យុគសម័យ - នាថ្ងៃទី ២៧ ឧសភា នៅទីក្រុង TuyHoa ខេត្ត Phu Yen ក្រសួងការបរទេសវៀតណាមបានសហការជាមួយគណៈកម្មាធិការប្រជាជនខេត្ត Phu Yen រៀបចំកិច្ចប្រជុំ ស្ដីពីការជូនដំណឹងនូវកិច្ចការបរទេសនិងកិច្ចការសមុទ្រខាងកើតនិងកិច្ចការកោះសមុទ្រ។
លោកអនុរដ្ឋមន្ត្រីក្រសួងការបរទេស និងជាប្រធានគណៈកម្មាធិការព្រំដែនជាតិ Le HoaiTrung អញ្ជើញថ្លែងសន្ទរកថា នៅក្នុងកិច្ចប្រជុំនេះ។ (រូបថត៖ ទីភ្នាក់ងារសារព័ត៌មានវៀតណាម)
នៅក្នុងកិច្ចប្រជុំ លោកអនុរដ្ឋមន្រ្តីក្រសួងការបរទេស និងជាប្រធានគណៈកម្មាធិការព្រំដែនជាតិ Le HoaiTrung បានជូនដំណឹងអំពីស្ថានភាពពិភពលោក តំបន់និងសមិទ្ធិផលនានាក្នុងកិច្ចការបរទេស និងកិច្ចការសមុទ្រខាងកើត នៅថ្មីៗនេះ។
ក្នុងបរិបទពិភពលោកនិងតំបន់មានការវិវឌ្ឍជាច្រើន វៀតណាមនៅតែរក្សាសន្តិភាព ដើម្បីអភិវឌ្ឍនិងកសាងទំនាក់ទំនងល្អជាមួយបណ្តាប្រទេសធំៗ ប្រទេសជិតខាងនិងតំបន់នានា លើកកម្ពស់ទំនាក់ទំនងពហុភាគី ធ្វើសមាហរណកម្មអន្តរជាតិយ៉ាងសកម្ម និងការពាររឹងមាំអធិបតេយ្យភាព និងបូរណភាពទឹកដី។ កិត្យានុភាពរបស់វៀតណាមបន្តពង្រឹងនិងពង្រីកថែមទៀត។
ប្រឈមមុខនឹងការវិវឌ្ឍដ៏ស្មុគស្មាញ នៅសមុទ្រខាងកើត នាពេលថ្មីៗនេះ ទស្សនៈរបស់វៀតណាមគឺប្តេជ្ញាចិត្តដោះស្រាយរាល់បញ្ហា នៅសមុទ្រខាងកើតដោយសន្តិវិធី និងអនុលោមតាមច្បាប់អន្តរជាតិ។រួមបញ្ចូលការតស៊ូនិងកិច្ចសហប្រតិបត្តិការដើម្បីធានាផលប្រយោជន៍ជាតិរក្សាអធិបតេយ្យភាព និងបូរណភាពទឹកដី។
ទន្ទឹមនឹងនោះ ខេត្ត Phu Yen គួរតែមានដំណោះស្រាយដើម្បីអភិវឌ្ឍន៍សេដ្ឋកិច្ចសមុទ្រ ទាក់ទាញប្រភពភ្ញៀវទេសចរទៅតំបន់ផងដែរ./.
（បកប្រែដោយឌីណា）
មតិពីមិត្តអ្នកអាន