យុគសម័យ - នារសៀលថ្ងៃទី ២១ មករា (ម៉ោងនៅវៀតណាម) គណៈកម្មការពាណិជ្ជកម្មអន្តរជាតិនៃសភាអ៊ឺរ៉ុប (INTA) បានបោះឆ្នោតអនុម័តសេចក្តីសម្រេចមួយស្នើឱ្យសភាអឺរ៉ុបអនុម័តលើកិច្ចព្រមព្រៀងពាណិជ្ជកម្មសេរី (EVFTA) និង កិច្ចព្រមព្រៀងការពារការវិនិយោគ (EVIPA) រវាងវៀតណាមនិងសហភាពអឺរ៉ុប (EU) ។
គេរំពឹងថា EVFTA គឺជាកម្លាំងជំរុញដ៏ធំមួយសម្រាប់ការនាំចេញរបស់វៀតណាម។
ជាលទ្ធផល INTA បានអនុម័ត EVFTA ជាមួយវៀតណាមដោយមានសមាមាត្រដូចតទៅ៖ ២៩ សម្លេងយល់ព្រម ៦ សម្លេងជំទាស់និង ៥ សម្លេងទទេ។ លទ្ធផលបោះឆ្នោត EVIPA គឺ ២៦/៧/៦។
លទ្ធផលបោះឆ្នោតបង្ហាញថាកិច្ចព្រមព្រៀង EVFTA និង EVIPA មានការគាំទ្រពីសមាជិកសភា INTA ភាគច្រើន។ ភាគរយនៃសម្លេងឆ្នោតយល់ព្រមសម្រាប់កិច្ចព្រមព្រៀងទាំងពីរនៅក្នុង INTA ត្រូវបានគេចាត់ទុកថាមានចំនួនខ្ពស់បំផុតបើប្រៀបធៀបទៅនឹងកិច្ចព្រមព្រៀងពាណិជ្ជកម្មសេរីមួយចំនួនរវាងសហភាពអឺរ៉ុបនិងដៃគូ។
នេះបង្ហាញពីការគោរពនិងការកោតសរសើររបស់សមាជិកសភានិងរដ្ឋជាសមាជិកនៃ EU ចំពោះកិច្ចព្រមព្រៀងក៏ដូចជាតួនាទីជំហរអន្តរជាតិរបស់វៀតណាមនិងទំនាក់ទំនងភាពជាដៃគូកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងសហភាពអឺរ៉ុប។
ការចុះហត្ថលេខាលើកិច្ចព្រមព្រៀង EVFTA និង EVIPA ជាមួយសហភាពអឺរ៉ុបគឺជាលទ្ធផលដ៏សំខាន់ក្នុងសមាហរណកម្មសេដ្ឋកិច្ចអន្តរជាតិរបស់វៀតណាមនាពេលថ្មីៗនេះ។ ទាំងនេះគឺជាកិច្ចព្រមព្រៀងគ្រប់ជ្រុងជ្រោយបំផុតរវាងសហភាពអ៊ឺរ៉ុបនិងប្រទេសកំពុងអភិវឌ្ឍន៍ជាដៃគូដែលមានការប្តេជ្ញាចិត្តយ៉ាងទូលំទូលាយគ្របដណ្តប់លើវិស័យសេដ្ឋកិច្ច ពាណិជ្ជកម្ម ការវិនិយោគ និងបញ្ហាអភិវឌ្ឍន៍ប្រកបដោយចីរភាព។ យោងតាមការសិក្សាមួយចំនួនកិច្ចព្រមព្រៀង EVFTA និង EVIPA ត្រូវបានគេរំពឹងថានឹងបង្កើនផលិតផលក្នុងស្រុកសរុបរបស់វៀតណាម ៤,៦% និងនាំចេញទៅសហភាពអឺរ៉ុប ៤២,៧% នៅឆ្នាំ ២០២៥។ គណៈកម្មការអឺរ៉ុបប៉ាន់ស្មានថា GDP របស់ EU នឹង កើនឡើង ២៩,៥ ពាន់លានដុល្លារហើយការនាំចេញទៅវៀតណាមកើនឡើង ២៩% ក្នុងឆ្នាំ ២០៣៥ ។
ក្នុងបរិបទនៃការការពារនិយមដែលគំរាមកំហែងដល់ការអភិវឌ្ឍប្រកបដោយស្ថេរភាពនៃពិភពលោកនិងសេដ្ឋកិច្ចតំបន់កិច្ចព្រមព្រៀង EVFTA និង EVIPA គឺជាសារជាក់លាក់របស់វៀតណាមនិង EU ដែលគាំទ្រនិងជំរុញសេរីភាវូបនីយកម្មពាណិជ្ជកម្មផ្អែកលើច្បាប់ សមភាព និងផលចំណេញទៅវិញទៅមក។ តាមរយៈកិច្ចព្រមព្រៀងប្រទេសវៀតណាមមានឱកាសទាញយកអត្ថប្រយោជន៍ពីការប្តេជ្ញាចិត្តលើការទទួលបានទីផ្សារសេវាកម្មទំនិញនិងការវិនិយោគនិងការអភិវឌ្ឍប្រកបដោយចីរភាពដើម្បីលើកកម្ពស់កំណើនប្រកបដោយចីរភាព ធ្វើពិពិធកម្មទីផ្សារនិងដៃគូ និងជំរុញដំណើរការនៃការធ្វើសមាហរណកម្មសេដ្ឋកិច្ចអន្តរជាតិយ៉ាងទូលំទូលាយ។ នៅខាង EU កិច្ចព្រមព្រៀងត្រូវបានគេរំពឹងថានឹងចូលរួមចំណែកដល់ភាពជាដៃគូរវាង EU និងបណ្តាប្រទេសក្នុងតំបន់អាស៊ីប៉ាស៊ីហ្វិករួមទាំងបណ្តាប្រទេសអាស៊ាន៕
（ប្រែសម្រូលដោយវិច្ឆិកា）
មតិពីមិត្តអ្នកអាន