យុគសម័យ - នារសៀលថ្ងៃទី ២៣ ខែវិច្ឆិកា អនុលេខាគណៈកម្មាធិការបក្សនិងជាប្រធានគណៈកម្មាធិការប្រជាជនទីក្រុង Can Tho លោក Tran Viet Truong បានជួបពិភាក្សាការងារជាមួយលោក Pier Giorgio Aliberti ឯកអគ្គរដ្ឋទូតសហភាពអឺរ៉ុបប្រចាំនៅវៀតណាម។
ទិដ្ឋភាពនៃជំនួបនេះ
នៅក្នុងជំនួបនេះ លោក Tran Viet Truong បានណែនាំអំពីសក្តានុពលនិងចំណុចខ្លាំងរបស់ទីក្រុងក្នុងការអភិវឌ្ឍទូទៅនៃតំបន់ដីសណ្ដ Cuu Long។ យោងតាមប្រធានគណៈកម្មាធិការប្រជាជនទីក្រុង Can Tho បានឲ្យដឹងថាដោយសារមានទីតាំងស្ថិតនៅកណ្តាលតំបន់ដីសណ្ដទន្លេ Cuu Long មានសក្តានុពលនិងគុណសម្បត្តិជាច្រើន សម្រាប់ការអភិវឌ្ឍធ្វើឱ្យមានការលេចចេញនូវវិស័យជាច្រើន។ ជាពិសេស Can Tho ជាមជ្ឈមណ្ឌលពាណិជ្ជកម្មសេវាកម្មអប់រំនិងសុខាភិបាលនៃតំបន់ដែលមានហេដ្ឋារចនាសម្ព័ន្ធសេដ្ឋកិច្ចសង្គមនិងការអភិវឌ្ឍទីក្រុង។ ប្រធានគណៈកម្មាធិការប្រជាជនទីក្រុង Can Tho ក៏បានសម្តែងក្តីរំពឹងថា លោកឯកអគ្គរដ្ឋទូតនឹងបន្តធ្វើជាស្ពានដើម្បីគាំទ្រទីក្រុង ក្នុងការភ្ជាប់ទំនាក់ទំនងជាមួយវិនិយោគិន មកពីបណ្តាប្រទេសសហភាពអឺរ៉ុបព្រមទាំងជំរុញកិច្ចសហប្រតិបត្តិការវិនិយោគនៅក្នុងវិស័យសេដ្ឋកិច្ច បច្ចេកវិទ្យាខ្ពស់ ថែទាំសុខភាពនិងការអប់រំផងដែរ។
ទន្ទឹមនឹងនេះដែរ លោក Pier Giorgio Aliberti ឯកអគ្គរដ្ឋទូតសហភាពអឺរ៉ុបប្រចាំនៅវៀតណាមបានវាយតម្លៃខ្ពស់ចំពោះសក្តានុពលនិងជំហររបស់ទីក្រុង Can Tho ក្នុងយុទ្ធសាស្ត្រអភិវឌ្ឍន៍តំបន់ដីសណ្ដ Cuu Long ហើយបញ្ជាក់ទៀតថាទីក្រុង Can Tho មានទីតាំងយុទ្ធសាស្ត្រក្នុងការអភិវឌ្ឍសេដ្ឋកិច្ចរបស់វៀតណាម ជាពិសេសក្នុងការអភិវឌ្ឍន៍កសិកម្មនិងជលផលទៀតផង។
លោកឯកអគ្គរដ្ឋទូតបានមានប្រសាសន៍ទៀតថាសហភាពអឺរ៉ុប គ្រោងនឹងរៀបចំកម្មវិធីគាំទ្រសម្រាប់ប្រទេសកំពុងអភិវឌ្ឍន៍នៅចន្លោះឆ្នាំ ២០២១ - ២០២៧ ដោយមានគោលដៅអភិវឌ្ឍសេដ្ឋកិច្ចបៃតង ដោយសង្ឃឹមថាអង្គភាពអាជីវកម្មនៅតំបន់ដីសណ្តទន្លេ Cuu Long ជាទូទៅំ និង ទីក្រុង Can Tho ជាពិសេស នឹងអាចទទួលបានកញ្ចប់ជំនួយនេះ ក្នុងការកសាងសមត្ថភាពនិងការអភិវឌ្ឍន៍ប្រកបដោយចីរភាព៕（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន