យុគសម័យ - នាពេលថ្មីៗនេះ ស្ថាប័នមានសមត្ថកិច្ចវៀតណាម ការិយាល័យសេដ្ឋកិច្ចនិងវប្បធម៌វៀតណាមនៅរដ្ឋធានីតៃប៉ិ ក្រុមហ៊ុនអាកាសចរណ៍ជាតិវៀតណាមនិងស្ថាប័នមានសមត្ថកិច្ចតៃវ៉ាន់ (ចិន) បានសម្របសម្រួលអនុវត្តជើងហោះហើរដឹកពលរដ្ឋវៀតណាមជាង ៣៤០ នាក់វិលត្រឡប់មកកាន់ប្រទេសវិញដោយសុវត្ថិភាព។
ពលរដ្ឋវៀតណាមជាង ៣៤០ នាក់មកពីតៃវ៉ាន់ (ចិន) បានវិលត្រឡប់មកកាន់ប្រទេសវិញដោយសុវត្ថិភាព។
យោងតាមការផ្សាយនៃ វិទ្យុ VOV ពលរដ្ឋនៅជើងហោះហើរនេះគឺករណីដែលជួបការលំបាកពិសេស ដែលត្រូវបានជាប់ដោយជំងឺរាតត្បាតជាសកល COVID-19 ដូចជាសិស្សអាយុក្រោម ១៨ ឆ្នាំ មនុស្សចាស់ ស្ត្រីមានផ្ទៃពោះ អ្នកជំងឺគ្រោះថ្នាក់ ពលករផុតកំណត់កិច្ចសន្យា ភ្ញៀវទេសចរណ៍ដែលផុតកំណត់ទិដ្ឋាការជាដើម។ ការិយាល័យសេដ្ឋកិច្ចនិងវប្បធម៌វៀតណាមនៅរដ្ឋធានីតៃប៉ិបានជួយគាំទ្រណែនាំយ៉ាងសកម្មដល់ពលរដ្ឋឱ្យបំពេញនីតិវិធីនិងតែងតាំងមន្រ្តីសម្របសម្រួលដោយផ្ទាល់ជាមួយក្រុមហ៊ុនអាកាសចរណ៍ដើម្បីជួយគាំទ្រដល់ពលរដ្ឋនៅអាកាសយានដ្ឋាន។
ជើងហោះហើរ ត្រូវបានធានាយ៉ាងតឹងរឹងនូវសន្តិសុខ សុវត្ថិភាព បទប្បញ្ញត្តិស្តីពីការបង្ការទប់ស្កាត់នឹងជំងឺរាតត្បាតនិងអនាម័យរោគរាតត្បាត។ បន្ទាប់ពីចុះចតនៅអាកាសយានដ្ឋានអន្តរជាតិដាណាំង អ្នកចូលរួមក្នុងជើងហោះហើរត្រូវបានត្រួតពិនិត្យផ្នែកវេជ្ជសាស្រ្តនិងដាក់នៅដាច់ដោយឡែកតាមបទបញ្ជា៕(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន