យុគសម័យ - អនុវត្តតាមការដឹកនាំរបស់នាយករដ្ឋមន្រ្តីវៀតណាម ក្នុងរយៈពេល ២ ថ្ងៃគឺថ្ងៃទី ២៣ និង ២៤ ឧសភាឆ្នាំ ២០២០ ស្ថាប័នមានសមត្ថកិច្ចរវៀតណាម ស្ថាប័នបេសកកម្មវៀតណាមប្រចាំនៅអឺរ៉ុបអាហ្វ្រិក និងក្រុមហ៊ុនអាកាសចរណ៍ជាតិវៀតណាមបានបន្តសម្របសម្រួលជាមួយអាជ្ញាធរមូលដ្ឋាន ដើម្បីរៀបចំជើងហោះហើរដឹកជញ្ជូនពលរដ្ឋវៀតណាមជាង ៣០០ នាក់ត្រឡប់មកស្រុកកំណើតវិញប្រកបដោយសុវត្ថិភាព។
ប្រជាជនវៀតណាមកំពុងបំពេញបែបបទនានានៅឯអាកាសយានដ្ឋាន Amsterdam (ប្រទេសហូឡង់) (រូបថត៖ Vnanet)
ក្នុងរយៈពេល ២ ថ្ងៃ ពោលគឺថ្ងៃទី ២៣ និងថ្ងៃទី ២៤ ខែឧសភា ឆ្នាំ ២០២០ ស្ថាប័នមានសមត្ថកិច្ចវៀតណាម ស្ថាប័នតំណាងវៀតណាមប្រចាំនៅ អ៊ឺរ៉ុប អាហ្វ្រិក និងក្រុមហ៊ុនអាកាសចរណ៍ជាតិវៀតណាមបានបន្តសម្របសម្រួលជាមួយស្ថាប័នមានសមត្ថកិច្ចនៃប្រទេសសាមី ដើម្បីរៀបចំជើងហោះហើរដឹកជញ្ជូនពលរដ្ឋវៀតណាមជាង ៣០០ នាក់ វិលត្រឡប់មកស្រុកកំណើតវិញប្រកបដោយសុវត្ថិភាព។
អ្នកដំណើរនៅលើយន្ដហោះគឺសុទ្ធតែជាករណីដែលជួបការលំបាកពិសេស ដូចជានិស្សិតអាយុក្រោម ១៨ ឆ្នាំ អ្នកជំងឺទៅព្យាបាលជំងឺ ភ្ញៀវទេសចរនៅបណ្ដាប្រទេសអឺរ៉ុប ដូចជា៖ អាល្លឺម៉ង់ អង់គ្លេស បារាំង ប៉ូឡូញ ឆែក ហុងគ្រី ព័រទុយហ្កាល់ អ៊ីតាលី ដាណឺម៉ាក ហ្វាំងឡង់ ស្វ៊ីស ស្លូវ៉ាគី និងពលរដ្ឋវៀតណាមនៅអាហ្វ្រិក ដូចជា៖ អាល់ហ្សេរី និងនីហ្សេរីយ៉ា។ បន្ទាប់ពីចុះចតនៅអាកាសយានដ្ឋានអន្តរជាតិ Tan Son Nhat អ្នកដំណើរទាំងអស់ត្រូវបានត្រួតពិនិត្យសុខភិបាល និងធ្វើចត្តាឡីស័កតាមការកំណត់ផងដែរ។
នាពេលខាងមុខនេះក្នុងស្មារតីដឹកនាំរបស់នាយករដ្ឋមន្រ្តីវៀតណាម ស្ថាប័នមានសមត្ថកិច្ចវៀតណាម ស្ថាប័នបេសកកម្ម វៀតណាមប្រចាំនៅបរទេស និងក្រុមហ៊ុនអាកាសចរណ៍វៀតណាម នឹងបន្តដាក់ពង្រាយជើងហោះហើរពាណិជ្ជកម្មដើម្បីបញ្ជូនប្រជាពលរដ្ឋត្រឡប់ទៅប្រទេសវិញដោយឈរលើមូលដ្ឋាននៃសេចក្តីបំណងប្រាថ្នា សមត្ថភាពនៃការដាក់នៅដាច់ដោយឡែកតាមមូលដ្ឋាននានាក្នុងប្រទេស ក៏ដូចជាអាស្រ័យទៅលើការវិវត្ន៍តនៃការរីករាលដាលជំងឺកូវីដ១៩ក្នុងស្រុកនិងអន្តរជាតិផដដែរ៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន