យុគសម័យ - ក្នុងឱកាសទទួលជួបក្រុម AWCH (ក្រុមនារី ASEAN នៅទីក្រុង Ha Noi) លោកស្រីអនុប្រធានរដ្ឋ Dang Thi Ngoc Thinh បានស្វាគមន៍គំនិតផ្តួចផ្តើមក៏ដូចជាការរៀបចំទិវាគ្រួសារ ASEAN ការពង្រីកបណ្តាញដៃគូ ការផ្លាស់ប្តូរវប្បធម៌ ម្ហូបអាហារ ធ្វើដំណើរទៅទស្សនានិងធ្វើការ នៅបណ្តាខេត្តនិងក្រុងជាច្រើនទូទាំងប្រទេស។
ក្រុម AWCH ថតរូបអនុស្សាវរីយ៍ជាមួយលោកស្រីប្រធានរដ្ឋ Dang Thi Ngoc Thinh។
ដើម្បីអបអរសាទរខួបលើកទី ១១០ នៃទិវានារីអន្តរជាតិ ថ្ងៃទី៨ ខែមីនា ក្នុងក្របខ័ណ្ឌនៃសកម្មភាពផ្លូវការរបស់ក្រុម AWCH នៅទីក្រុង Ha Noi ក្នុងឆ្នាំអាស៊ាន ២០២០ នៅប្រទេសវៀតណាម នារសៀលថ្ងៃទី ៤ ខែមីនា ក្រុម AWCH ដឹកនាំដោយលោកស្រីឯកអគ្គរដ្ឋទូត Nguyen Nguyet Nga ប្រធានកិត្តិយសនៃក្រុមបានជួបនិងសម្តែងការគួរសម លោកស្រី Dang Thi Ngoc Thinh សមាជិកានៃគណៈកម្មាធិការមជ្ឈិមបក្ស អនុប្រធានរដ្ឋ ។
លោកស្រី Dang Thi Ngoc Thinh បានវាយតម្លៃខ្ពស់ចំពោះតួនាទីរបស់ក្រុម AWCH ដែលជាស្ពានមិត្តភាពនិងកិច្ចសហប្រតិបត្តិការរវាងស្ត្រីវៀតណាមនិងស្ត្រី ASEAN និយាយដោឡែក ជាពិសេសគឺរវាងប្រជាជននៅក្នុងសហគមន៍ ASEAN និយាយរួម ក៏ដូចជារវាង ASEAN និងពិភពលោក រួមចំណែកពង្រឹងសាមគ្គីភាពអាស៊ាន និងនាំមកនូវអត្តសញ្ញាណវប្បធម៌និងរូបភាព ASEAN មកដល់សហគមន៍អន្តរជាតិ។ លោកស្រីអនុប្រធានរដ្ឋ Dang Thi Ngoc Thinh បានស្វាគមន៍ចំពោះគំនិតផ្តួចផ្តើមនិងសកម្មភាពជាក់ស្តែងរបស់ក្រុម AWCH ក្នុងរយៈពេល ៥ ឆ្នាំ។ ជាពិសេសគឺការរៀបចំទិវាគ្រួសារ ASEAN ពង្រីកបណ្តាញដៃគូ ផ្លាស់ប្តូរវប្បធម៌និងម្ហូបអាហារ ការធ្វើដំណើរទៅទស្សនានិងធ្វើការ នៅបណ្តាខេត្តនិងទីក្រុងជាច្រើននៅទូទាំងប្រទេសវៀតណាម។
ក្នុងឱកាសនេះលោកស្រីអនុប្រធានរដ្ឋ Dang Thi Ngoc Thinh បានអះអាងនូវគោលនយោបាយរបស់បក្សនិងរដ្ឋ ក្នុងការផ្តល់អាទិភាពដល់ការលើកកម្ពស់សមភាពយេនឌ័រ និងការផ្តល់សិទ្ធិអំណាចដល់ស្ត្រី។ ដោយហេតុនេះបង្កលក្ខណៈងាយស្រួលសម្រាប់ស្ត្រីវៀតណាមកាន់តែច្រើន ដើម្បីចូលរួមយ៉ាងសកម្មក្នុងគ្រប់វិស័យនៃជីវភាពនិងប្រទេស។
លោកស្រីឯកអគ្គរដ្ឋទូត Nguyen Nguyet Nga ជូនផ្កាជូនដល់លោកស្រីអនុប្រធានរដ្ឋ Dang Thi Ngoc Thinh ក្នុងឱកាសអបអរសាទរទិវានារីអន្តរជាតិ។
ក្នុងនាមប្រធានកិត្តិយសក្រុម AWCH លោកស្រីឯកអគ្គរដ្ឋទូត Nguyen Nguyet Nga បានអះអាង សកម្មភាពរបស់ក្រុមនេះនាពេលអនាគតដែលជាការគាំទ្រយ៉ាងសកម្មដល់ការងារសមភាពយេនឌ័រ នៅប្រទេសវៀតណាម និងរួមចំណែកក្នុងការជំរុញសមភាពយេនឌ័រក្នុងតំបន់ ASEAN និងលើពិភពលោក ផងដែរ។ ព្រមទាំង លោកស្រីឯកអគ្គរដ្ឋទូត Nguyen Nguyet Nga ក៏សង្ឃឹមថា នឹងបន្តទទួលបានការយកចិត្តទុកដាក់ គាំទ្រនិងតំរង់ទិសចំពោះសកម្មភាពរបស់ក្រុម AWCH ដើម្បីសកម្មភាពរបស់ក្រុមកាន់តែជាក់ស្តែងនិងបម្រើឱ្យល្អបណ្តាព្រឹត្តិការណ៍សំខាន់ៗ របស់ ASEAN ក្នុងឆ្នាំ ២០២០ ដូចជា៖ កិច្ចប្រជុំជាន់ខ្ពស់ និងកិច្ចប្រជុំថ្នាក់រដ្ឋមន្ត្រី។
នៅក្នុងឱកាសនេះដែរ លោកស្រីអនុប្រធានរដ្ឋ Dang Thi Ngoc Thinh សមាជិការនៃគណៈកម្មាធិការមជ្ឈិមបក្សបានជូនពរក្រុម AWCH ក្នុងឱកាសទិវានារីអន្តរជាតិនាពេលខាងមុខឆាប់ៗនេះ។
ក្នុងបរិយាកាសកក់ក្តៅនិងរួសរាយរាក់ទាក់ ជំនួសមុខ ក្រុម AWCH លោកស្រីឯកអគ្គរដ្ឋទូត Nguyen Nguyet Nga បានជូនពរលោកស្រីអនុប្រធានរដ្ឋ Dang Thi Ngoc Thinh ក្នុងឱកាសទិវានារីអន្តរជាតិ និងថ្លែងអំណរគុណចំពោះ លោកស្រីអនុប្រធានរដ្ឋ Dang Thi Ngoc Thinh ដែលបានចំណាយពេលវេលាដ៏មានតំលៃរបស់លោកស្រីអនុប្រធានរដ្ឋ ដើម្បីទទួលជួបក្រុម AWCH ៕（បកប្រែដោយឌីណា）
（ប្រភពព័ត៌មាន: ប្រភពព័ត៌មាន៖ baoQuocte）
មតិពីមិត្តអ្នកអាន