យុគសម័យ - នាថ្ងៃទី ២៤ ខែវិច្ឆិកា អនុរដ្ឋមន្រ្តីក្រសួងការបរទេសលោក Nguyen Quoc Dung ប្រធាន SOM អាស៊ានវៀតណាមបានចូលរួមសម័យប្រជុំសន្ទនាជាមួយប្រធានអាស៊ាន ២០២០ ក្នុងក្របខ័ណ្ឌនៃវេទិកាទំនាក់ទំនងអាស៊ានលើកទី ៤ (AMF) ។
អនុរដ្ឋមន្រ្តីក្រសួងការបរទេសលោក Nguyen Quoc Dung ប្រធាន SOM អាស៊ានវៀតណាបានចូលរួមសម័យប្រជុំសន្ទនាជាមួយប្រធានអាស៊ាន ២០២០ ក្នុងក្របខ័ណ្ឌនៃវេទិកាទំនាក់ទំនងអាស៊ានលើកទី ៤ (AMF) ។ រូបថតៈបក្សកុម្មុយនីស្ត
ថ្លែងនៅក្នុងសម័យប្រជុំសន្ទនានេះ អនុរដ្ឋមន្រ្តីក្រសួងការបរទេសលោក Nguyen Quoc Dung បានសង្កត់ធ្ងន់អំពីស្មារតី “ភាពស្អិតរមួតនិងការឆ្លើយតប៉ ត្រូវបានពង្រីកជាអតិបរមាដោយអាស៊ាននៅឆ្នាំ ២០២០ ។ អាស៊ានបានរួមដៃគ្នាដើម្បីឆ្លើយតបប្រកបដោយប្រសិទ្ធភាពនឹងជំងឺរាតត្បាត COVID-19 តាមរយៈការអនុវត្តឱ្យបានទាន់ពេលវេលានូវគំនិតផ្តួចផ្តើមក្នុងតំបន់ដូចជា៖ មូលនិធិអាស៊ានដើម្បីឆ្លើយតបទៅនឹងជំងឺរាតត្បាត COVID-19 សន្និបាតសំភារៈវេជ្ជសាស្ត្រក្នុងតំបន់និងក្របខ័ណ្ឌយុទ្ធសាស្ត្រអាស៊ានសម្រាប់ភាពបន្ទាន់ផ្នែកសុខភាពសាធារណៈ។
លោកអនុរដ្ឋមន្រ្តី Nguyen Quoc Dung បានអះអាងថា ក្នុងបរិបទនៃការលំបាកជាច្រើន កិច្ចសហប្រតិបត្តិការអាស៊ានក្នុងឆ្នាំ ២០២០ ទទួលបានលទ្ធផលជាវិជ្ជមានជាច្រើន ដែលក្នុងនោះ សន្ទុះនៃការកសាងសហគមន៍ត្រូវបានរក្សា គោលដៅនិងផែនការដែលបានដាក់ចេញត្រូវបានបញ្ចប់ ហើយតួនាទីនិងលំហសំខាន់របស់អាស៊ានត្រូវបានគោរពនិងពង្រឹង។
លទ្ធផលដែលសម្រេចបានក្នុងឆ្នាំអាស៊ាន ២០២០ បានបង្កើតមូលដ្ឋានគ្រឹះរឹងមាំសម្រាប់ការអភិវឌ្ឍអាស៊ាននៅដំណាក់កាលបន្ទាប់ ធ្វើឱ្យមានការរួមចំណែកវិជ្ជមានក្នុងការថែរក្សាសន្តិភាព ស្ថិរភាពនិងការងើបឡើងវិញនៅក្នុងតំបន់។
តំណាងទីភ្នាក់ងារសារព័ត៌មានក្នុងតំបន់និងអន្តរជាតិបានវាយតម្លៃខ្ពស់ចំពោះតួនាទីរបស់វៀតណាមក្នុងឋានៈជាប្រធានអាស៊ានឆ្នាំ ២០២០ ក្នុងការដឹកនាំអាស៊ានលើផលប៉ះពាល់អវិជ្ជមាននៃការរីករាលដាលនៃជំងឺរាតត្បាត COVID-19 ដោយផ្តល់អាទិភាពក្នុងការឆ្លើយតបឱ្យបានត្រឹមត្រូវដោយមានតំរូវការរួមរបស់ប្រទេសសមាជិកនិងដៃគូដូចជា៖ ការអភិវឌ្ឍន៍ធនធានមនុស្សនិងការងារសង្គម លើកកំពស់អត្តសញ្ញាណនិងរូបភាពសហគមន៍។
អ្នកចូលរួមបានមានប្រសាសន៍ថា ការលើកកម្ពស់សមាហរណកម្មសេដ្ឋកិច្ចនិងការតភ្ជាប់តំបន់ក៏ជាសមិទ្ធផលមួយក្នុងចំណោមសមិទ្ធិផលលេចធ្លោរបស់ប្រធានអាស៊ា ២០២០ ។ ការបញ្ចប់កិច្ចចរចានិងការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានបង្ហាញពីការប្តេជ្ញាចិត្តដ៏មុតមាំរបស់អាស៊ានក្នុងការលើកកម្ពស់ការធ្វើពាណិជ្ជកម្មពហុភាគីផ្អែកលើច្បាប់។
និយាយអំពីស្ថានភាពអន្តរជាតិក្នុងតំបន់ ឧបនាយករដ្ឋមន្ត្រីលោក Nguyen Quoc Dung បានរំលឹកឡើងវិញនូវទស្សនៈរបស់អាស៊ានក្នុងសេចក្តីប្រកាសរបស់រដ្ឋមន្រ្តីការបរទេសអាស៊ានក្នុងខួបលើកទី ៥៣ ឆ្នាំនៃការបង្កើតអាស៊ានស្តីពីការថែរក្សាតំបន់អាស៊ីអាគ្នេយ៍ប្រកបដោយសន្តិភាព សន្តិសុខ អព្យាក្រឹតនិងស្ថិរភាព បង្កើនជំនឿទុកចិត្តគ្នាទៅវិញទៅមក គោរពច្បាប់អន្តរជាតិនិងអនុវត្តវិធីសាស្រ្តប្រកបដោយតុល្យភាពក្នុងទំនាក់ទំនងភាពជាដៃគូ។
លោកអនុរដ្ឋមន្រ្តី Nguyen Quoc Dung ក៏បានបញ្ជាក់ផងដែរថា ជំហររបស់អាស៊ានលើបញ្ហាទាក់ទងនឹងសន្តិភាព ស្ថិរភាពនិងសន្តិសុខក្នុងតំបន់ត្រូវបានរក្សាយ៉ាងរឹងមាំនៅឆ្នាំ ២០២០ ។
ទន្ទឹមនឹមនោះ សង្កត់ធ្ងន់លើប្រធានបទនៃអាស៊ាន ២០២០ សម្តែងនូវបំណងប្រាថ្នារបស់វៀតណាមក្នុងការបង្កើតសហគមន៍អាស៊ានដែលមានភាពស្អិតរមួតនិងការឆ្លើយតបដើម្បីជំនះបញ្ហាប្រឈមនិងឆ្ពោះទៅរកការងើបឡើងវិញគ្រប់ជ្រុងជ្រោយ៕
(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន