម។

（ប្រែសម្រូលដោយស្រីពេជ្រ）

（ប្រែសម្រូលដោយស្រីពេជ្រ）