យុគសម័យ - នារសៀលថ្ងៃទី ១០ ខែមិថុនា នៅទីស្នាក់ការនៃក្រសួងការពារប្រទេសវៀតណាម លោកឧត្តមសេនីយ៍ឯក Nguyen Chi Vinh សមាជិកគណៈកម្មាធិការមជ្ឈិមបក្សនិងជាអនុរដ្ឋមន្រ្តីក្រសួងការពារប្រទេសវៀតណាមបានទទួលជួបជាមួយគណៈប្រតិភូនៃបណ្ឌិត្យសភាវិទ្យាសាស្ត្រយោធានៃកងទ័ពរំដោះប្រជាជនចិន ដែលមកជួបសម្តែងការគួរសមក្នុងឱកាសអញ្ជើញបំពេញទស្សនកិច្ចការងារនៅវៀតណាម។
ទិដ្ឋភាពនៃពិធី
ក្នុងជំនួបនេះ លោកឧត្តមសេនីយ៍ត្រី Cui Lianjie ជាប្រធាននៃគណៈប្រតិភូបណ្ឌិត្យសភាវិទ្យាសាស្ត្រយោធានៃកងទ័ពរំដោះប្រជាជនចិន បានជម្រាបលោកឧត្តមសេនីយ៍ឯក Nguyen Chi Vinh អំពីលទ្ធផលការងាររវាងគណៈប្រតិភូជាមួយវិទ្យាស្ថានយុទ្ធសាស្រ្តការពារជាតិវៀតណាម។ ភាគីទាំងពីរបានឯកភាពលើសេចព្រាងទីមួយ នៃគម្រោងកិច្ចសហប្រតិបតិ្តការស្រាវជា្រវអំពី "ប្រមូលឯកសារនិងវត្ថុអនុស្សាវរីយ៍ស្តីពីសាមគ្គីភាព មិត្តភាពរវាងកងទ័ពវៀតណាម - ចិននិងសតិអារម្មណ៍សាមគ្គីភាពហូជីមិញ - ម៉ៅសេទុងក្នុងសម្គ្រាមប្រឆាំងនឹងបារាំងនិងអាមេរិក"។
លោកឧត្តមសេនីយ៍ឯក Nguyen Chi Vinh បានវាយតម្លៃខ្ពស់អំពីលទ្ថផលដំបូងនៃកិច្ចសហប្រតិបត្តិការរវាងវិទ្យាស្ថានយុទ្ធសាស្រ្តការពារជាតិវៀតណាមនិងបណ្ឌិតវិទ្យាសាស្រ្តយោធាកងទ័ពរំដោះប្រជាជនចិន ទន្ទឹមនឹងនេះចាត់តាំងភ្នាក់ងារនិងអង្គភាពពាក់ព័ន្ធនានានៃប្រទេសវៀតណាមបន្តសម្របសម្រួលនិងបំពេញបន្ថែមនូវសម្ភារៈសម្រាប់គម្រោងសហប្រតិបត្តិការស្រាវជ្រាវនិងបង្កលក្ខណៈងាយស្រួយសម្រាប់គណៈប្រតិភូធ្វើការស្រាវជ្រាវនិងសិក្សាជាក់ស្តែងនៅវៀតណាម។
លោកឧត្តមសេនីយ៍ឯក Nguyen Chi Vinh បានបញ្ជាក់ថាគម្រោងស្រាវជ្រាវនេះមានសារៈសំខាន់ជាក់ស្តែងដែលរួមចំណែកដល់ការពង្រឹងនិងពង្រឹងទំនាក់ទំនងមិត្តភាពជាប្រពៃណីរវាងកងទ័ពនិងប្រទេសទាំងពីរ។ នាពេលខាងមុខនេះភាគីទាំងពីរត្រូវឯកភាពអំពីខ្លឹមសារវិធានការដើម្បីបង្កើនល្បឿននៃការបញ្ចប់គម្រោងកិច្ចសហប្រតិបត្តិការស្រាវជ្រាវរួមដើម្បីឆ្ពោះទៅខួបអនុស្សាវរីយ៍ ៧០ ឆ្នាំនៃការបង្កើតទំនាក់ទំនងការទូតវៀតណាម - ចិន (ថ្ងៃ ១ ខែមករា ឆ្នាំ ១៩៥០ - ថ្ងៃ ១ ខែមករា ឆ្នាំ ២០២០)៕
（យោងតាម baotintuc.vn ប្រែសម្រូលដោយវិច្ឆិកា）
មតិពីមិត្តអ្នកអាន