យុគសម័យ- ប្រទេសវៀតណាមត្រូវបានគេចាត់ទុកថាជាគំរូដ៏ល្អប្រសើរមួយក្នុងការប្រយុទ្ធប្រឆាំងនឹងការឆ្លងមេរោគ COVID-19។
គំនូរឃោសនាស្តីពីការការប្រយុទ្ធប្រឆាំងនឹងជំងឺ COVID-19 ។ (រូបថត៖ ទីភ្នាក់ងារសារព័ត៌មានវៀតណាម)
នេះជាសន្និដ្ឋានរបស់លោក Sven Heckle នៅក្នុងអត្ថបទមួយដែលកោតសរសើរសមិទ្ធិផលនៃការប្រយុទ្ធប្រឆាំងនឹងការរីករាលដាលក៏ដូចជាទស្សនវិស័យសេដ្ឋកិច្ចដ៏ភ្លឺស្វាងរបស់វៀតណាមដែលបានចុះផ្សាយនៅលើគេហទំព័ររបស់ក្រុមហ៊ុនមូលបត្រអាល្លឺម៉ង់ boerse-online.de នៅថ្ងៃទី ៧ ខែកក្កដា ។
រហូតមកដល់បច្ចុប្បន្នចំនួនករណីឆ្លងមេរោគ COVID-19 នៅក្នុងប្រទេសវៀតណាមមានតែប្រមាណ ៣៥០ ករណីប៉ុណ្ណោះក្នុងចំណោមប្រជាជនសរុប ៩៧ លាននាក់ ហើយគ្មាននរណាម្នាក់បានស្លាប់ឡើយ។
វៀតណាមគឺជាប្រទេសមួយដែលមានព្រំដែនជាប់ជាមួយប្រទេសចិន ប៉ុន្តែចាប់ពីដើមឆ្នាំ ២០២០ រដ្ឋាភិបាលនៃប្រទេសវៀតណាមបានចាត់វិធានការ ដើម្បីទប់ស្កាត់នឹងការរីករាលដាលនៃជំងឺ COVID-19 នៅពេលដែលមិនមានករណីជំងឺកើតឡើងនៅក្នុងប្រទេស។
នៅពេលដែលករណីដំបូងលេចចេញ ប្រទេសវៀតណាមបានប្រើប្រាស់បទពិសោធដែលប្រមូលបានពីការប្រយុទ្ធប្រឆាំងនឹងជំងឺរាតត្បាត SARS ពីមុន ដើម្បីប្រយុទ្ធប្រឆាំងនឹង COVID-19។ រដ្ឋាភិបាលវៀតណាមបានបិទសាលារៀន បិទ តំបន់ដែលមានមេរោគ ក៏ដូចជាផ្អាកការហោះហើរអន្តរជាតិ ។
សកម្មភាពយ៉ាងឆាប់រហ័សបាននាំមកនូវភាពជោគជ័យ ហើយវិធានការណ៍រក្សាគម្លាតសង្គមត្រូវបានដកចេញទាំងស្រុង ចាប់តាំងពីខែឧសភា។ ដោយអនុវត្តន៍បណ្តាវិធានការប្រយុទ្ធប្រឆាំងនឹងជំងឺ COVID-19 ក្នុងរយៈពេលដ៏ខ្លី ដូច្នេះផលប៉ះពាល់លើសេដ្ឋកិច្ចមានកម្រិត។ នៅពេលដែលរោងចក្រស្ថិតនៅក្រោមលក្ខខណ្ឌអនាម័យនិងសុវត្ថិភាពយ៉ាងតឹងរឹង ដើម្បីបន្តប្រតិបត្តិការ។ ទោះយ៉ាងណា វិស័យខ្លះក៏បានកត់សម្គាល់ពីផលប៉ះពាល់ដែលបានមើលឃើញយ៉ាងច្បាស់ ដូចជាវិស័យទេសចរណ៍នៅពេលចំនួនភ្ញៀវទេសចរថយចុះ ៤០% ក្នុងរយៈពេល ៤ ខែដំបូងនៃឆ្នាំ ២០២០ បើប្រៀបធៀបនឹងរយៈពេលដូចគ្នាក្នុងឆ្នាំ ២០១៩ ។
ធនាគារ JP Morgan បានព្យាករណ៍ថាកំណើនសេដ្ឋកិច្ចរបស់វៀតណាមនៅឆ្នាំនេះនឹងកើនឡើងប្រមាណ ៣,២% ហើយនឹងកើនឡើងយ៉ាងខ្លាំងដល់ ៧,១% នៅឆ្នាំក្រោយ។ តួលេខនេះគឺស្មើនឹងសន្និដ្ឋានរបស់មូលនិធិរូបិយវត្ថុអន្តរជាតិ (IMF) ដែលបានវាយតំលៃថា កំណើនសេដ្ឋកិច្ចរបស់វៀតណាមនឹងឈានដល់ប្រមាណ ៧% នៅឆ្នាំ ២០២១ ។
អ្នកនិពន្ធរូបនេះក៏បានវាយតម្លៃថា ទស្សនវិស័យក្នុងរយៈពេលមធ្យមនិងយូរអង្វែងនៃសេដ្ឋកិច្ចវៀតណាមនៅតែល្អនៅឡើយ ដោយសារមួយផ្នែកធំនៃការវិនិយោគផ្ទាល់ពីបរទេសខ្ពស់។ ចាប់តាំងពីក្រុមហ៊ុនអេឡិចត្រូនិកកូរ៉េខាងត្បូង Samsung Electronics បានបើករោងចក្រផលិតស្មាតហ្វូនដំបូងរបស់ខ្លួន នៅប្រទេសវៀតណាមក្នុងឆ្នាំ ២០១៤ ។ប្រទេសអាស៊ីអាគ្នេយ៍មួយនេះបានមើលឃើញពីលំហូរនៃការវិនិយោគបរទេសជាបន្តបន្ទាប់។ ទន្ទឹមនឹងនេះក្រុមហ៊ុនបច្ចេកវិទ្យាពហុជាតិដូចជា Apple បានជំរុញផែនការផ្លាស់ប្តូរទីតាំងនិងពង្រីកផលិតកម្មទៅប្រទេសវៀតណាមដោយមិននិយាយពីផលប្រយោជន៍ដែលនាំទៅដល់សេដ្ឋកិច្ច នាពេលខាងមុខពីកិច្ចព្រមព្រៀងពាណិជ្ជកម្មសេរីភាពរវាងវៀតណាមនិងសហភាពអ៊ឺរ៉ុប - ទីផ្សារនាំចេញធំទី ២ របស់វៀតណាម ក្រោយសហរដ្ឋអាមេរិក./.
មតិពីមិត្តអ្នកអាន