យុគសម័យ - ដោយសារការរីករាលដាលនៃ Covid-19 ដែលឧស្សាហកម្មជាច្រើនប្រឈមនឹងការលំបាក ប៉ុន្តែលោកនាយករដ្ឋមន្រ្តី Nguyen Xuan Phucមានប្រសាសន៍ថា កុំដោយសារតែប្រាក់ចំណូលដែលបើកទ្វារទទួលភ្ញៀវទេសចរយ៉ាងច្រើនសន្ធឹកសន្ធាប់ធ្វើឲ្យផលប៉ះពាល់ដល់សុខភាពប្រជាជន។
លោកនាយករដ្ឋមន្រ្តី Nguyen Xuan Phuc។ (រុបថត៖ Thong tin Chinh phu)
ថ្លែងក្នុងឱកាសបើកកិច្ចប្រជុំជាប្រចាំរបស់រដ្ឋាភិបាលនាខែកុម្ភៈ ឆ្នាំ២០២០ នាព្រឹកថ្ងៃទី ៣ ខែមីនា លោកនាយករដ្ឋមន្រ្តី Nguyen Xuan Phuc បានស្នើឱ្យសមាជិករដ្ឋាភិបាលផ្តល់យោបល់លើសេចក្តីណែនាំថ្មី។ ក្នុងនោះបានដាក់ចេញដំណោះស្រាយជាច្រើន ដើម្បីដោះស្រាយការលំបាក់ រក្សាផលិតកម្ម ការធ្វើអាជីវកម្ម និងធានាសន្តិសុខសង្គម ទប់ទល់នឹងការរីករាលដាលនៃ Covid-19 ។
នៅក្នុងកិច្ចប្រជុំនោះ លោកនាយករដ្ឋមន្រ្តី Nguyen Xuan Phuc បានគ្រើនរំលឹកឡើងវិញនូវស្មារតីចូលរួមយ៉ាងសកម្ម ម៉ឹងម៉ាត់ ហើយមានប្រសិទ្ធភាព “ ការប្រឆាំងនឹងការរីករាលដាលនៃជំងឺ ដូចជាការប្រយុទ្ធប្រឆាំងនឹងសត្រូវ” ប្រព័ន្ធនយោបាយបានដឹកនាំការការពារទប់ស្តាត់ការរាតត្បាត Covid-19 យ៉ាងហ្មត់ចត់ និងទទួលបានលទ្ធផលដ៏ល្អប្រសើរ។
លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា រដ្ឋាភិបាល មានជំហររឹងមាំក្នុងការលះបង់ផលប្រយោជន៍សេដ្ឋកិច្ចមួយចំនួន ដើម្បីការពារសុខភាព និងសុវត្ថិភាពរបស់ប្រជាជន ភ្ញៀវទេសចរ និងជនបរទេសនៅវៀតណាមឲ្យបានល្អបំផុត។ ដូច្នេះតាំងពីដើមដំបូង ក្រៅពីការពិគ្រោះយោបល់ពីអង្គការសុខភាពពិភពលោក (WHO) និងអង្គការផ្សេងៗវៀតណាមយើងក៏ស្វែងយល់យ៉ាងដិតដល់ពីស្ថានភាពជំងឺនៅប្រទេសចិន។
លោកនាយករដ្ឋមន្រ្តីបានបញ្ជាក់ថា រដ្ឋាភិបាលទទួលស្គាល់និងវាយតម្លៃខ្ពស់ចំពោះគ្រប់លំដាប់ថ្នាក់ គ្រប់ផ្នែក និងកងកម្លាំងប្រដាប់អាវុធប្រជាជន ជាពិសេសវិស័យសុខាភិបាល និងយុទ្ធជនអាវសដែលបានអនុវត្តរាល់ដំណោះស្រាយដែលបានដាក់ចេញយ៉ាងហ្មត់ចត់ ហើយទទួលបានលទ្ធផលជាវិជ្ជមានក្នុងការបង្ការទប់ស្កាត់ការរាលដាលនៃជំងឺ។ រដ្ឋាភិបាលបានទទួលស្គាល់ និងវាយតម្លៃខ្ពស់ចំពោះសកម្មភាពរបស់គណៈកម្មាធិការជាតិ សហគមន៍ធុរកិច្ច និងប្រជាជនទូទាំងប្រទេសដែលបានគាំទ្រយ៉ាងខ្លាំង។
កុំដោយសារតែប្រាក់ចំណូលដែលបើកទ្វារទទួលភ្ញៀវទេសចរយ៉ាងច្រើនសន្ធឹកសន្ធាប់ធ្វើឲ្យផលប៉ះពាល់ដល់សុខភាពប្រជាជន
