វៀតណាមបង្កើតឧបករណ៍ធ្វើតេស្តរកឃើញនិងធ្វើរោគវិនិច្ឆ័យកូវីដ១៩ចំនួនពីរប្រកបដោយជោគជ័យ

វៀតណាមបង្កើតឧបករណ៍ធ្វើតេស្តរកឃើញនិងធ្វើរោគវិនិច្ឆ័យកូវីដ១៩ចំនួនពីរប្រកបដោយជោគជ័យ

ភាពខុសគ្នានៃឧបករណ៍តេស្ត VinKit ទាំងពីរនេះគឺស្ថិតក្នុងដំណើរការអនុវត្តរបស់វា។ នៅពេល ដែលឧបករណ៍ VinKit តេសត្តវីរុស SARS-CoV-2 RT-PCR 1.0 ប្រតិបត្តិតាមដំណើរការបច្ចេកវិទ្យា ដោយមានប្រតិកម្មដាច់ដោយឡែកពីគ្នាចំនួន ០៣ ដើម្បីបញ្ជាក់ពីលទ្ធផល រីឯឧបករណ៍តេស្ត VinKit វីរុស SARS-CoV-2 Multiplex RT-PCR បានដាក់បញ្ចូលនូវប្រតិកម្មដាច់ដោយឡែកពីគ្នាចំនួន ៣ តែមួយគត់វិញដើម្បីជួយសន្សំសំចៃផលិតផលជីវវិទ្យា រូមទាំងពេលវេលា ថ្លៃចំណាយ និង កាត់បន្ថយ ប្រតិបត្តិការនិងភាពកំហុសខាងបច្ចេកទេសផងដែរ។

លោកសាស្រ្តាចារ្យ - បណ្ឌិត Nguyen Thanh Liem នាយកវិទ្យាស្ថានស្រាវជ្រាវកោសិកាដើមនិងបច្ចេកវិទ្យាហ្សែនបានអះអាងថាការដាក់បញ្ចូលគ្នា “៣ ក្នុង ១” របស់ឧបករណ៍ VinKit SARS-CoV-2 Multiplex RT-PCR បានជួយកាត់បន្ថយយ៉ាងតិច ២/៣ នៃប្រតិបត្តិការបច្ចេកទេស កាត់បន្ថយភាពកំហុសក្នុងដំណើរការអនុវត្ត និងសន្សំសំចៃបានប្រាក់ចំណាយ ទៀតផង។ ជាពិសេសឧបករណ៍ VinKit នេះបានផលិតយ៉ាងល្បឿនទ្វេដង បើប្រៀបធៀបទៅ នឹង ឧបករណ៍ផ្សេងៗទៀតដែលមាននៅលើទីផ្សារ។ ប្រការនេះមានសារៈសំខាន់ក្នុងការគ្រប់គ្រង បង្ការនិង ទប់ស្កាត់ជំងឺ។ បច្ចុប្បន្ន Vinmec កំពុងអនុវត្តដំណើរការផលិតកម្មជាបន្ទាន់និងរៀបចំឯកសារដើម្បី ចុះបញ្ជីចែកចាយផលិតផលនេះឱ្យបានយ៉ាងទូលំទូលាយ។

គួរបញ្ជាក់ថាលទ្ធផលតេស្តដាច់ដោយឡែកគ្នាពីវិទ្យាស្ថានអនាម័យនិងរោគឆ្លងកណ្តាល រួមទាំង វិទ្យាស្ថានជាតិស្តីពីការផលិតវ៉ាក់សាំងនិងជីវវេជ្ជសាស្ត្រ បានបង្ហាញថាឧបករណ៍ Vinkit ចំនួន ០២ នេះមានដំណើរការស្ថេរភាព ហើយមានលទ្ធផលគ្លីនិកស្ថិតនៅកំរិតត្រូវត្រូវ ១០០% ដែលឆ្លើយតបនឹង តម្រូវការគុណភាពស្រដៀងនឹងផលិតផលជីវសាស្ត្រដែលបានណែនាំដោយអង្គការសុខភាពពិភពលោក (WHO) ផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: vovworld.vn）

（បកប្រែដោយ ហេង វុធ្ធី）