យុគសម័យ - នាថ្ងៃទី ២៥ ខែឧសភា មន្ទីកសិកម្មនិងអភិវឌ្ឍន៍ជនបទនៅខេត្ត Hai Duong និងស្រុកThanh Ha បានរៀបចំកម្មវិធីប្រមូលផលផ្លែកូលែនសម្រាប់នាំចេញនិងកាត់ខ្សែបូ ដើម្បីនាំចេញផ្លែគូលែនលើកដំបូងនៃរដូវកាលឆ្នាំ២០២០ ទៅកាន់សិង្ហបុរីសហរដ្ឋអាមេរិកនិងអូស្ត្រាលីនៅឆ្នាំ ២០២០ ។ លោករដ្ឋមន្រ្តីក្រសួងកសិកម្មនិងអភិវឌ្ឍន៍ជនបទ Nguyen Xuan Cuong បានអញ្ជើញចូលរួមក្នុងកម្មវិធីនេះ។
ប្រតិភូបានកាត់ខ្សែបូដើម្បីការនាំចេញផ្លែគូលែនលើកដំបូងនៃរដូវកាលឆ្នាំ២០២០ ទៅកាន់ អូស្ត្រាលីសិង្ហបុរីនិងអាមេរិកនៅឆ្នាំ ២០២០។ (រូបថត៖ ទីភ្នាក់ងារសារព័ត៌មានវៀតណាម)
ជាក់ស្តែងក្រុមហ៊ុនភាគហ៊ុន Ameii វៀតណាមបាននាំចេញកុងតឺន័រផ្ទុកផ្លែគូលែនដំបូងទៅកាន់ប្រទេសសិង្ហបុរីហើយក្រុមហ៊ុនផលិតកម្មពាណិជ្ជកម្មនិងសេវាកម្ម Rong Do បាននាំចេញកុងតឺន័រផ្ទុកផ្លែគូលែនដំបូង ទៅកាន់ទីផ្សារអូស្ត្រាលីនិងអាមេរិក។
នៅក្នុងរដូវកាលឆ្នាំ ២០២០ បរិមាណផ្លែគូលែនសរុបរបស់ខេត្ត Hai Duong នឹងទទួលប្រមាណ ២៣ ម៉ឺនតោន។ និយាយអំពីតំបន់ដាំដើមគូលែនសម្រាប់ការនាំចេញលោក Hoang Trung ប្រធាននាយកដ្ឋានការពាររុក្ខជាតិនៃក្រសួងកសិកម្មនិងអភិវឌ្ឍន៍ជនបទបានលើកឡើងថា ជាមួយទីផ្សារមួយចំនួនដូចជាចិន អូស្ត្រាលីនិងសហរដ្ឋអាមេរិក ... ការនាំចេញផ្លែគូលែនទៅកាន់បណ្តាទីផ្សារនេះគឺងាយស្រួល ដោយសារការរៀបចំនិងការនាំចេញ ក្នុងរយៈពេលជាច្រើនឆ្នាំ។ ជាពិសេសនៅឆ្នាំនេះ ដោយបរិបទនៃការរីករាលដាលនៃជំងឺ Covid-19 រដ្ឋាភិបាលមានដំណោះស្រាយជាច្រើនដែលបង្កលក្ខណៈងាយស្រួលសម្រាប់ការនាំចេញផ្លែគូលែន ។
ដោយសារការអនុវត្តនៃបច្ចេកវិទ្យា ការរក្សាផ្លែគូលែននៅតែស្រស់អាចផ្ទុកក្នុងរយៈពេលរហូតដល់ ៣៥ ថ្ងៃ ងាយស្រួលសម្រាប់ការនាំចេញតាមផ្លូវសមុទ្រទៅកាន់ប្រទេសដទៃទៀត។
សម្រាប់ទីផ្សារជប៉ុន លោក Trung បានមានប្រសាសន៍ថា ក្រោមការ ណែនាំរបស់ក្រសួងកសិកម្មនិងអភិវឌ្ឍន៍ជនបទ និង ស្ថាប័នពាក់ព័ន្ធការរៀបចំឱ្យបានល្អនៅតាមតំបន់ រហូតមកដល់ពេលនេះគុណភាពនៃផ្លែគូលែននាំចេញដែលឆ្លើយតបនឹងតំរូវការយ៉ាងតឹងរឹងពីប្រទេសជប៉ុនហើយលក្ខខណ្ឌបច្ចេកទេសសម្រាប់ការនាំចេញផ្លែនេះទៅកាន់ជប៉ុនបានត្រៀមរួចរាល់ហើយ។
ខេត្ត Hai Duong បច្ចុប្បន្នមានដីដាំដើមផ្លែគូលែនទំហំ ៩.៧០០ ហិកតាដែលភាគច្រើន ស្ថិតនៅក្នុងស្រុក Thanh Ha ប្រហែល ៣.៦០០ ហិកតា និងទីក្រុង Chi Linh ប្រហែល ៣.៩០០ ហិកតា។ នៅឆ្នាំ ២០២០ ផលផ្លែគូលែនសរុប បានប៉ាន់ប្រមាណមានចំនួន ៤៥.០០០ តោន។ ជាពិសេសឆាប់ៗនេះ ទទួលបានប្រហែលជា ២០.០០០ តោន ហើយគ្រោងប្រមូលផលបានប្រហែលជា ២៥.០០០ តោន./.
（បកប្រែដោយឌីណា）
មតិពីមិត្តអ្នកអាន