យុគសម័យ - នាពេលថ្មីៗនេះ គណៈកម្មាធិការនៃសមាគមប្រជាជាតិអាស៊ីអាគ្នេយ៍ (អាស៊ាន) ប្រចាំនៅប្រទេស ម៉ិកស៊ិក (ACMC) ដែលបច្ចុប្បន្ននេះ វៀតណាមគឺជាប្រធានប្តូរវេណនោះ បានរួមសហការជាមួយក្រុមប្រឹក្សាពាណិជ្ជកម្មបរទេសភាគខាងលិចម៉ិចស៊ីកូ (COMCE Occidente) ដើម្បីរៀបចំវេទិកា សហប្រតិបត្តិការសេដ្ឋកិច្ចនៅរដ្ឋ Jalisco ដែលជាមជ្ឈមណ្ឌលសេដ្ឋកិច្ចដ៏ធំបំផុតទី ២ នៃប្រទេសម៉ិកស៊ិក។
គោលបំណងនៃការរៀបចំវេទិកា ដើម្បីជំរុញទំនាក់ទំនងលើគ្រប់វិស័យជាមួយរដ្ឋ Jalisco ជាពិសេសលើវិស័យពាណិជ្ជកម្ម ការវិនិយោគ អប់រំ និងទេសចរណ៌។ បណ្តាវេទិកាស្តីអំពីសក្កានុពលសេដ្ឋកិច្ចអាស៊ាន និងសិក្ខាសាលាស្តីពី "ឱកាសរបស់ប្រទេសម៉ិកស៊ិកនៅអាស៊ាន” Networking B2B និងទីកន្លែងដាក់បង្ហាញឧទេស្ទនាមពីសមិទ្ធផលលើវិស័យសេដ្ឋកិច្ច សង្គម និងវប្បធម៌របស់បណ្តាប្រទេសអាស៊ាននៅរដ្ឋ Jalisco ដូចជា ឥណ្ឌូនេស៊ី ម៉ាឡេស៊ី ហ្វីលីពីន ថៃ និងវៀតណាម ដែលបានទាក់ទាញការយកចិត្តទុកដាក់របស់ភ្ញៀវចូលទស្សនា និងអាជីវក រដ្ឋ Jalisco ប្រមាណជិត៣០០ នាក់។
ថ្លែងមតិលើបណ្តាព្រឹត្តិការណ៌ខាងលើ ឯកអគ្គរដ្ឋទូតវៀតណាម លោក Nguyen Hoai Duong ប្រធានប្តូរវេន របស់ ACMC បានជំនួសមុខបណ្តាឯកអគ្គរដ្ឋទូត និងតំណាងបណ្តាស្ថានទូតអាស៊ានបានសង្កត់ថ្ងន់ពីសក្កានុពលនៃកិច្ចសហប្រតិបត្តិការទ្វេភាគីរវាងរដ្ឋ Jalisco និយាយដោយឡែក ក៏ដូចជាប្រទេសម៉ិកស៊ិកនិយាយរួម ជាមួយបណ្តាប្រទេសអាស៊ានលើវិស័យកសិកម្ម ឧស្សាហកម្មកែច្នែ បច្ចេកវិទ្យា ការវិនិយោគ និងទេសចរណ៌។
ឯកអគ្គរដ្ឋទូតវៀតណាម លោក Nguyen Hoai Duong ថ្លែងមតិនៅកិច្ចប្រជុំ
ឯកអគ្គរដ្ឋទូតវៀតណាម លោក Nguyen Hoai Duong បានវាយតំលៃថា ម៉ិកស៊ិក ជាទីផ្សារដ៏សំខាន់របស់អាស៊ាន ក្នុងតំបន់អាមេរិកឡាទិន និងជាច្រកទ្វារ ដើម្បីជំរុញទំនាក់ទំនងជាមួយសម្ព័ន្ធអាស៊ីប៉ាស៊ីហ្វិករួមមាន( ម៉ិកស៊ិក ស៊ីលី Colombia và Peru ) ព្រមទាំងអះអាងថា កិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ដែលមានប៊្រុយណេ ម៉ាឡេស៊ី សង្ហបុរី វៀតណាម និងមិកស៊ិក ជាសមាជិក ទំនាក់ទំនងលើវិស័យពាណិជ្ជកម្មរវាងម៉ិកស៊ិក និងអាស៊ាន នឹងកាន់តែអភិវឌ្ឍន៍យ៉ាងខ្លាំងខ្លា។
ដោយឡែកសម្រាប់ប្រទេសវៀតណាម ម៉ិកស៊ិកបច្ចុប្បន្នជាដៃគូពាណិជ្ជកម្មដ៏ធំបំផុតទី ៣ នៅក្នុងតំបន់អាមេរិកឡាទីន ហើយផ្ទុយទៅវិញ វៀតណាមគឺជាទីផ្សារនាំចេញនិងនាំចូលសំខាន់ទី ៨ របស់ម៉ិកស៊ិកនៅអាស៊ី។
ទិដ្ឋភាពនៃសិក្ខាសាលា៖ ឱកាសរបស់មិកស៊ិក
បន្ទាប់ពីបានជនូវព័ត៌មានស្តីពីសក្កានុពលនៃកិច្ចសហប្រតិបត្តិការពីឯកអគ្គរដ្ឋទូត និងតំណាងស្ថានទូត វៀតណាម ឥណ្ឌូនេស៊ី ម៉ាឡេស៊ី ហ្វីលីពីន និងថៃមក មន្រ្តីនិងសាជីវកម្មរដ្ឋ Jalisco បានពិភាក្សាគ្នា អំពីឱកាសនៃកិច្ចសហប្រតិបត្តិការរវាងមិកស៊ិកនិយាយរួមនិងតំបន់រដ្ឋ Jalisco និយាយដោយឡែក ជាមួយអាស៊ាន។ បណ្តាអាជីវកម្ម បានវាយតំលៃខ្ពស់ចំពោះការដែលផលិតផលជាច្រើនរបស់ម៉ិកស៊ីក និងតំបន់នានា ដែលមានឱកាសជាច្រើនដើម្បីនាំចេញទៅកាន់ទីផ្សាអាស៊ាន ដូចជា រថយន្ត ឧបករណ៌រថយន្ត គ្រឿងម៉ាស៊ីន ផលិតផលស្បែក សាច់គោ ផលិតផលកែច្នែ ផ្លែឈើ និងបន្លែជាដើម។
（យោងតាម baoquocte.vn ប្រែសម្រួលដោយ សំណាង）
មតិពីមិត្តអ្នកអាន