យុគសម័យ - នាព្រឹកថ្ងៃទី៨ ខែឧសភា សមាគមមិត្តភាពវៀតណាម - កម្ពុជា ទីក្រុង Ninh Binh បានរៀបចំមហាសន្និបាត លើកទី២ អាណត្តិ ២០១៩ - ២០២៤។
គណៈប្រតិភូចូលរួមក្នុងមហាសន្និបាត
អញ្ជើញចូលរួមក្នុងកិច្ចប្រជុំមានវត្តមាន លោក Vu Mao - អតីតសមាជិកមជ្ឈិមបក្ស, អតីតប្រធានការិយាល័យរដ្ឋសភា និងជាប្រធានមជ្ឈិមសមាគមមិត្តភាពវៀតណាម-កម្ពុជា; លោក Quyen Manh Toan - លេខារង នៃគណៈកម្មាធិការបក្សទីក្រុងនិងជាប្រធានក្រុមប្រឹក្សាប្រជាជនទីក្រុង និងលោក Hoang Quang Hue អនុប្រធានក្រុមប្រឹក្សាប្រជាជនទីក្រុងផងដែរ។
អញ្ជើញចូលរួមក្នុងពិធីនៅមានវត្តមានអតីតប្រធានសម្ព័ន្ធសមាគមបណ្តាអង្គការមិត្តភាពវៀតណាម; ថ្នាក់ដឹកនាំសមា គមមិត្តភាពវៀតណាម - កម្ពុជាមជ្ឈិម, ខេត្ត, ក្រុង ; សមាគមជនរងគ្រោះដោយជាតិគីមីពុលព័ណ៌លឿងទុំ; បញ្ជាការដ្ឋានយោធាខេត្ត; តំណាងសមាគមមិត្តភាពវៀតណាម-កម្ពុជា រួមទាំងស្ថាប័ន ឃុំ សង្កាត់និងប្រតិភូ ៧៥ នាក់ តំណាងឲ្យសមាជិក ១៣៩ នាក់លើទូទាំងទីក្រុង។
សមាគមមិត្តភាពវៀតណាម - កម្ពុជាទីក្រុង បច្ចុប្បន្នមានសមាជិកចំនួន ១៣៩ នាក់ កំពុងធ្វើសកម្មភាពតាមរយៈសាខាចំនួន៨។ ក្នុងអាណត្តិកន្លងទៅ សមាគមនិងសមាជិកនៃសមាគមមិត្តភាពវៀតណាម - កម្ពុជា តែងតែអនុវត្តតាមគោលការណ៍ណែនាំនិងគោលនយោបាយរបស់បក្ស ទិសដៅនិងភារកិច្ចរបស់សមាគម ពង្រីកនូវប្រពៃណីនិងបំពេញល្អនូវភារកិច្ចនយោបាយនៅមូលដ្ឋាន ជួយគ្នាទៅវិញទៅមក ដើម្បីកាត់បន្ថយភាពក្រីក្រអភិវឌ្ឍសេដ្ឋកិច្ចនិងធ្វើឲ្យជីវ ភាពរស់នៅកាន់តែសម្បូរធូធារ។
ចាប់តាំងពីរបានបង្កើតមក គណៈកម្មាធិការប្រតិបត្តិនៃសមាគមទៅក្រុងនិងសាលានានា តែងតែរួមសហការជាមួយអង្គការសង្គមនានា ដើម្បីបំពេញល្អនូវការងារផ្សព្វផ្សាយគោលការណ៍ គោលនយោបាយរបស់បក្ស ច្បាប់របស់រដ្ឋ គោលនយោបាយកិច្ចការបរទេសរបស់បក្ស និងរឹតបន្តឹងចំណងសាមគ្គីភាពជិតស្នីទ្ធវៀតណាម - ឡាវ -កម្ពុជា ជាពិសេសគឺចំណងសាមគ្គីភាព មិត្តភាពរវាងវៀតណាមជាមួយកម្ពុជា។
នាឱកាសនោះ មជ្ឈិមសមាគម បានផ្តល់ទង់ប្រឡងប្រណាំងឆ្នើម ចំពោះសមាគមមិត្តភាពវៀតណាម - កម្ពុជាទីក្រុងនិងសមូហភាពចំនួន ៣; បុគ្គលចំនួន ៦; ហើយសមាគមខេត្ត និងគណៈកម្មាធិការប្រជាជនទីក្រុង បានប្រគល់ប័ណ្ឌសរសើរដល់សមូហភាពចំនួន៦ និងបុគ្គលចំនួន ៩ ដែលមានស្នាដៃល្អក្នុងចលនានានារបស់សមាគមផងដែរ។
អង្គសន្និបាតក៏បានធ្វើការបោះឆ្នោតនៃគណៈកម្មាធិការប្រតិបត្តិ នីតិកាលទី២ អាណត្តិ ២០១៩ - ២០២៤ រួមមានសមាជិក ២៣ នាក់។ អង្គសន្និបាតក៏បានអនុម័តនូវសេចក្តីសម្រេចនៃមហាសន្និបាតផងដែរ៕
(ប្រភព៖ tpninhbinh.ninhbinh.gov.vn បកប្រែដោយ សមុទ្រ)
មតិពីមិត្តអ្នកអាន