ទោះយ៉ាងណា ក្នុងរយៈពេលប៉ុន្មានថ្ងៃថ្មីៗនេះ នៅប្រទេសជាច្រើននៅលើពិភពលោក ស្ថានភាពនៃការរីករាលដាលនៃ Covid-19 នៅតែបន្តមានការវិវឌ្ឍន៍ថ្មីៗដ៏ស្មុគស្មាញ ចំនួនអ្នកឆ្លងមានការកើនឡើងយ៉ាងឆាប់រហ័ស ហើយរាលដាលដល់ប្រទេសជាច្រើន។ លោកនាយករដ្ឋមន្រ្តីបានស្នើថា “មិនបានធ្វេសប្រហែសជាដាច់ខាត បន្តបំពេញភារកិច្ចបង្ការនិងទប់ស្កាត់ជំងឺរាតត្បាត” ។ លោកនាយករដ្ឋមន្រ្តី Nguyen Xuan Phuc បានស្នើឱ្យសមាជិករដ្ឋាភិបាលបន្តផ្តល់គំនិត យោបល់សម្រាប់ការងារនេះ។
ទាក់ទងនឹងស្ថានភាពសេដ្ឋកិច្ច - សង្គម លោកនាយករដ្ឋមន្រ្តីមានប្រសាសន៍ថា ដោយសារការរីករាលដាលនៃ Covid-19 បានធ្វើឱ្យប្រទេសមានខឿនសេដ្ឋកិច្ចធំៗ ទាំងអស់នៅលើពិភពលោករងផលប៉ះពាល់យ៉ាងខ្លាំង។ ប្រាក់ចំណូលនៃវិស័យអាកាសចរណ៍សកលត្រូវបានគេព្យាករណ៍ថានឹងខាតបង់ប្រមាណ ៣០ ពាន់លានដុល្លារអាមេរិក។ វិស័យទេសចរណ៍ខូចខាតប្រមាណ ៨០ ពាន់លានដុល្លារអាមេរិក។ ទីផ្សារភាគហ៊ុនសកលទាំងអស់ធ្លាក់ចុះយ៉ាងខ្លាំង។ ដុល្លារអាមេរិកកើនឡើងយ៉ាងខ្លាំង (កើនឡើង ៤ ភាគរយពីដើមឆ្នាំ) ។ តម្លៃមាសបានកើនឡើងខ្ពស់បំផុតក្នុងរយៈពេល ៧ ឆ្នាំ។ តម្លៃប្រេងពិភពលោកធ្លាក់ចុះ ពេលខ្លះធ្លាក់ចុះដល់ ៥០ ដុល្លារក្នុងមួយបារ៉ែល។
សម្រាប់ប្រទេសវៀតណាម អ្នកជំនាញជាច្រើនបានសន្និដ្ឋានថា ការរីករាលដាលនៃ Covid-19 បានជះឥទ្ធិពលជាដំបូដល់ងវិស័យអាកាសចរណ៍ ទេសចរណ៍ និងសេវាកម្ម បន្ទាប់មកគឺពាណិជ្ជកម្ម និងការវិនិយោគ ជាពិសេសការរំខានដល់ចង្វាក់តម្លៃនៃផលិតកម្ម។
ជាទូទៅ ក្រោមឥទ្ធិពលនៃការរីករាលដាលនៃ Covid-19 ឧស្សាហកម្មនិងវិស័យជាច្រើនបានជួបប្រទះនឹងការលំបាក និងលាតត្រដាងនូវការខ្វះខាត ជាពិសេសក្នុងវិស័យអាកាសចរណ៍ ទេសចរណ៍ និងដឹកជញ្ជូន។ លោកនាយករដ្ឋមន្រ្តីបានមានប្រសាសន៍ថា“ យើងឃើញថាមានសណ្ឋាគារជាច្រើនត្រូវបិទ តំបន់ទេសចរណ៍ជាច្រើនគ្មានភ្ញៀវ ។ លោកនាយករដ្ឋមន្រ្តីបានមានប្រសាសន៍ថា "កុំដោយសារតែប្រាក់ចំណូលដែលបើកទ្វារទទួលភ្ញៀវទេសចរយ៉ាងច្រើនសន្ធឹកសន្ធាប់ធ្វើឲ្យផលប៉ះពាល់ដល់សុខភាពប្រជាជន។"
លោកនាយករដ្ឋមន្រ្តីក៏បានស្នើឱ្យសមាជិករដ្ឋាភិបាលផ្តល់យោបល់លើសេចក្តីណែនាំរបស់នាយករដ្ឋមន្រ្តីស្តីពីដំណោះស្រាយបន្ទាន់ដើម្បីដោះស្រាយការលំបាក បន្តផលិតកម្ម ការធ្វើអាជីវកម្ម ធានាសន្តិសុខសង្គម ទប់សង្កាត់នឹងការរីករាលដាល់នៃ Covid-19 ៕
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន